Don't Miss!
- Technology ಈ ಹೊಸ 5G ಫೋನ್ ಖರೀದಿಸಿದರೆ, ವಿವೋ ಕಂಪನಿಯ ಇಯರ್ಫೋನ್ ಉಚಿತ!
- Automobiles ನಟಿ ಶಿಲ್ಪಾ ಶೆಟ್ಟಿಗೆ ಮತ್ತೊಂದು ಸಮಸ್ಯೆ ತಂದಿಟ್ಟ ಪತಿ: ಐಷಾರಾಮಿ ಕಾರುಗಳು ಸೀಜ್!
- News Bengaluru: ಬೆಂಗಳೂರು ದಕ್ಷಿಣ ಲೋಕಸಭಾ ಕ್ಷೇತ್ರದಲ್ಲಿ ಕೆಜಿಗಟ್ಟಲೆ ಚಿನ್ನ, ವಜ್ರ ಮತ್ತು ಹಣ ಪತ್ತೆ
- Lifestyle ವೋಟರ್ ಐಡಿ ಇಲ್ಲದೆಯೂ ಮತ ಚಲಾಯಿಸಬಹುದು.! ಹೇಗೆ ಗೊತ್ತಾ?
- Sports 2025ರ ಚಾಂಪಿಯನ್ಸ್ ಟ್ರೋಫಿಗಾಗಿ ಭಾರತ ತಂಡ ಪಾಕಿಸ್ತಾನಕ್ಕೆ ಪ್ರಯಾಣಿಸಲಿದೆಯೇ?; ಬಿಸಿಸಿಐ ಹೇಳಿದ್ದೇನು?
- Finance ಬೆಂಗಳೂರಿನಲ್ಲಿ ಈ ಮೂರು ದಿನಗಳ ಕಾಲ ಮದ್ಯ ಮಾರಾಟ ನಿಷೇಧ, ದಿನಾಂಕ, ಸಮಯ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
30 ಕ್ಕೆ ಮುನ್ನಾ ಮದುವೆ ಆಗಬೇಡ: ನಟಿಗೆ ತಾಯಿಯ ಸಲಹೆ
'ಹೆಣ್ಣು ಮಕ್ಕಳು ಮಡಿಲ ಕೆಂಡ, ಬೇಗನೆ ಮದುವೆ ಮಾಡಿಬಿಡಬೇಕು' ಈ ಮಾತು ಸಾಕಷ್ಟು ಹೆಣ್ಣುಮಕ್ಕಳ ಸ್ವಾತಂತ್ರ್ಯವನ್ನು ಬಹುಬೇಗ ಕಸಿದುಕೊಂಡಿತ್ತು. ಆದರೆ ಈಗ ಕಾಲ ಸಾಕಷ್ಟು ಬದಲಾಗಿದೆ.
ಹೆಣ್ಣುಮಕ್ಕಳು ಈಗ ಮಡಿಲ ಕೆಂಡವಲ್ಲ, ಹೂ ಎಂಬುದು ನಿಧಾನಕ್ಕೆಯಾದರೂ ಸಾಕಷ್ಟು ಜನರಿಗೆ ಅರ್ಥವಾಗಿದೆ. ಇನ್ನೂ ಹಲವರಿಗೆ ಅರ್ಥವಾಗಬೇಕಿದೆ.
ಸಿನಿಮಾ ನಟಿಯರಂತೂ ಮದುವೆಗಿಂತಲೂ ಹೆಚ್ಚಿಗೆ ತಮ್ಮ ವೃತ್ತಿಗೆ ಆದ್ಯತೆ ಕೊಡುತ್ತಿದ್ದಾರೆ. ಮೊದಲು ವೃತ್ತಿ ನಂತರ ಸಮಯವಿದ್ದರೆ ಮದುವೆ ಎಂಬುದು ನಟಿಯರ ದಿಟ್ಟ ಉತ್ತರ. 'ಮದುವೆ ಯಾವಾಗ?' ಎಂದು ಪ್ರಶ್ನೆ ಕೇಳಿದ ಪತ್ರಕರ್ತರ ಮೇಲೆ ಉರಿದು ಬಿದ್ದಿರುವ ನಟಿಯರ ಸಂಖ್ಯೆ ಕಡಿಮೆ ಏನಿಲ್ಲ. ಆದರೆ ಆ ಪ್ರಶ್ನೆಗಳೇನೂ ನಿಂತಿಲ್ಲ.
ನಟಿ ಅಲಯಾಗೆ ಇತ್ತೀಚೆಗೆ ಇದೇ ಪ್ರಶ್ನೆ ಎದುರಾಗಿದೆ. ಇದಕ್ಕೆ ಜಾಣ್ಮೆಯಿಂದ ಉತ್ತರ ಕೊಟ್ಟಿರುವ ಅಲಯಾ, 'ನನ್ನ ಅಮ್ಮ ಹೇಳಿದ್ದಾರೆ, 30 ಕ್ಕೆ ಮುನ್ನಾ ಮದುವೆ ಆಗಬೇಡವೆಂದು, ಅಮ್ಮನ ಮಾತನ್ನು ಪಾಲಿಸುತ್ತೇನೆ' ಎಂದಿದ್ದಾರೆ. ಅಲಯಾಗೆ ಇನ್ನೂ 23 ವರ್ಷ ವಯಸ್ಸು. ಅಲಯಾರ ತಾಯಿ ನಟಿ ಪೂಜಾ ಬೇಡಿ.
ಸಿಂಗಲ್ ಪೇರೆಂಟ್ ಇಂದ ಬೆಳೆಸಲ್ಪಟ್ಟ ಮಕ್ಕಳು ಹೆಚ್ಚು ಸ್ವಾಲಂಬಿಗಳಾಗಿರುತ್ತಾರೆ ಎಂದಿರುವ ಅಲಯಾ, 'ನನ್ನ ತಾಯಿ ಯಾವಾಗಲೂ ಹೇಳುತ್ತಿದ್ದಳು, ನಾನು ಆರ್ಥಿಕವಾಗಿ ಸ್ವಾವಲಂಬಿಯಾಗಬೇಕು ಎಂದು' ಎಂದಿದ್ದಾರೆ ಅಲಯಾ.
ಅಲಯಾರ ತಾಯಿ ಪೂಜಾ ಬೇಡಿ ಮತ್ತು ತಂದೆ ಇಬ್ರಾಹಿಮ್ ಫರ್ನೀಚರ್ವಾಲಾ 2003 ರಲ್ಲಿ ವಿಚ್ಛೇಧನ ಪಡೆದಿದ್ದರು. 'ಜವಾನಿ ಜಾನೇಮನ್' ಸಿನಿಮಾದ ಮೂಲಕ ಅಲಯಾ ಬಾಲಿವುಡ್ ಪ್ರವೇಶಿಸಿದರು. ಈ ಸಿನಿಮಾದಲ್ಲಿ ಸೈಫ್ ಅಲಿ ಖಾನ್ ನಾಯಕರಾಗಿದ್ದರು. ಟಬು ಸಹ ಸಿನಿಮಾದಲ್ಲಿ ನಟಿಸಿದ್ದರು.