Don't Miss!
- Automobiles ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- Lifestyle ಹನುಮಂತನ ಪವಾಡ: ಈ ದೇವಾಲಯದಲ್ಲಿ ಹನುಮಾನ್ ಮೂರ್ತಿ ವರ್ಷದಿಂದ ವರ್ಷಕ್ಕೆ ಎತ್ತರ ಬೆಳೆಯುತ್ತಿದೆ!
- News ಮೀಸಲಾತಿ ಅಸ್ತ್ರ ಪ್ರಯೋಗಿಸಿದ ಮೋದಿ; ಮುಸ್ಲಿಂ ಸಮುದಾಯಕ್ಕೆ 4% ಮೀಸಲಾತಿ: ಸಿದ್ದರಾಮಯ್ಯ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Finance Lok Sabha Election 2024: ಮತದಾನ ಮಾಡಿ ಹೋಟೆಲ್ಗಳಲ್ಲಿ ಫ್ರೀಯಾಗಿ, ರಿಯಾಯಿತಿಯಲ್ಲಿ ಟಿಫನ್ ತಿನ್ನಿ!
- Technology Qubo InstaView ವಿಡಿಯೋ ಡೋರ್ ಫೋನ್ ಲಾಂಚ್!..ಬೆಲೆ ಎಷ್ಟು, ಫೀಚರ್ಸ್ ಏನಿವೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಟೈಲರ್ ಮಾಡಿದ ತಪ್ಪು ಜನಪ್ರಿಯ ಸ್ಟೈಲ್ ಆಗಿಬಿಟ್ಟಿತು
ನಟ ಅಮಿತಾಬ್ ಬಚ್ಚನ್ ವಯಸ್ಸು ಈಗ 78 ವರ್ಷ. ಆದರೂ ಹಲವು ಸಿನಿಮಾಗಳಲ್ಲಿ ಅವರು ಬ್ಯುಸಿಯಾಗಿದ್ದಾರೆ. ಸಕ್ರಿಯವಾಗಿ ಚಿತ್ರೀಕರಣದಲ್ಲಿ ತೊಡಗಿಕೊಳ್ಳುತ್ತಾರೆ. ಸತತ 52 ವರ್ಷಗಳಿಂದಲೂ ಅಮಿತಾಬ್ ಬಚ್ಚನ್ ನಟಿಸುತ್ತಲೇ ಬಂದಿದ್ದಾರೆ.
ನಟನಾಗಿ ವೃತ್ತಿ ಆರಂಭಿಸಿದ ಸಮಯದಲ್ಲಿ 'ಆಂಗ್ರಿ ಯಂಗ್ ಮ್ಯಾನ್' ಎಂದು ಕರೆಸಿಕೊಳ್ಳುತ್ತಿದ್ದ ಅಮಿತಾಬ್ ಬಚ್ಚನ್ ಕೋಟ್ಯಂತರ ಯುವ ಅಭಿಮಾನಿಗಳನ್ನು ತಮ್ಮ ವಿಶಿಷ್ಟ ಮ್ಯಾನರಿಸಂ, ನಟನೆ, ಸಿಡಿಗುಂಡಿನಂಥಹಾ ಧ್ವನಿ ಹಾಗೂ ಸ್ಟೈಲ್ನಿಂದ ಸೆಳೆದಿದ್ದರು.
ಅಮಿತಾಬ್ ಬಚ್ಚನ್ ಯಾವುದಾದರೂ ಸಿನಿಮಾದಲ್ಲಿ ಒಂದು ಸ್ಟೈಲ್ ಮಾಡಿದರೆಂದರೆ ಮುಗಿಯಿತು. ಅದು ಕೆಲವೇ ದಿನಗಳಲ್ಲಿ ವೈರಲ್ ಆಗಿಬಿಡುತ್ತಿತ್ತು. ಬಾಯಲ್ಲಿ ಕಡ್ಡಿ ಕಚ್ಚುವ ಸ್ಟೈಲ್, ಪಾನ್ ಜಗಿಯುವ, ಉಗಿಯುವ ಸ್ಟೈಲ್, ಹೇರ್ಸ್ಟೈಲ್ ಅಮಿತಾಬ್ ಮಾಡಿದ್ದೆಲ್ಲವೂ ಅನುಕರಣೆ ಆಗುತ್ತಿತ್ತು. ಅಮಿತಾಬ್ ಮಾಡಿದ್ದ ಶರ್ಟ್ ಅನ್ನು ಸೊಂಟಕ್ಕೆ ಕಟ್ಟಿಕೊಳ್ಳುವ ಸ್ಟೈಲ್ ಅಂತೂ ಈಗಲೂ ಚಾಲ್ತಿಯಲ್ಲಿದೆ.
