ವಿದೇಶದಲ್ಲಿ ಕೋಟಿಗಟ್ಟಲೆ ಹಣ ಗಳಿಸುತ್ತಿದೆ ಅಕ್ಷಯ್ ಕುಮಾರ್ ಸಿನಿಮಾ

ಹಲವು ದೇಶಗಳಲ್ಲಿ ಬಿಡುಗಡೆ ಆಗಿರುವ 'ಲಕ್ಷ್ಮಿ'

ಭಾರತದಲ್ಲಿ ಡಿಸ್ನಿ ಹಾಟ್‌ಸ್ಟಾರ್‌ನಲ್ಲಿ ಬಿಡುಗಡೆ ಆದ ಅಕ್ಷಯ್ ಕುಮಾರ್ ಅವರ 'ಲಕ್ಷ್ಮಿ' ಸಿನಿಮಾ, ಆಸ್ಟ್ರೇಲಿಯಾ, ನ್ಯೂಜಿಲೆಂಡ್, ಫಿಜಿ, ಪಾಪಾ ನ್ಯು ಗಿನಿ, ಯುಎಸ್‌ಎ, ದುಬೈ, ಇನ್ನೂ ಹಲವು ದೇಶಗಳಲ್ಲಿ ಬಿಡುಗಡೆ ಆಗಿದೆ. ಅಲ್ಲೆಲ್ಲಾ ಉತ್ತಮ ಪ್ರದರ್ಶನ ಕಾಣುತ್ತಿದೆ 'ಲಕ್ಷ್ಮಿ' ಸಿನಿಮಾ.

ದುಬೈನಲ್ಲಿ ಆರು ದಿನಕ್ಕೆ 1.46 ಕೋಟಿ

'ಲಕ್ಷ್ಮಿ' ಸಿನಿಮಾವು ವಿದೇಶದಲ್ಲಿ ಮಾಡಿರುವ ಬಾಕ್ಸ್‌ ಆಫೀಸ್ ಕಲೆಕ್ಷನ್‌ ಬಗ್ಗೆ, ಸಿನಿಮಾ ವಿಮರ್ಶಕ ತರಣ್ ಆದರ್ಶ್ ಈ ಬಗ್ಗೆ ಟ್ವೀಟ್ ಮಾಡಿದ್ದು, ಲಕ್ಷ್ಮಿ ಸಿನಿಮಾ ದುಬೈನಲ್ಲಿ ಆರು ದಿನದಲ್ಲಿ (ನವೆಂಬರ್ 9 ರಿಂದ ನವೆಂಬರ್ 15) 1.46 ಕೋಟಿ ಗಳಿಸಿದೆ.

ಆಸ್ಟ್ರೇಲಿಯಾದಲ್ಲಿ ಮೂರು ದಿನಕ್ಕೆ 72 ಲಕ್ಷ

ಕೊರೊನಾ ಕಡಿಮೆ ಇರುವ ನ್ಯೂಜಿಲೆಂಡ್‌ನಲ್ಲಿ 21 ಕಡೆಗಳಲ್ಲಿ 'ಲಕ್ಷ್ಮಿ' ಸಿನಿಮಾದ ಪ್ರದರ್ಶನವಾಗುತ್ತಿದ್ದು, ಇಲ್ಲಿ ಮೂರು ದಿನಕ್ಕೆ 42.38 ಲಕ್ಷ ಗಳಿಸಿದೆ. ಆಸ್ಟ್ರೇಲಿಯಾದಲ್ಲಿ 52 ಕಡೆ ಸಿನಿಮಾ ಪ್ರದರ್ಶನವಾಗುತ್ತಿದ್ದು, ಇಲ್ಲಿ ಮೂರು ದಿನಕ್ಕೆ 72.48 ಲಕ್ಷ ಹಣ ಗಳಿಸಿದೆ.

ಫಿಜಿಯಲ್ಲಿ ಮೂರು ದಿನಕ್ಕೆ 17.16 ಲಕ್ಷ

ಪಾಪಾ ನ್ಯೂ ಗಿನಿಯ ಒಂದು ಥಿಯೇಟರ್‌ನಲ್ಲಿ ಲಕ್ಷ್ಮಿ ಸಿನಿಮಾ ಬಿಡಗುಡೆ ಆಗಿದ್ದು ಒಂದು ಥಿಯೇಟರ್‌ನಲ್ಲಿ ಮೂರು ದಿನಕ್ಕೆ 18,538 ರೂ ಸಂಪಾದಿಸಿದೆ. ಫಿಜಿಯಲ್ಲಿ ಏಳು ಕಡೆ ಸಿನಿಮಾ ಪ್ರದರ್ಶನ ಕಾಣುತ್ತಿದ್ದು 3 ದಿನಕ್ಕೆ 17.16 ಲಕ್ಷ ಹಣ ಗಳಿಸಿದೆ.