ಮುಖಪುಟ

ಬಾಲಿವುಡ್

ಬಾಲಿವುಡ್ ನಟ ಹೃತಿಕ್ ರೋಷನ್ ಮತ್ತು ಕಂಗನಾ ನಡುವೆ ನಡೆಯುತ್ತಿರುವ ಶೀತಲ ಸಮರಕ್ಕೆ ನಟ ಹೃತಿಕ್ ರೋಷನ್ ಅವರು ಅಂತಿಮ ತೆರೆ ಎಳೆಯಲು ನಿರ್ಧರಿಸಿದ್ದಾರೆ. ಈ ವಿಚಾರವಾಗಿ ಇತ್ತೀಚೆಗೆ ನಡೆದ '17ನೇ ಐಫಾ' ಪ್ರಶಸ್ತಿ ಸಮಾರಂಭದಲ್ಲಿ ಖುದ್ದು ಹೃತಿಕ್ ರೋಷನ್ ಅವರು ಮಾತನಾಡಿದ್ದಾರೆ.

'ತಮ್ಮಿಬ್ಬರ ಜಗಳದ ಅಸಲಿ ಸತ್ಯಾಸತ್ಯತೆ ಏನು ಎಂಬುದು ಅತೀ ಶೀಘ್ರದಲ್ಲೇ ಎಲ್ಲರೆದುರು ಬಯಲಾಗಲಿದೆ. ನನ್ನ ಬೆನ್ನ ಹಿಂದೆ ಏನೂ ಇಲ್ಲ. ಎಲ್ಲಾ ಸತ್ಯ ನಿಮ್ಮ ಮುಂದೆ ಬರಲಿದೆ' ಎಂದು ಹೃತಿಕ್ ರೋಷನ್ ಅವರು ಮ್ಯಾಡ್ರಿಡ್ ನಲ್ಲಿ (ಜೂನ್ 25) ನಡೆದ ಐಫಾ ಸಮಾರಂಭದಲ್ಲಿ ತಿಳಿಸಿದ್ದಾರೆ.[ಐಫಾ ಪ್ರಶಸ್ತಿ 2016: ದೀಪಿಕಾ ಮತ್ತು ರಣ್ವೀರ್ ಮೀರಿಸುವವರು ಯಾರಿಲ್ಲ!]

ಕಿತ್ತಾಡಿಕೊಂಡು ಇಡೀ ಬಿಟೌನ್ ನಲ್ಲಿ ರಾಡಿ ಎಬ್ಬಿಸಿಕೊಂಡಿದ್ದ ಹೃತಿಕ್ ರೋಷನ್ ಮತ್ತು ಕಂಗನಾ ರನೌತ್ ಅವರು ತದನಂತರ ಒಬ್ಬರಿಗೊಬ್ಬರು ಕೋರ್ಟ್ ನೋಟಿಸ್ ಕೂಡ ಕೊಟ್ಟುಕೊಂಡಿದ್ದರು.[ಕಂಗನಾ-ಹೃತಿಕ್ ಅಫೇರ್ ಕೇಸ್ ನಲ್ಲಿ ಮಹತ್ತರ ತಿರುವು]

ಒಟ್ನಲ್ಲಿ ಇಬ್ಬರ ಜಗಳಕ್ಕೆ ಸಂಫೂರ್ಣ ಪೂರ್ಣ ವಿರಾಮ ಹಾಕಲು ನಿರ್ಧರಿಸಿರುವ ನಟ ಹೃತಿಕ್ ರೋಷನ್ ಅವರು ಬಹಿರಂಗವಾಗಿ ಐಫಾ ಪ್ರಶಸ್ತಿ ಸಮಾರಂಭದಲ್ಲಿ ಹೇಳಿಕೆ ನೀಡಿರುವುದರಿಂದ ಇದೀಗ ನಟಿ ಕಂಗನಾ ಅವರ ಪ್ರತಿಕ್ರಿಯೆ ಯಾವ ರೀತಿ ಇರುತ್ತದೆ ಎಂಬುದನ್ನು ಮುಂದಿನ ದಿನಗಳಲ್ಲಿ ಕಾದು ನೋಡಬೇಕಿದೆ.['ಕ್ವೀನ್' ಕಂಗನಾ-ಹೃತಿಕ್ ಬಗ್ಗೆ ಹೊರಬಿದ್ದಿರುವ ಶಾಕಿಂಗ್ ನ್ಯೂಸ್]