'ಕೆಜಿಎಫ್ 2' ದಾಖಲೆ ಎದುರು ತೊಡೆ ತಟ್ಟಿದ ಅಕ್ಷಯ್ ಕುಮಾರ್!

4 ಸಾವಿರ ಸ್ಕ್ರೀನ್‌ಗಳಲ್ಲಿ ಪೃಥ್ವಿರಾಜ್ ರಿಲೀಸ್!

ಅಕ್ಷಯ್ ಕುಮಾರ್ ಅಭಿನಯದ 'ಪೃಥ್ವಿರಾಜ್' ಸಿನಿಮಾ ರಿಲೀಸ್‌ಗೆ ರೆಡಿಯಾಗುತ್ತಿದೆ. ಜೂನ್ 3ಕ್ಕೆ ಬಾಲಿವುಡ್‌ನ 'ಪೃಥ್ವಿರಾಜ್' ರಿಲೀಸ್ ಆಗಲಿದೆ. ಈ ಚಿತ್ರವನ್ನು ದೊಡ್ಡ ಮಟ್ಟದಲ್ಲಿ ತೆರೆಗೆ ತರಲು ಬಾಲಿವುಡ್ ಸಜ್ಜಾಗಿದೆ. ಹಾಗಾಗಿ ಸಿನಿಮಾವನ್ನು ಭಾರತದಾದ್ಯಂತ 4000 ಸ್ಕ್ರೀನ್‌ಗಳಲ್ಲಿ ರಿಲೀಸ್ ಮಾಡಲಾಗುತ್ತಿದೆ. ಕನ್ನಡದ ಕೆಜಿಎಫ್ 2, 5 ಭಾಷೆಗಳಲ್ಲಿ 6000 ಸ್ಕ್ರೀನ್‌ಗಳಲ್ಲಿ ತೆರೆಗೆ ಬಂದಿತ್ತು. ಆದರೆ ಈ ಸಿನಿಮಾ ಕೇವಲ ಹಿಂದಿಯಲ್ಲಿ 4000 ಸ್ಕ್ರೀನ್‌ಗಳಲ್ಲಿ ತೆರೆಕಾಣುತ್ತಿದೆ.

'ಕೆಜಿಎಫ್ 2': ಭಾರತೀಯ ಬಾಕ್ಸಾಫೀಸ್‌ನಲ್ಲಿ 1000 ಕೋಟಿ ಗಳಿಸಿದ 2ನೇ ಸಿನಿಮಾ!

ಪೃಥ್ವಿರಾಜ್ ಮೊದಲ ದಿನ 30 ಕೋಟಿ ಗಳಿಕೆಯ ನಿರೀಕ್ಷೆ!

ಪೃಥ್ವಿರಾಜ್ ಸಿನಿಮಾವನ್ನು ಹೆಚ್ಚು ಚಿತ್ರಮಂದಿರಗಳಲ್ಲಿ ರಿಲೀಸ್ ಮಾಡಲಗುತ್ತಿದೆ. ಇದರಂತೆ ಸಿನಿಮಾದ ಗಳಿಕೆಯ ಲೆಕ್ಕಾಚಾರವೂ ಶುರುವಾಗಿದೆ. ಮೊದಲ ದಿನ ಅಕ್ಷಯ್ ಕುಮಾರ್ ಸಿನಿಮಾ 30 ಕೋಟಿಯ ಟಾರ್ಗೆಟ್ ಇಟ್ಟುಕೊಂಡಿದೆಂತೆ. ಹಾಗೊಂದು ವೇಳೆ ಮೊದಲ ದಿನ ಈ ಸಿನಿಮಾ 30 ಕೋಟಿ ಗಡಿ ದಾಟಿದರೆ 100 ಕೋಟಿಯನ್ನು ವೇಗವಾಗಿ ಗಳಿಸಲಿದೆ. ಸಿನಿಮಾ ಪ್ರೇಕ್ಷಕರಿಗೆ ಇಷ್ಟವಾದರೆ ಈ ಮೊತ್ತ ದುಪ್ಪಟ್ಟಾದರೂ ಆಶ್ಚರ್ಯ ಇಲ್ಲ.

'ಭೂಲ್ ಭುಲಯ್ಯ' 2 ಗತಿ ಏನು?

ಹಿಂದಿಯಲ್ಲಿ ಸದ್ಯಕ್ಕೆ ರಿಲೀಸ್‌ಗೆ ರೆಡಿ ಇರುವ ಸ್ಟಾರ್ ಸಿನಿಮಾ ಅಂದರೆ 'ಭೂಲ್ ಭುಲಯ್ಯ 2'. ಈ ಚಿತ್ರದಲ್ಲಿ ನಟ ಕಾರ್ತಿಕ್ ಆರ್ಯನ್ ಮತ್ತು ಕಿಯಾರಾ ಅಡ್ವಾಣಿ ಜೊತೆಯಾಗಿ ನಟಿಸಿದ್ದಾರೆ. ಈ ಸಿನಿಮಾ ಈಗಾಗಲೇ ಪ್ರಚಾರ ಕಾರ್ಯಗಳನ್ನು ಶುರು ಮಾಡಿದೆ. ಸಿನಿಮಾ ಇದೆ 20ಕ್ಕೆ ತೆರೆಗೆ ಬರಲಿವೆ. ಆದರೆ ಅಂದುಕೊಂಡಂತೆ ಸಿನಿಮಾ ಕನಿಷ್ಟ ಗಳಿಕೆಯನ್ನು ಮಾಡದೇ ಹೋದರೆ, ಬಾಲಿವುಡ್‌ನ ಸಾಲು, ಸಾಲು ಸೋಲಿಗೆ ಈ ಚಿತ್ರವೂ ಸೇರಿ ಬಿಡುತ್ತದೆ.

ಯಶ್ ಮುಂದಿನಕ್ಕೆ ಸಿನಿಮಾ ಮಾಡೋದು ನರ್ತನ್: ಅಧಿಕೃತ ಮಾಹಿತಿ ಯಾವಾಗ?

RRR, ಕೆಜಿಎಫ್ 2 ಬಳಿಕ ಬಾಲಿವುಡ್ ತತ್ತರ!

RRR ಮತ್ತು ಕೆಜಿಎಫ್ 2 ಸಿನಿಮಾದ ಬಂದ ಮೇಲೆ ಬಾಲಿವುಡ್‌ಗೆ ಸಂಕಷ್ಟ ಎದುರಾಗಿದೆ. ಅದರಲ್ಲೂ ಕನ್ನಡದ 'ಕೆಜಿಎಫ್ 2' ಸಿನಿಮಾ ಬಾಲಿವುಡ್‌ನಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಸಿನಿಮಾಗಳ ರೆಕಾರ್ಡ್ ಬ್ರೇಕ್ ಮಾಡಿದೆ. ಹಾಗೆ ನೋಡಿದರೆ ಕೆಜಿಎಫ್ 2 ಹಿಂದಿಯ ಒರಿಜಿನಲ್ ಸಿನಿಮಾ ಅಲ್ಲ. ಇದು ಕನ್ನಡದಿಂದ ಹಿಂದಿಗೆ ಡಬ್ ಆಗಿ ರಿಲೀಸ್ ಆಗಿರು ಸಿನಿಮಾ. ಹಾಗಾಗಿ ಈಗ ಬಾಲಿವುಡ್ ಮಂದಿಗೆ ದೊಡ್ಡ ಸವಾಲು ಎದುರಾಗಿದೆ.