Don't Miss!
- News ಲೋಕಸಭಾ ಚುನಾವಣೆಯಲ್ಲಿ ಕೊಡಗಿನಲ್ಲಿ ಮತ್ತೆ ‘ಕೈ’ ಕಮಾಲ್?: ಒಂದಷ್ಟು ನಾಯಕರು ಮೌನವಾಗಿದ್ದೇಕೆ?
- Lifestyle ಗ್ರಹಣ ಕಾಲದಲ್ಲಿ ಆಹಾರ ಸೇವಿಸಬಾರದೇಕೆ.? ಹಿರಿಯರ ವಾದವೇನು..?
- Technology ಬಜೆಟ್ ದರದಲ್ಲಿ ಬೆಸ್ಟ್ 5G ಫೋನ್ ಬೇಕಿದ್ರೆ, ಈ ಲಿಸ್ಟ್ ಒಮ್ಮೆ ಗಮನಿಸಿ!
- Finance ಆದಾಯ ತೆರಿಗೆ ಇಲಾಖೆಯಿಂದ ಕಾಂಗ್ರೆಸ್ಗೆ 1,823 ಕೋಟಿ ರೂ. ನೋಟಿಸ್: ತೆರಿಗೆ ಭಯೋತ್ಪಾದನೆ ನಿಲ್ಲಲೇಬೇಕು ಎಂದ ಪಕ್ಷ
- Sports Kohli vs Gambhir: ಹೈ-ವೋಲ್ಟೇಜ್ ಪಂದ್ಯದ ಬಗ್ಗೆ ಕೌಂಟರ್ ನೀಡಿದ ದಿನೇಶ್ ಕಾರ್ತಿಕ್
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಿರ್ದೇಶಕ ಮಹೇಶ್ ಭಟ್ ಮಗಳಿಗೆ ಅತ್ಯಾಚಾರದ ಬೆದರಿಕೆ
ಸುಶಾಂತ್ ಸಿಂಗ್ ರಜಪೂತ್ ಸಾವಿನ ಬಳಿಕ ಅನೇಕ ನಟರು, ನಟಿಯರು ಸಾಮಾಜಿಕ ಜಾಲತಾಣಗಳಲ್ಲಿ ಕಾಮೆಂಟ್ ಸೆಕ್ಷನ್ಗಳನ್ನು ಬಂದ್ ಮಾಡಿದ್ದಾರೆ. ಸುಶಾಂತ್ ಸಿಂಗ್ ರಜಪೂತ್ ಮೃತಪಟ್ಟ ನಂತರ ಬಾಲಿವುಡ್ನ ಸ್ವಜನಪಕ್ಷಪಾತದ ಕುರಿತು ತೀವ್ರ ಚರ್ಚೆಗಳು ನಡೆದಿದ್ದವು. ಈ ವೇಳೆ ಅನೇಕರು ಬಾಲಿವುಡ್ನ ಸಿನಿಮಾ ಕುಟುಂಬದಿಂದ ಬಂದು ತಾರೆಗಳಾಗಿ ಗುರುತಿಸಿಕೊಂಡ ಕಲಾವಿದರ ವಿರುದ್ಧ ಕಿರಿಕಾರಿದ್ದರು. ಅವರ ಸಾಮಾಜಿಕ ಜಾಲತಾಣದ ಖಾತೆಗಳಲ್ಲಿ ಕಾಮೆಂಟ್ ಹಾಕತೊಡಗಿದ್ದರು. ಕೆಲವರು ಒಂದು ಹೆಜ್ಜೆ ಮುಂದೆ ಹೋಗಿ ಅವರನ್ನು ಕೆಟ್ಟಪದಗಳಿಂದ ನಿಂದಿಸತೊಡಗಿದ್ದರು.
