'ಆತ ಅದ್ಭುತ ಕಿಸ್ಸರ್': ಚೊಚ್ಚಲ ಚುಂಬನದ ಬಗ್ಗೆ ಸ್ಟಾರ್ ನಟನ ಪುತ್ರಿ ಹೇಳಿದ್ದೇನು?

ಬಾಲಿವುಡ್ ಯುವನಟ ಟೈಗರ್ ಶ್ರಾಫ್ ಒಳ್ಳೆಯ ಡ್ಯಾನ್ಸರ್, ಸಖತ್ ಆಗಿ ಆಕ್ಷನ್ ಮಾಡ್ತಾರೆ ಎಂಬ ಟಾಕ್ ಇದೆ. ಅಷ್ಟೇ ಅಲ್ಲ ಅವರೊಬ್ಬರ ಗ್ರೇಟ್ ಕಿಸ್ಸರ್ ಎಂಬುದು ಈಗ ಬಹಿರಂಗವಾಗಿದೆ.

'ಟೈಗರ್ ಶ್ರಾಫ್ ಓರ್ವ ಗ್ರೇಟ್ ಕಿಸ್ಸರ್' ಎಂದು ಬಾಲಿವುಡ್ ನಟ ಚುಂಕಿ ಪಾಂಡೆ ಅವರ ಮಗಳ ಅನನ್ಯ ಪಾಂಡೆ ಹೇಳಿದ್ದಾರೆ. ಟೈಗರ್ ಶ್ರಾಫ್ ಅಭಿನಯದ 'ಸ್ಟೂಡೆಂಟ್ ಆಫ್ ದಿ ಇಯರ್-2' ಚಿತ್ರದಲ್ಲಿ ಅನನ್ಯ ಪಾಂಡೆ ನಾಯಕಿಯಾಗಿ ನಟಿಸಿದ್ದಾರೆ. ಈ ಚಿತ್ರದ ಪ್ರಚಾರದಲ್ಲಿ ಭಾಗಿಯಾಗಿದ್ದಾಗ ನಟಿ ಈ ಹೀಗೆ ಹೇಳುವ ಮೂಲಕ ಅಚ್ಚರಿ ಮೂಡಿಸಿದ್ದಾರೆ.

ಅನನ್ಯ ಪಾಂಡೆಗೆ ಇದು ಮೊದಲ ಸಿನಿಮಾ. ಮೇ 10 ರಂದು ಈ ಸಿನಿಮಾ ರಿಲೀಸ್ ಆಗುತ್ತಿದೆ. ಇದೇ ಚಿತ್ರದಲ್ಲಿ ಅನನ್ಯ ಪಾಂಡೆ ಜೊತೆ ಮತ್ತೊಬ್ಬ ನಟಿ ತಾರಾ ಸುತಾರಿಯ ಕೂಡ ನಟಿಸಿದ್ದಾರೆ. ಟೈಗರ್ ಶ್ರಾಪ್ ಗ್ರೇಟ್ ಕಿಸ್ಸರ್ ಎಂದು ಹೇಳಿದ ಅನನ್ಯ ಪಾಂಡೆ ಮಾತಿಗೆ ನಟಿ ತಾರಾ ಸುತಾರಿಯಾ ಕೂಡ ಹೌದು ಎಂದಿದ್ದಾರೆ.

ಚಿತ್ರದಲ್ಲಿ ಟೈಗರ್ ಶ್ರಾಫ್ ಗೆ ಕಿಸ್ ಮಾಡಿರುವ ಬಗ್ಗೆ ಮಾತನಾಡಿದ ಅನನ್ಯ ಪಾಂಡೆ 'ಇದು ನನಗೆ ಮೊದಲ ಕಿಸ್, ಇದುವರೆಗೂ ನಾನು ಯಾರಿಗೂ ಕಿಸ್ ಮಾಡಿಲ್ಲ. ಹಾಗಾಗಿ, ಇದು ಅದ್ಭುತ ಅನುಭವ' ಎಂದಿದ್ದಾರೆ.

ಇನ್ನುಳಿದಂತೆ 2012ರಲ್ಲಿ ತೆರೆಕಂಡಿದ್ದ 'ಸ್ಟೂಡೆಂಟ್ ಆಫ್ ದಿ ಇಯರ್' ಚಿತ್ರದ ಸೀಕ್ವೆಲ್ ಇದಾಗಿದ್ದು, ಪುನೀತ್ ಮಲ್ಹೋತ್ರ ನಿರ್ದೇಶನ ಮಾಡಿದ್ದಾರೆ. ಮೇ 10 ರಂದು ಈ ಸಿನಿಮಾ ತೆರೆಕಾಣುತ್ತಿದೆ.