ಟ್ವಿಸ್ಟ್ ಮೇಲೆ ಟ್ವಿಸ್ಟ್: ಏನಿದು 'ಶಹಜಾದೇ' V/s 'ಅಲಾ ವೈಕುಂಠಪುರಂಲೊ' ಡಬ್ಬಿಂಗ್ ವರ್ಷನ್ ಫೈಟ್?

'ಶಹಝಾದೇ' ಚಿತ್ರಕ್ಕೆ ಹಿನ್ನಡೆ

ಸಿನಿಮಾ ರೀಮೆಕ್ ಮಾಡುವ ಮುನ್ನ ಹಿಂದಿ ಡಬ್ಬಿಂಗ್ ವರ್ಷನ್ ರಿಲೀಸ್ ಮಾಡದಂತೆ ಚಿತ್ರತಂಡ ಕೇಳಿಕೊಂಡಿತ್ತು. ಈ ಬಗ್ಗೆ ಚರ್ಚೆ ನಡೆದು ಎಲ್ಲರೂ ಒಪ್ಪಿಕೊಂಡಿದ್ದರು. ಆದರೆ ಡಬ್ಬಿಂಗ್ ವರ್ಷನ್ ಥಿಯೇಟರ್‌ನಲ್ಲಿ ರಿಲೀಸ್ ಮಾಡಲ್ಲ. ಯೂಟ್ಯೂಬ್ ಹಾಗೂ ಸ್ಯಾಟಲೈಟ್ ಚಾನಲ್ ರಿಲೀಸ್ ಮಾಡೋದಾಗಿ ಗೋಲ್ಡ್‌ಮೈನ್ಸ್ ಸಂಸ್ಥೆ ಹೊಸ ರಾಗ ಎಳೆದಿದೆ. ಇಲ್ಲದಿದ್ದರೆ ಸಿನಿಮಾ ಲಾಭದಲ್ಲಿ ಶೇರ್ ಕೊಡುವಂತೆ ಕೇಳಿತ್ತು. ಇದರಿಂದ ರೀಮೆಕ್ ಮಾಡಿದ್ದ ಕಾರ್ತಿಕ್ ಆರ್ಯನ್‌ಗೆ ತಲೆನೋವು ಶುರುವಾಗಿದೆ.

ಟ್ವಿಸ್ಟ್‌ ಮೇಲಿ ಟ್ವಿಸ್ಟ್ ಸಿಗುತ್ತಿದೆ

ಈಗಾಗಲೇ ಒಂದು ಬಾರಿ 'ಶಹಝಾದೇ' ತಂಡ ಸಿನಿಮಾ ರಿಲೀಸ್ ಡೇಟ್ ಮುಂದೂಡಿದೆ. ಮತ್ತೊಂದು ಕಡೆ ಗೋಲ್ಡ್‌ಮೈನ್ಸ್ ಸಂಸ್ಥೆ ಯೂಟ್ಯೂಬ್ ಚಾನಲ್‌ನಲ್ಲಿ ಸಿನಿಮಾ ಅಪ್‌ಲೋಡ್ ಮಾಡೋದಾಗಿ ಹೇಳಿತ್ತು. ಆದರೆ ಅಲ್ಲು ಅರ್ಜುನ್ ಈ ಬಗ್ಗೆ ಚರ್ಚೆ ನಡೆಸಿದ್ದಾರಂತೆ. ಪರಿಣಾಮ ಡಿಜಿಟಲ್ ರಿಲೀಸ್(ಯೂಟ್ಯೂಬ್‌ ಅಪ್‌ಲೋಡ್) ತಡವಾಗುತ್ತದೆ ಎಂದು ಸಂಸ್ಥೆ ಹೇಳಿದೆ. ಆದರೆ ಈಗ ಮತ್ತೊಂದು ಟ್ವಿಸ್ಟ್ ಕೊಟ್ಟಿದೆ.

ಟಿವಿಯಲ್ಲಿ ಡಬ್ ವರ್ಷನ್ ಪ್ರಸಾರ

ಗೋಲ್ಡ್‌ಮೈನ್ಸ್ ಸಂಸ್ಥೆ ಸದ್ಯಕ್ಕೆ ಯೂಟ್ಯೂಬ್‌ಗೆ ಹಾಕಲ್ಲ. ಆದರೆ ನಮ್ಮ ಸ್ಯಾಟಲೈಟ್ ಚಾನಲ್‌ನಲ್ಲಿ ಪ್ರಸಾರ ಮಾಡುತ್ತೇವೆ ಎಂದಿದೆ. ಅಲ್ಲು ಅರ್ಜುನ್ ಅಭಿಮಾನಿಗಳಿಗಾಗಿ ಸಿನಿಮಾ ಪ್ರಸಾರ ಮಾಡುತ್ತೇವೆ ಎಂದು ಹೇಳಿ ಈಗಾಗಲೇ ಒಂದು ಬಾರಿ ಡಬ್ಬಿಂಗ್‌ ವರ್ಷನ್ ಪ್ರಸಾರ ಮಾಡಿದೆ. 'ಶಹಜಾದೇ' ಫೆಬ್ರವರಿ 17ಕ್ಕೆ ರಿಲೀಸ್ ಆಗಲಿದ್ದು, ಫೆಬ್ರವರಿ 18ಕ್ಕೆ ಮತ್ತೊಮ್ಮೆ ಪ್ರಸಾರ ಮಾಡೋದಾಗಿ ಘೋಷಿಸಿದ್ದಾರೆ. ಇದು 'ಶಹಝಾದೇ' ತಂಡಕ್ಕೆ ಸಹಜವಾಗಿಯೇ ಬೇಸರ ತಂದಿದೆ.

ಅಲ್ಲು ಅರ್ಜುನ್ ಸುದ್ದಿಗೋಷ್ಠಿ

ಇನ್ನು ನಟ ಅಲ್ಲು ಅರ್ಜುನ್ ಸಂಜೆ ಸುದ್ದಿಗೋಷ್ಠಿ ಕರೆದಿದ್ದು ಯಾವ ವಿಚಾರದ ಬಗ್ಗೆ ಮಾತನಾಡುತ್ತಾರೆ ಎನ್ನುವ ಕುತೂಹಲ ಮೂಡಿದೆ. ಬಾಲಿವುಡ್‌ನಲ್ಲಿ ಶಹಜಾದೇ ಮತ್ತು ಅಲಾ ವೈಕುಂಠಪುರಂಲೋ ಡಬ್ಬಿಂಗ್ ವರ್ಷನ್ ಕಿರಿಕ್ ಬಗ್ಗೆ ಮಾತನಾಡುತ್ತಾರಾ? ಎನ್ನುವ ಚರ್ಚೆ ನಡೀತಿದೆ. ಒಟ್ನಲ್ಲಿ ರೀಮೆಕ್ ವರ್ಸಸ್ ಡಬ್ಬಿಂಗ್ ಗದ್ದಲ ಬಾಲಿವುಡ್‌ ಅಂಗಳದಲ್ಲಿ ಭಾರೀ ಸದ್ದು ಮಾಡ್ತಿದೆ.