Recommended Video
ಈ ಕಾರಣದಿಂದ ಆಲಿಯಾ ಭಟ್, ಸೋನಾಕ್ಷಿ ಸಿನ್ಹಾ, ಸೋನಂ ಕಪೂರ್ ಸೇರಿದಂತೆ ಅನೇಕ ನಟಿಯರು ಇನ್ಸ್ಟಾಗ್ರಾಂನಲ್ಲಿ ಕಾಮೆಂಟ್ ವಿಭಾಗವನ್ನೇ ಅಡಗಿಸಿದ್ದಾರೆ. ಇದರಿಂದ ಕೆಲವರು ಅವರ ಸಂಬಂಧಿಕರ ಖಾತೆಗಳಿಗೆ ಹೋಗಿ ಕಾಮೆಂಟ್ ಮಾಡುತ್ತಿದ್ದಾರೆ.
ಟ್ರೋಲ್ ನಿಂದ ತಪ್ಪಿಸಿಕೊಳ್ಳಲು ಕಾಮೆಂಟ್ಸ್ ಹೈಡ್ ಮಾಡಿ ಪೋಸ್ಟ್ ಮಾಡುತ್ತಿರುವ ಅಲಿಯಾ ಭಟ್
ಸುಶಾಂತ್ ಆತ್ಮಹತ್ಯೆ ಪ್ರಕರಣದಲ್ಲಿ ನೆಟ್ಟಿಗರ ಆಕ್ರೋಶಕ್ಕೆ ಒಳಗಾದವರಲ್ಲಿ ನಟಿ ಆಲಿಯಾ ಭಟ್ ಮತ್ತು ಅವರ ತಂದೆ ಮಹೇಶ್ ಭಟ್ ಕೂಡ ಸೇರಿದ್ದಾರೆ. ಆದರೆ ಅನೇಕರು ಆಲಿಯಾ ಸಹೋದರಿ ಶಹೀನ್ ಭಟ್ ಖಾತೆಗೆ ಹೋಗಿ ಅಶ್ಲೀಲ ಪದಗಳಿಂದ ನಿಂದಿಸಿ ಬೆದರಿಕೆ ಹಾಕಿದ್ದಾರೆ. ಮುಂದೆ ಓದಿ...
ಕಾನೂನು ಕ್ರಮದ ಎಚ್ಚರಿಕೆ
ಬರಹಗಾರ್ತಿಯಾಗಿ ಗುರುತಿಸಿಕೊಂಡಿರುವ ನಿರ್ದೇಶಕ ಮಹೇಶ್ ಭಟ್ ಅವರ ಮತ್ತೊಬ್ಬ ಮಗಳು ಶಹೀನ್ ಭಟ್, ಸಾಮಾಜಿಕ ಜಾಲತಾಣದಲ್ಲಿ ತಮಗೆ ಅಶ್ಲೀಲ ಸಂದೇಶಗಳನ್ನು ನೀಡುವವರ ಮಾಹಿತಿ ಬಹಿರಂಗಪಡಿಸುವುದಾಗಿ ಮತ್ತು ಅವರ ವಿರುದ್ಧ ಎಲ್ಲ ರೀತಿಯ ಕಾನೂನು ಕ್ರಮ ತೆಗೆದುಕೊಳ್ಳುವುದಾಗಿ ಎಚ್ಚರಿಕೆ ನೀಡಿದ್ದಾರೆ.
'ಅಲಿಯಾ, ಮಹೇಶ್ ಸಾಯಬೇಕು'
ತಮಗೆ ಬಂದ ಸಂದೇಶಗಳ ಕೆಲವು ಸ್ಕ್ರೀನ್ ಶಾಟ್ಗಳನ್ನು ಶಹೀನ್ ಹಂಚಿಕೊಂಡಿದ್ದಾರೆ. ಅವುಗಳಲ್ಲಿ ಒಂದು ಸಂದೇಶದಲ್ಲಿ ಒಬ್ಬರು ಅಲಿಯಾ ಭಟ್ ಮತ್ತು ತಂದೆ ಮಹೇಶ್ ಭಟ್ ಸಾಯುವುದನ್ನು ನೋಡಲು ಬಯಸಿರುವುದಾಗಿ ಹೇಳಿದ್ದಾರೆ.
