Don't Miss!
- News ಎಸ್ಸಿ, ಎಸ್ಟಿ ಮೀಸಲಾತಿ ಮುಸ್ಲಿಮರಿಗೆ ಹಂಚಿಕೆ: ಸ್ಪಷ್ಟನೆ ನೀಡಿದ ಸಿಎಂ ಸಿದ್ದರಾಮಯ್ಯ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Sports DC vs GT IPL 2024: ಡೆಲ್ಲಿ ಕೋಟೆಯಲ್ಲಿ ವಿಜಯದ ಪತಾಕೆ ಹಾರಿಸುತ್ತಾ ಗುಜರಾತ್?; ಟಾಸ್ ವರದಿ, ಆಡುವ ಬಳಗ
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಧಿಯಾಟ: ಅಭಿಮಾನಿಯಿಂದಲೇ ಅಮಿತಾಬ್ ಬಚ್ಚನ್ ದೇಹದ ಭಾಗ ನಶಿಸುತ್ತಿದೆ!
ಸಿನಿಮಾ ತಾರೆಯರಿಗೆ ಅಭಿಮಾನಿಗಳೇ ಆಮ್ಲಜನಕ. ಅಭಿಮಾನಿಗಳಿಲ್ಲದಿದ್ದೆ ಸ್ಟಾರ್ಗಳಿಲ್ಲ. ಹಾಗಾಗಿಯೇ ಬಹುತೇಕ ಸ್ಟಾರ್ಗಳು, ತಮ್ಮ ಕುಟುಂಬದ ನಂತರ ತಮ್ಮ ಅಭಿಮಾನಿಗಳಿಗೇ ಆದ್ಯತೆ ನೀಡಿದ್ದಾರೆ.
Recommended Video
ಆದರೆ ಅಭಿಮಾನಿಗಳಿಂದ ಸ್ಟಾರ್ ಗಳು ತೊಂದರೆ ಅನುಭವಿಸಿರುವ ಘಟನೆಗಳೂ ಸಾಕಷ್ಟಿವೆ. ಅಭಿಮಾನಿಗಳಿಂದಾಗಿ ಕಿರಿ-ಕಿರಿ ಅನುಭವಿಸುವುದು, ವೈಯಕ್ತಿಕ ಜೀವನ ಇಲ್ಲದಾಗುವುದು, ಸ್ಟಾರ್ ನಟನ ಹೆಸರಲ್ಲಿ ಹುಚ್ಚಾಟ ನಡೆಸುವ ಅಭಿಮಾನಿಗಳೂ ಇದ್ದಾರೆ ಇಂಥಹವೇ ಕೆಲವು ಸಮಸ್ಯೆಗಳನ್ನು ಅಭಿಮಾನಿಗಳಿಂದ ಸ್ಟಾರ್ ಗಳು ಅನುಭವಿಸುತ್ತಾರೆ.
ಆದರೆ ನಟ ಅಮಿತಾಬ್ ಬಚ್ಚನ್ ಕತೆಯೇ ಬೇರೆ. ಅಭಿಮಾನಿಯೊಬ್ಬನಿಂದಾಗಿ ತಮ್ಮ ದೇಹದ ಒಂದು ಭಾಗವನ್ನೇ ಕಳೆದುಕೊಳ್ಳುವ ಸ್ಥಿತಿಗೆ ಅಮಿತಾಬ್ ಬಚ್ಚನ್ ತಲುಪಿದ್ದಾರೆ! ಆದರೆ ಇದಕ್ಕೆ ಅಭಿಮಾನಿಯನ್ನು ದೂಷಿಸುವಂತಿಲ್ಲ, ಆತನ ತಪ್ಪೂ ಇಲ್ಲ, ವಿಧಿಯಷ್ಟೆ ಇದಕ್ಕೆ ಹೊಣೆ.
38 ವರ್ಷಗಳ ಹಿಂದೆ ಬೆಂಗಳೂರಲ್ಲಿ ಅಪಘಾತ
38 ವರ್ಷದ ಹಿಂದೆ ಅಮಿತಾಬ್ ಬಚ್ಚನ್ ಗೆ ಬೆಂಗಳೂರಿನಲ್ಲಿಯೇ ಚಿತ್ರೀಕರಣ ನಡೆಸುವಾದ ದೊಡ್ಡ ಅಪಘಾತವೊಂದು ಆಗಿತ್ತು. ಅವರ ಲಿವರ್ ಗೆ ತೀವ್ರವಾಗಿ ಪೆಟ್ಟಾಗಿತ್ತು. ಅವರು ಕೋಮಾಕ್ಕೆ ಜಾರಿಬಿಟ್ಟಿದ್ದರು. ಅವರು ಬದುಕುವುದೇ ಅಸಾಧ್ಯ ಎಂಬ ಸ್ಥಿತಿ ನಿರ್ಮಾಣವಾಗಿತ್ತು.
