ಖ್ಯಾತ ನಿರ್ದೇಶಕ ಭಟ್ಟರ ಮಗಳ ರಂಗೀಲಾ ಚಿತ್ರಗಳು!

ಎಲ್ಲರ ಕಣ್ಣು ಕುಕ್ಕಿದ ಅಲಿಯಾ ಭಟ್

ಹಲೋ ಮ್ಯಾಗಜಿನ್ ನಲ್ಲಿ ತಮ್ಮ ತಾಜಾ ತಾಜಾ ಚಿತ್ರಗಳ ಮೂಲಕ ಎಲ್ಲರ ಕಣ್ಣು ಕುಕ್ಕಿದ್ದಾರೆ ಅಲಿಯಾ ಭಟ್. ವಯಸ್ಸು ಕಡಿಮೆ ಇದ್ದರೂ ಸಾಕಷ್ಟು ನುರಿತ ರೂಪದರ್ಶಿಯರೂ ನಾಚುವಂತೆ ಪೋಸು ನೀಡಿದ್ದಾರೆ.

ಮೊದಲ ಚಿತ್ರ ಸ್ಟುಡೆಂಟ್ ಆಫ್ ದಿ ಇಯರ್

ಸ್ಟುಡೆಂಟ್ ಆಫ್ ದಿ ಇಯರ್ ಚಿತ್ರದ ಮೂಲಕ ಬಾಲಿವುಡ್ ಚಿತ್ರರಂಗಕ್ಕೆ ಅಡಿಯಿಟ್ಟ ಅಲಿಯಾ ಎಲ್ಲರ ಗಮನಸೆಳೆದರು. ಕರಣ್ ಜೋಹರ್ ಚಿತ್ರದ ನಾಯಕ ನಟ. ಧರ್ಮಾ ಪ್ರೊಡಕ್ಷನ್ಸ್, ಶಾರುಖ್ ಖಾನ್ ಅವರ ರೆಡ್ ಚಿಲ್ಲೀಸ್ ಎಂಟರ್ ಟೈನ್ ಮೆಂಟ್ ಬ್ಯಾನರ್ ನಲ್ಲಿ ಈ ಚಿತ್ರ ನಿರ್ಮಾಣವಾಗಿತ್ತು.

ಚಿತ್ರ ಸೋತರೂ ಅವಕಾಶಗಳಲ್ಲಿ ಹಿಂದೆ ಬೀಳಲಿಲ್ಲ

ಸ್ಟುಡೆಂಟ್ ಆಫ್ ದ ಇಯರ್ ಚಿತ್ರ ಬಾಕ್ಸ್ ಆಫೀಸ್ ಗಳಿಕೆಯಲ್ಲಿ ಹೇಳಿಕೊಳ್ಳುವಂತಹ ಸದ್ದು ಮಾಡದಿದ್ದರೂ ಅಲಿಯಾಗೆ ಸಾಕಷ್ಟು ಅವಕಾಶಗಳಂತೂ ಸಿಕ್ಕಿದವು. ಸದ್ಯಕ್ಕೆ ಅಲಿಯಾ ಇಂತಿಯಾಜ್ ಅಲಿ ನಿರ್ದೇಶನದ ಹೈವೇ, ಅಭಿಷೇಕ್ ವರ್ಮನ್ ನಿರ್ದೇಶನದ 2 ಸ್ಟೇಟ್ಸ್ ಚಿತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ.

ಹೈವೇ ಚಿತ್ರದಲ್ಲೂ ಹಾಟ್ ಅಲಿಯಾ ಭಟ್

ಇನ್ನು 'ಹೈವೇ' ಚಿತ್ರದ ವಿಚಾರಕ್ಕೆ ಬಂದರೆ ಈ ಚಿತ್ರದಲ್ಲಿ ಅಲಿಯಾ ಭಟ್ ತನಗಿಂತಲೂ ದೊಡ್ಡವರಾದ ರಣದೀಪ್ ಹೂಡಾತೋ ರೊಮ್ಯಾನ್ಸ್ ಮಾಡುತ್ತಾರೆ. ಎ.ಆರ್.ರೆಹಮಾನ್ ಸಂಗೀತ ನಿರ್ದೇಶನದ ಈ ಚಿತ್ರ ಡಿಸೆಂಬರ್ ನಲ್ಲಿ ತೆರೆ ಕಾಣಲಿದೆ.

2 ಸ್ಟೇಟ್ಸ್ ಚಿತ್ರದಲ್ಲೂ ಮಸ್ತ್ ರೋಲ್

2 ಸ್ಟೇಟ್ಸ್ ಚಿತ್ರಕ್ಕೆ ಅಭಿಷೇಕ್ ವರ್ಮನ್ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಸಾಜಿದ್ ನಡಿಯಾ ವಾಲಾ, ಕರಣ್ ಜೋಹರ್ ಜಂಟಿಯಾಗಿ ನಿರ್ಮಿಸುತ್ತಿರುವ ಚಿತ್ರವಿದು. ಅರ್ಜುನ್ ಕಪೂರ್ ನಾಯಕ ನಟ. ಏಪ್ರಿಲ್ ನಲ್ಲಿ ಈ ಚಿತ್ರ ಪ್ರೇಕ್ಷಕರ ಮುಂದೆ ಬರಲಿದೆ.