ಸೂಪರ್ ಹಿಟ್ ಸಿನಿಮಾ 'ದೀವಾರ್'ನಲ್ಲಿ ಅಮಿತಾಬ್ ಬಚ್ಚನ್ ದೃಶ್ಯವೊಂದರಲ್ಲಿ ಶರ್ಟ್ ಅನ್ನು ಇನ್ಶರ್ಟ್ ಮಾಡದೆ, ಮೇಲಿನ ಗುಂಡಿ ಹಾಕದೆ ಸೊಂಟಕ್ಕೆ ಕಟ್ಟಿಕೊಂಡಿರುತ್ತಾರೆ. ಆ ನಂತರ ಆ ಸ್ಟೈಲ್ ಬಹಳವೇ ಫೇಮಸ್ ಆಗಿಬಿಟ್ಟಿತು. ಈಗಲೂ ಕೆಲವು ಸಿನಿಮಾಗಳಲ್ಲಿ ವಿಲನ್ ಪಾತ್ರಧಾರಿಗಳು ಇದೇ ಸ್ಟೈಲ್ ಅನ್ನು ಅನುಕರಿಸುತ್ತಾರೆ. ಆದರೆ ಈ ಸ್ಟೈಲ್ನ ಪ್ರಾರಂಭವಾದ ಹಿಂದಿನ ಆಸಕ್ತಿಕರ ಕತೆಯನ್ನು ಬಚ್ಚನ್ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
''ಈ ಸ್ಟೈಲ್ ಪ್ರಾರಂಭವಾಗಿದ್ದರ ಹಿಂದೆ ದೊಡ್ಡ ಕತೆ ಇದೆ. ಅಂದಿನ ದಿನ ಚಿತ್ರೀಕರಣಕ್ಕೆ ಎಲ್ಲ ಸಿದ್ಧತೆ ಆಗಿತ್ತು. ನಾನು ಶರ್ಟ್ ಧರಿಸಿ ಸಿದ್ದನಾದೆ, ನೋಡಿದರೆ ಶರ್ಟ್ ಮೊಳಕಾಲಿನವರೆಗೂ ಉದ್ದವಿದೆ. ಇನ್ನೊಂದು ಶರ್ಟ್ ತರಿಸುವಷ್ಟು ಸಮಯ ನಮ್ಮ ಬಳಿ ಇರಲಿಲ್ಲ. ಚಿತ್ರೀಕರಣ ಪ್ರಾರಂಭವಾಗಬೇಕಿತ್ತು. ಹಾಗಾಗಿ ನಾನು ಶರ್ಟ್ ಅನ್ನು ಎತ್ತಿ ನಡುವಿಗೆ ಕಟ್ಟಿಕೊಂಡೆ, ನಂತರ ಇದುವೇ ದೊಡ್ಡ ಸ್ಟೈಲ್ ಆಗಿಬಿಟ್ಟಿತು'' ಎಂದಿದ್ದಾರೆ ಅಮಿತಾಬ್ ಬಚ್ಚನ್.
'ದೀವಾರ್' ಸಿನಿಮಾ 1975 ರಲ್ಲಿ ಬಿಡುಗಡೆ ಆಗಿತ್ತು. ಅಮಿತಾಬ್ ವೃತ್ತಿ ಜೀವನದ ಭಾರಿ ದೊಡ್ಡ ಹಿಟ್ಗಳಲ್ಲಿ ಈ ಸಿನಿಮಾ ಸಹ ಒಂದು. ಸಿನಿಮಾವನ್ನು ಯಶ್ ಚೋಪ್ರಾ ನಿರ್ದೇಶನ ಮಾಡಿದ್ದರು. ಕತೆ ಬರೆದಿದ್ದು ಸಲೀಂ-ಜಾವೇದ್.
Recommended Video
ಅಮಿತಾಬ್ ಬಚ್ಚನ್ ಪ್ರಸ್ತುತ ರಶ್ಮಿಕಾ ಮಂದಣ್ಣ ಜೊತೆಗೆ 'ಗುಡ್ ಬೈ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಅವರ ನಟನೆಯ 'ಬ್ರಹ್ಮಾಸ್ತ್ರ', 'ಜುಂಡ್' ಸಿನಿಮಾಗಳು ಬಿಡುಗಡೆಗೆ ತಯಾರಾಗಿದೆ. ಇದರ ಜೊತೆಗೆ ಅಜಯ್ ದೇವಗನ್ ಜೊತೆಗೆ 'ಮೇ ಡೇ', 'ಜ್ಯುವೆಲ್ ಆಫ್ ಇಂಡಿಯಾ', 'ದಿ ಇಂಟರ್ನ್' ಇನ್ನೂ ಕೆಲವು ಸಿನಿಮಾಗಳಲ್ಲಿ ಬಚ್ಚನ್ ನಟಿಸುತ್ತಿದ್ದಾರೆ.