200 ಮಂದಿಯಿಂದ ರಕ್ತ ಪಡೆಯಲಾಗಿತ್ತು
ಅದೇ ಸಮಯದಲ್ಲಿ ಅಮಿತಾಬ್ ಬಚ್ಚನ್ ಅವರಿಗೆ ಚಿಕಿತ್ಸೆ ನಡೆಸಲು 60 ಬಾಟೆಲ್ಗಳಷ್ಟು ರಕ್ತದ ಅವಶ್ಯಕತೆ ಇತ್ತು. ರಕ್ತ ನೀಡಲು ಲಕ್ಷಾಂತರ-ಕೋಟ್ಯಂತರ ಅಭಿಮಾನಿಗಳು ತಯಾರಾಗಿದ್ದರು. ಪರೀಕ್ಷೆಗಳನ್ನು ನಡೆಸಿ 200 ವ್ಯಕ್ತಿಗಳಿಂದ 62 ಬಾಟೆಲ್ ನಷ್ಟು ರಕ್ತವನ್ನು ಅಮಿತಾಬ್ ಬಚ್ಚನ್ ದೇಹಕ್ಕೆ ಏರಿಸಲಾಯಿತು.
ಒಬ್ಬರಿಗೆ ಹೆಪಿಟೈಟಿಸ್ ಬಿ ಸೋಂಕು ಇತ್ತು
ಅಮಿತಾಬ್ ಬಚ್ಚನ್ ಗೆ ರಕ್ತ ಕೊಟ್ಟ ಆ 200 ಮಂದಿ ಅಭಿಮಾನಿಗಳಲ್ಲಿ ಒಬ್ಬ ವ್ಯಕ್ತಿಗೆ ಹೆಪಿಟೈಟಿಸ್-ಬಿ ಇತ್ತು! ಆ ಸೋಂಕಿತ ರಕ್ತದಿಂದಾಗಿ ಅಮಿತಾಬ್ ಬಚ್ಚನ್ ಗೆ ಸಹ ಹೆಪಿಟೈಟಿಸ್-ಬಿ ಆಯಿತು. ಅದು ಹೊಸ ಮಾದರಿಯ ಹೆಪಿಟೈಟಿಸ್-ಬಿ ಆಗಿದ್ದ ಕಾರಣ ಆಗ ಮಾಡಿದ ಪರೀಕ್ಷೆಯಲ್ಲಿ ಅದು ಪತ್ತೆಯಾಗಿರಲಿಲ್ಲ.
ಹೆಪಿಟೈಟಿಸ್-ಬಿ ಸೋಂಕಿತ ರಕ್ತದಿಂದ ಲಿವರ್ಗೆ ಸಮಸ್ಯೆ
ಹೆಪಿಟೈಟಿಸ್-ಬಿ ಸೋಂಕಿತ ರಕ್ತದಿಂದಾಗಿ ಅಮಿತಾಬ್ ಬಚ್ಚನ್ ಅವರ ಲಿವರ್ ಗೆ ತೀವ್ರ ಸಮಸ್ಯೆಯಾಯಿತು. ತಮಗೆ ಸೋಮಕಿತ ರಕ್ತ ನೀಡಲಾಗಿದೆ ಎಂಬ ವಿಷಯವೂ ಸಹ ಅಮಿತಾಬ್ ಅವರಿಗೆ ಹಲವು ವರ್ಷಗಳ ನಂತರ ಗೊತ್ತಾಯಿತು. ಅಷ್ಟರಲ್ಲಾಗಲೆ ಅವರ ಲಿವರ್ ನ 75% ಭಾಗ ನಾಶವಾಗಿತ್ತು, ಉಳಿದ 25% ಲಿವರ್ನಲ್ಲಿಯೇ ಅವರು ಬದುಕುತ್ತಿದ್ದಾರೆ.
ಮಾಹಿತಿ ಹೊರಗೆಡವಿದ ಅಮಿತಾಬ್
ಇತ್ತೀಚೆಗಷ್ಟೆ ಅಮಿತಾಬ್ ಬಚ್ಚನ್ ಅವರ ಕಣ್ಣು ಸಹ ಮಂಜಾಗಿದೆ. ಈ ಬಗ್ಗೆ ಸ್ವತಃ ಅವರೇ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ. ತಮ್ಮ ಆರೋಗ್ಯ ಸಮಸ್ಯೆಗಳ ಬಗ್ಗೆ ಅಮಿತಾಬ್ ಬಹಿರಂಗವಾಗಿ ಮಾತನಾಡುತ್ತಾರೆ. ಅಭಿಮಾನಿಗಳೊಂದಿಗೆ ತಮ್ಮ ಆರೋಗ್ಯ ಮಾಹಿತಿಯನ್ನು ಆಗಾಗ್ಗೆ ಹಂಚಿಕೊಳ್ಳುತ್ತಿರುತ್ತಾರೆ.