ಸ್ವಜನಪಕ್ಷಪಾತದ ಆರೋಪ: ಟೀಕಾಕಾರರಿಗೆ ಆಲಿಯಾ ಭಟ್ ತಾಯಿ ತಿರುಗೇಟು
ಶಹೀನ್ ಮತ್ತು ಸೋನಿಗೆ ಬೆದರಿಕೆ
ಇನ್ನು ಅನೇಕರು ಶಹೀನ್ ಮತ್ತು ಅವರ ತಾಯಿ ಸೋನಿ ರಾಜ್ದಾನ್ಗೆ ಕೆಟ್ಟ ಪದಗಳಿಂದ ನಿಂದಿಸಿದ್ದಾರೆ. ಅವರ ಮೇಲೆ ಅತ್ಯಾಚಾರ ಎಸಗುವ ಲೈಂಗಿಕ ಹಿಂಸೆಯ ಬೆದರಿಕೆಗಳನ್ನು ಕೂಡ ಹಾಕಿದ್ದಾರೆ. ಈ ರೀತಿಯ ದಾಳಿಗಳಿಂದ ತಮಗೆ ಅಚ್ಚರಿಯೇನೂ ಆಗಿಲ್ಲ ಎಂದು ಅವರು ಹೇಳಿದ್ದಾರೆ.
ಮಹಿಳೆಯರೂ ವ್ಯಭಿಚಾರಿ ಎನ್ನುತ್ತಾರೆ
ಜನರನ್ನು ಶಕ್ತಿಹೀನರನ್ನಾಗಿಸುವ ದೇಶದಲ್ಲಿ ನಾವಿದ್ದೇವೆ. ಮಹಿಳೆಯರನ್ನು ಕೀಳಾಗಿ ನೋಡುತ್ತಾರೆ. ನಿಮ್ಮ ತಾಯಿ, ಸಹೋದರಿ, ಪತ್ನಿ ಅಥವಾ ಒಬ್ಬ ವೇಶ್ಯೆಯಾಗಿರಲಿ ಎಲ್ಲರನ್ನೂ ಒಂದೇ ರೀತಿ ನೋಡುತ್ತಾರೆ. ಇಲ್ಲಿ ಪುರುಷರು ಮಾತ್ರವಲ್ಲ, ಮಹಿಳೆಯರೂ ಮತ್ತೊಬ್ಬ ಮಹಿಳೆಯನ್ನು ವ್ಯಭಿಚಾರಿ ಎಂದು ಕರೆಯುತ್ತಾರೆ ಎಂದು ಸುದೀರ್ಘ ಬರಹದಲ್ಲಿ ಹೇಳಿದ್ದಾರೆ.
ಜಗತ್ತನ್ನು ಬದಲಿಸಬೇಕಾಗಿದೆ
ಈ ರೀತಿಯ ಬೆದರಿಕೆಗಳನ್ನು ಗಂಭೀರವಾಗಿ ಪರಿಗಣಿಸಬೇಕೇ ಅಥವಾ ನಿರ್ಲಕ್ಷಿಸುವುದೇ ಎನ್ನುವುದು ಗೊತ್ತಾಗುತ್ತಿರಲಿಲ್ಲ. ಏಕೆಂದರೆ ಅನೇಕ ದಿನಗಳಿಂದ ಈ ರೀತಿ ಅವಾಚ್ಯ ಪದಗಳನ್ನು ಕೇಳಿ ಕೊನೆಗೆ ಅವುಗಳನ್ನು ಬಹಿರಂಗಪಡಿಸಲು ಮುಂದಾಗಿದ್ದೇನೆ. ಮಹಿಳೆಯರನ್ನು ದೌರ್ಜನ್ಯ ಹಾಗೂ ಲೈಂಗಿಕತೆಯ ವಸ್ತುವನ್ನಾಗಿ ನೋಡುವುದಕ್ಕಿಂತ ಮನುಷ್ಯರನ್ನಾಗಿ ನೋಡುವಂತೆ ಜಗತ್ತನ್ನು ಬದಲಿಸಬೇಕಿದೆ. ನನ್ನ ವೈಯಕ್ತಿಕ ಬದುಕಿನ ಸುತ್ತ ಬೌಂಡರಿಯನ್ನು ಹಾಕಿಕೊಂಡು ಕ್ರಮ ತೆಗೆದುಕೊಳ್ಳುವುದು ಅನಿವಾರ್ಯವಾಗಿದೆ ಎಂದಿದ್ದಾರೆ.