Don't Miss!
- Automobiles ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
- News Bengaluru Rain: ಸುದೀರ್ಘ ಕಾಯುವಿಕೆ ಅಂತ್ಯ: ಬೆಂಗಳೂರಿಗೆ ಎಂಟ್ರಿ ಕೊಟ್ಟ ಮಳೆ; ವಿಡಿಯೋ ನೋಡಿ
- Lifestyle 5 ನಿಮಿಷದಲ್ಲಿ ಪಾತ್ರೆಯನ್ನು ಹೊಳೆಯುವಂತೆ ಮಾಡಿ..! ಸುಲಭದ ಟಿಪ್ಸ್ ಇಲ್ಲಿದೆ
- Technology oneplus: ಒನ್ಪ್ಲಸ್ನಿಂದ ಫ್ಲ್ಯಾಗ್ಶಿಪ್ ಕ್ಯಾಮೆರಾ ಸೌಲಭ್ಯದೊಂದಿಗೆ ಫ್ಲಿಪ್ ಫೋನ್!
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
78ನೇ ಹುಟ್ಟುಹಬ್ಬದಲ್ಲಿ ಅಮಿತಾಭ್: ಬಿಗ್-ಬಿ ಕೈಯಲ್ಲಿದೆ ಸಾಲು ಸಾಲು ಚಿತ್ರಗಳು
ಬಾಲಿವುಡ್ ಮೆಗಾಸ್ಟಾರ್ ಅಮಿತಾಭ್ ಬಚ್ಚನ್ ತಮ್ಮ 78ನೇ ವರ್ಷದ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಬರ್ತಡೇಗೂ ಎರಡು ದಿನ ಮುಂಚೆ ಅಷ್ಟೇ ಸೌತ್ ಇಂಡಿಯಾದ ದೊಡ್ಡ ಪ್ರಾಜೆಕ್ಟ್ವೊಂದಕ್ಕೆ ಸಹಿ ಮಾಡಿದ್ದಾರೆ. 78ನೇ ವಯಸ್ಸಿನಲ್ಲಿ ಬಿಟೌನ್ನ ಬಹುಬೇಡಿಕೆಯ ಹಾಗೂ ಅತ್ಯಂತ ಬ್ಯುಸಿ ನಟ ಅಮಿತಾಭ್.
ತಮ್ಮ ಸುದೀರ್ಘವಾದ ಈ ಸಿನಿಮಾ ಪಯಣದಲ್ಲಿ ಅಮಿತಾಭ್ ಬಚ್ಚನ್ ಎಲ್ಲ ಅನುಭವಗಳನ್ನು ಕಂಡಿದ್ದಾರೆ. ಯಶಸ್ಸು, ಸೋಲು, ಅವಮಾನ, ಆರೋಗ್ಯ ಸಮಸ್ಯೆ, ವಿವಾದ, ಟೀಕೆ, ಇಂಡಸ್ಟ್ರಿಯಿಂದ ಬ್ರೇಕ್ ಹೀಗೆ ಈ ಎಲ್ಲದರ ನಡುವೆಯೂ ಯಶಸ್ವಿ ಕಲಾವಿದನಾಗಿ ಜೀವಿಸುತ್ತಿದ್ದಾರೆ.
ಪ್ರಭಾಸ್-ದೀಪಿಕಾ ಪಡುಕೋಣೆ ಸಿನಿಮಾದಲ್ಲಿ ಅಮಿತಾಬ್ ಬಚ್ಚನ್ ನಟನೆ
ಬಹುಶಃ ಭಾರತೀಯ ಸಿನಿಮಾರಂಗದಲ್ಲಿ ಇತಿಹಾಸದಲ್ಲಿ 78 ವರ್ಷದ ಬಳಿಕವೂ ಸಾಲು ಸಾಲು ಚಿತ್ರಗಳಲ್ಲಿ ನಟಿಸುತ್ತಿರುವ ಸೂಪರ್ ಸ್ಟಾರ್ ಹೀರೋ ಅಮಿತಾಭ್ ಇರಬಹುದು. ಈಗಲೂ ಅವರ ಕೈಯಲ್ಲಿ ಐದಕ್ಕಿಂತ ಹೆಚ್ಚು ಪ್ರಾಜೆಕ್ಟ್ಗಳಿವೆ. ಯಾವುದು? ಮುಂದೆ ಓದಿ...
ಬ್ರಹ್ಮಾಸ್ತ್ರದಲ್ಲಿ ಬಿಗ್-ಬಿ
ರಣ್ಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಮುಖ್ಯ ಭೂಮಿಕೆಯಲ್ಲಿ ನಟಿಸುತ್ತಿರುವ 'ಬ್ರಹ್ಮಾಸ್ತ್ರ' ಚಿತ್ರದಲ್ಲಿ ಅಮಿತಾಭ್ ಬಚ್ಚನ್ ಕಾಣಸಿಕೊಂಡಿದ್ದಾರೆ. ಈ ಸಿನಿಮಾದ ಚಿತ್ರೀಕರಣವನ್ನು ಬಿಗ್ಬಿ ಮುಗಿಸಿದ್ದಾರೆ. ವಿಶೇಷ ಅಂದ್ರೆ ಈ ಚಿತ್ರದಲ್ಲಿ ತೆಲುಗು ನಟ ನಾಗಾರ್ಜುನ ಸಹ ನಟಿಸಿದ್ದಾರೆ. ಡಿಸೆಂಬರ್ 4 ರಂದು ಬಿಡುಗಡೆ ಮಾಡುವುದಾಗಿ ಈ ಹಿಂದೆ ಚಿತ್ರತಂಡ ಘೋಷಿಸಿತ್ತು.
