ಬಿಗ್ ಬಿ ಅಮಿತಾಬ್ ಗೆ ಎಪ್ಪತ್ತು ಲಕ್ಷ ಫಾಲೋವರ್ಸ್

ಭಾರತದ ಜನಸಂಖ್ಯೆ ನೂರು ಕೋಟಿ ಗಡಿ ದಾಟಿ ಚೀನಾ ದೇಶದ ಜನಸಂಖ್ಯೆಗೆ ಹತ್ತಿರವಾಗುತ್ತಿದೆ. ಬಾಲಿವುಡ್ ಬಿಗ್ ಬಿ ಅಮಿತಾಬ್ ಬಚ್ಚನ್ ಅಭಿಮಾನಿಗಳ ಸಂಖ್ಯೆಯೂ ಕೋಟಿಗಳಲ್ಲೇ ಇದೆ. ಈಗವರ ಟ್ವಿಟ್ಟರ್ ಅಭಿಮಾನಿಗಳ ಸಂಖ್ಯೆ ಎಪ್ಪತ್ತು ಲಕ್ಷಕ್ಕೆ ತಲುಪಿದೆ.

ಕಾಕತಾಳೀಯ ಎಂಬಂತೆ ಎಪ್ಪತ್ತರ ಹರೆಯದ ಅಮಿತಾಬ್ ಬಚ್ಚನ್ ಅವರಿಗೆ ಟ್ವಿಟ್ಟರ್ ನಲ್ಲಿ 70 ಲಕ್ಷದ ಫಾಲೋವರ್ಸ್ ಇರುವುದು ವಿಶೇಷ. ಬಿಗ್ ಬಿ ಇದುವರೆಗೂ 26,857 ಟ್ವೀಟ್ಸ್ ಮಾಡಿದ್ದಾರೆ. ಅಮಿತಾಬ್ ರನ್ನು 70 ಲಕ್ಷ ಮಂದಿ ಫಾಲೋ ಮಾಡುತ್ತಿದ್ದರೆ, ಅವರು ಕೇವಲ 840 ಮಂದಿಯನ್ನು ಫಾಲೋ ಮಾಡುತ್ತಿದ್ದಾರೆ.

ಅಮಿತಾಬ್ ಬಚ್ಚನ್

ಈ ಬಗ್ಗೆ ಟ್ವೀಟಿಸಿರುವ ಅಮಿತಾಬ್, "ಟ್ವಿಟ್ಟರ್ ನಲ್ಲಿ 70 ಲಕ್ಷ ಪ್ಲಸ್ ಫಾಲೋವರ್ಸ್, ಎಲ್ಲರಿಗೂ ಥ್ಯಾಂಕ್ಸ್" ಎಂದಿದ್ದಾರೆ. ಬಾಲಿವುಡ್ ಚಿತ್ರರಂಗ ಆಗಬಹುದು, ಭಾರತೀಯ ಸಿನಿಮಾ ಆಗಬಹುದು. ತಮಗೆ ಅನ್ನಿಸಿದ್ದನ್ನು ಸದಾ ಟ್ವಿಟ್ಟರ್ ನಲ್ಲಿ ಹಂಚಿಕೊಳ್ಳುತ್ತಾರೆ ಅಮಿತಾಬ್.

ಬ್ಲಾಗ್ ಬರೆಯುವುದರಲ್ಲೂ ಆಕ್ಟೀವ್ ಆಗಿರುವ ಅಮಿತಾಬ್ ಅವರು ಟ್ವಿಟ್ಟರ್ ನಲ್ಲಿ ಜನರಲ್ ಟಾಪಿಕ್ ಬಗ್ಗೆ ತಮ್ಮ ಅಭಿಪ್ರಾಯಗಳನ್ನು ಹೊರಹಾಕುತ್ತಿರುತ್ತಾರೆ. ಶೀಘ್ರದಲ್ಲೇ ಅವರ ಫಾಲೋವರ್ಸ್ ಸಂಖ್ಯೆ ಒಂದು ಕೋಟಿ ಮುಟ್ಟುವ ನಿರೀಕ್ಷೆ ಇದೆ. (ಏಜೆನ್ಸೀಸ್)