ಜಯಾ ಬಚ್ಚನ್ ಗೆ 'ಐ ಲವ್ ಯೂ' ಎಂದು ಹೇಳಲಿಲ್ಲವಂತೆ ಅಮಿತಾಬ್: ಕಾರಣ ಏನು?

ಸ್ಪರ್ಧಿ ಯೋಗೇಶ್ ಪಾಂಡೆ ಕೇಳಿದ ಪ್ರಶ್ನೆ

ಯೋಗೇಶ್ ಪಾಂಡೆ ಎಂಬ ಬಿಹಾರಿ ಸ್ಪರ್ಧಿಯೊಬ್ಬ ಅಮಿತಾಬ್ ಜೊತೆಗೆ ಹಾಟ್‌ಸೀಟ್‌ನಲ್ಲಿ ಕುಳಿತುಕೊಂಡಿದ್ದ. ಆತನ ನಿಶ್ಚಿತಾರ್ಥ ಕೋವಿಡ್ ಕಾರಣದಿಂದ ಮುಂದೂಡಲ್ಪಟ್ಟಿತಂತೆ ಹಾಗಾಗಿ ಆತ ತನ್ನ ಭಾವಿ ಪತ್ನಿಯೊಡನೆ ಕದ್ದು ಮುಚ್ಚಿ ಫೋನಿನಲ್ಲಿ ಮಾತನಾಡುತ್ತಾರಂತೆ, 'ನೀವು ಮದುವೆ ಆಗುವ ಮುನ್ನಾ ಜಯಾ ಬಚ್ಚನ್ ಜೊತೆ ಹೇಗೆ ಮಾತನಾಡುತ್ತಿದ್ದಿರಿ' ಎಂದು ಆತ ಅಮಿತಾಬ್ ಅವರನ್ನು ಪ್ರಶ್ನೆ ಮಾಡಿದ.

ಸಾಕಷ್ಟು ಪ್ರೇಮ ಪತ್ರಗಳನ್ನು ಜಯಾ ಅವರಿಗೆ ಬರೆದಿದ್ದೆ: ಅಮಿತಾಬ್

ಇದಕ್ಕೆ ನಗುತ್ತಲೇ ಉತ್ತರಿಸಿದ ಅಮಿತಾಬ್ ಬಚ್ಚನ್, 'ನಾನಂತೂ ಫುಲ್‌ ಖುಲಂಖುಲ್ಲಾ, ನಿಮ್ಮ ಹಾಗೆ ಹೆದರಿ ಬೆದರಿ ಮಾತನಾಡುತ್ತಿರಲಿಲ್ಲ. ಮದುವೆ ಆಗುವ ಮುನ್ನಾ ಜಯಾ ಬಚ್ಚನ್ ಅವರಿಗೆ ಸಾಕಷ್ಟು ಪ್ರೇಮ ಪತ್ರಗಳನ್ನು ಬರೆಯುತ್ತಿದ್ದೆ. ಈಗಲೂ ಬರೆಯುತ್ತೇನೆ ಎಂದಿದ್ದಾರೆ ಅಮಿತಾಬ್.

ಜಯಾ ಅವರಿಗೆ ಐ ಲವ್ ಯೂ ಎಂದಿಲ್ಲ: ಅಮಿತಾಬ್

'ಆದರೆ ನಾನು ಜಯಾ ಅವರಿಗೆ ಐ ಲವ್ ಯೂ ಎಂದು ಹೇಳಿಲ್ಲ. ಆದರೆ ಇಬ್ಬರೂ ಪರಸ್ಪರ ಪರಿಚಯದವರಾಗಿದ್ದೆವು, ಇಬ್ಬರೂ ಜೊತೆಗೆ ಕೆಲಸ ಮಾಡಿದ್ದೆವು, ಇಬ್ಬರ ಮನೆಗೂ ಹೋಗಿ-ಬರುವುದು ಮಾಡುತ್ತಿದ್ದೆವು. ಹೀಗೆ ಒಂದು ದಿನ ಕುಳಿತು ಮಾತನಾಡುತ್ತಾ 'ಇಬ್ಬರೂ ಮದುವೆ ಆಗಿಬಿಡೋಣ' ಎಂದುಕೊಂಡೆವು ಹಾಗೆಯೇ ಮದುವೆ ಆಗಿಬಿಟ್ಟೆವು' ಎಂದರು ಅಮಿತಾಬ್ ಬಚ್ಚನ್.

ಅದ್ಭುತವಾಗಿ ಶೋ ನಡೆಸಿಕೊಡುತ್ತಾರೆ ಅಮಿತಾಬ್

ಅಮಿತಾಬ್ ಬಚ್ಚನ್ ಬಹಳ ರಸವತ್ತಾಗಿ ಕೌನ್ ಬನೇಗಾ ಕರೋಡ್‌ಪತಿ ಕಾರ್ಯಕ್ರಮವನ್ನು ನಡೆಸಿಕೊಡುತ್ತಾರೆ. ಹಲವು ವಯೋಮಾನದ, ಹಲವು ಆಸಕ್ತಿಯ, ಭಾರತದ ಹಲವು ಪ್ರದೇಶಗಳಿಂದ, ಭಿನ್ನ-ಭಿನ್ನ ರೀತಿಯ ವ್ಯಕ್ತಿಗಳು ಶೋಗೆ ಬರುತ್ತಾರೆ ಎಲ್ಲರೊಂದಿಗೂ ಕೆಲವೇ ನಿಮಿಷಗಳಲ್ಲಿ ಆತ್ಮೀಯತೆ ಸಂಪಾದಿಸಿ ಸ್ಪರ್ಧಿಯು ಯಾವುದೇ ಹಿಂಜರಿಕೆ ಇಲ್ಲದಂತೆ ಆಡುವಂತೆ ಮಾಡುತ್ತಾರೆ.