ಚೆಹ್ರೆಯಲ್ಲಿ ಮೆಗಾಸ್ಟಾರ್
ಇಮ್ರಾನ್ ಹಶ್ಮಿ ನಾಯಕರಾಗಿ ನಟಿಸಿರುವ 'ಚೆಹ್ರೆ' ಸಿನಿಮಾದಲ್ಲೂ ಅಮಿತಾಭ್ ಬಚ್ಚನ್ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾದ ಶೂಟಿಂಗ್ ಸಹ ಬಹುತೇಕ ಮುಗಿದಿದೆ. ಅಮಿತಾಭ್, ಇಮ್ರಾನ್ ಜೊತೆ ರಿಯಾ ಚಕ್ರವರ್ತಿ, ಸಿದ್ಧಾರ್ಥ್ ಕಪೂರ್ ಸೇರಿದಂತೆ ಹಲವರು ನಟಿಸಿದ್ದಾರೆ.
ಪ್ರಭಾಸ್ ಸಿನಿಮಾದಲ್ಲಿ ನಟಿಸಲು ದೀಪಿಕಾಗಿಂತ ಹೆಚ್ಚು ಸಂಭಾವನೆ ಪಡೆದ ಬಿಗ್ ಬಿ ಅಮಿತಾಬ್
'ಜುಂಡ್' ಚಿತ್ರದಲ್ಲಿ ಬಿಗ್ಬಿ
'ಸೈರಾಟ್' ಚಿತ್ರದ ನಿರ್ದೇಶಿಸಿದ್ದ ನಾಗರಾಜ್ ಮಂಜುಳೇ ಅವರ ಮುಂದಿನ ಚಿತ್ರ 'ಜುಂಡ್'ನಲ್ಲೂ ಅಮಿತಾಭ್ ಕಾಣಿಸಿಕೊಂಡಿದ್ದಾರೆ. 'ಸ್ಲಮ್ ಸಾಕರ್' ಸ್ಥಾಪಕ ವಿಜಯ್ ಬಾರ್ಸೆ ಅವರ ಜೀವನ ಕಥೆ ಇದಾಗಿದ್ದು, ಆಕಶ್ ತೋಸಾರ್ ಮತ್ತು ರಿಂಕು ರಾಜಗುರು ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.
ತಮಿಳಿಗೆ ಹೊರಟ ಅಮಿತಾಭ್
ಹಿಂದಿ, ತೆಲುಗು ಹಾಗೂ ಕನ್ನಡದಲ್ಲು ನಟಿಸಿದ್ದ ಅಮಿತಾಭ್ ಬಚ್ಚನ್ ಈಗ ತಮಿಳಿಗೂ ಪ್ರವೇಶ ಮಾಡಿದ್ದಾರೆ. ತಮಿಳ್ವಣ್ಣನ್ ನಿರ್ದೇಶನ 'ಉನ್ನತ ಮನಿಧನ್' ಚಿತ್ರದಲ್ಲಿ ಅಮಿತಾಭ್ ನಟಿಸುತ್ತಿದ್ದಾರೆ. ಎಸ್ಜೆ ಸೂರ್ಯ ಮತ್ತು ರಮ್ಯಾ ಕೃಷ್ಣನ್ ಸಹ ಮುಖ್ಯ ತಾರಬಳಗದಲ್ಲಿದ್ದಾರೆ.
ಪ್ರಭಾಸ್ ಜೊತೆ ಅಮಿತಾಭ್
ಎರಡು ದಿನಗಳ ಹಿಂದೆಯಷ್ಟೇ ಅಮಿತಾಭ್ ಬಚ್ಚನ್ ಹೊಸ ಚಿತ್ರವೊಂದಕ್ಕೆ ಸಹಿ ಮಾಡಿದ್ದು, ತೆಲುಗು ನಟ ಪ್ರಭಾಸ್ ಜೊತೆ ನಟಿಸುತ್ತಿದ್ದಾರೆ. ದಿಪೀಕಾ ಪಡುಕೋಣೆ ನಾಯಕಿಯಾಗಿದ್ದಾರೆ. ಈ ಚಿತ್ರಕ್ಕೆ ಇನ್ನು ಹೆಸರಿಟ್ಟಿಲ್ಲ.
ಆಂಕೇನ್ 2!
ಬಾಲಿವುಡ್ ಇಂಡಸ್ಟ್ರಿಯ ಸೂಪರ್ ಹಿಟ್ ಚಿತ್ರ ಆಂಕೇನ್ ಮುಂದುವರಿದ ಭಾಗ ಆರಂಭವಾಗುತ್ತಿದೆ. ಆಂಕೇನ್ 2 ಚಿತ್ರದಲ್ಲೂ ಅಮಿತಾಭ್ ನಟಿಸುತ್ತಿದ್ದಾರೆ.