ಬಿಕಿನಿ ತೊಟ್ಟ ಮಾಡೆಲ್‌ ಗೆ ಅತ್ಯಾಚಾರ ಬೆದರಿಕೆ ಹಾಕಿದ ಮಹಿಳೆ!

ಮಹಿಳೆಯೊಬ್ಬರು ಅತ್ಯಾಚಾರ ಬೆದರಿಕೆ ಹಾಕಿದ್ದಾರೆ!

ನಟಿ ಅನನ್ಯಾ ಪಾಂಡೆ ಅವರ ಸಹೋದರ ಸಂಬಂಧಿ ನಟಿ, ಮಾಡೆಲ್ ಅಲನ್ನಾ ಪಾಂಡೆ ಅವರು ಬಿಕಿನಿ ಧರಿಸಿದ ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು. ಚಿತ್ರ ನೋಡಿದ ಮಹಿಳೆಯೊಬ್ಬರು ಅತ್ಯಾಚಾರ ಬೆದರಿಕೆ ಹಾಕಿದ್ದಾರೆ.

'ನಿನ್ನನ್ನು ಸಾಮೂಹಿಕ ಅತ್ಯಾಚಾರ ಮಾಡಬೇಕು'

ಚಿತ್ರವನ್ನು ನೋಡಿದ ಮಹಿಳೆಯೊಬ್ಬರು, 'ನಿನ್ನನ್ನು ಸಾಮೂಹಿಕ ಅತ್ಯಾಚಾರ ಮಾಡಬೇಕು, ಸಾಮೂಹಿಕ ಅತ್ಯಾಚಾರ ಮಾಡಲು ನೀನು ಲಾಯಕ್ಕು' ಎಂಬರ್ಥದ ಕಮೆಂಟ್ ಮಾಡಿದ್ದರಂತೆ. ಈ ಬಗ್ಗೆ ಅಲನಾ ಪಾಂಡೆ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.

ಬಿಕಿನಿ ಪೋಸ್ಟ್‌ಗೆ ಪೋಷಕರನ್ನು ಟ್ಯಾಗ್ ಮಾಡಿದ್ದಾರೆ

ಅಷ್ಟಕ್ಕೇ ಸುಮ್ಮನಾಗದ ಆ ಮಹಿಳೆ ಅಲನಾ ಪಾಂಡೆಯ ಪೋಷಕರನ್ನು ಸಹ ಬಿಕಿನಿ ಪೋಸ್ಟ್‌ನ ಕಮೆಂಟ್‌ ನಲ್ಲಿ ಟ್ಯಾಗ್ ಮಾಡಿದ್ದಾಳೆ. ನಂತರ ಆ ಕಮೆಂಟ್ ಅನ್ನು ಇನ್‌ಸ್ಟಾಗ್ರಾಂ ಡಿಲೀಟ್ ಮಾಡಿತಂತೆ. ಅದರ ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳಲು ಆಗಲಿಲ್ಲ ಎಂದಿದ್ದಾರೆ ಅಲನಾ.

ಪ್ರತಿದಿನ ಇಂಥಹವು ಓದುತ್ತಿರುತ್ತೇನೆ: ಅಲನಾ

ಈ ಘಟನೆ ನಡೆದು ತಿಂಗಳಾಯಿತಂತೆ. ಆದರೆ ಈ ರೀತಿಯ ಕಮೆಂಟ್‌ಗಳನ್ನು ನಾನು ಪ್ರತಿದಿನ ಓದುತ್ತೇನೆ. ಪ್ರತಿದಿನ ನನಗೆ ಇಂಥಹಾ ಕಮೆಂಟ್‌ಗಳು ಬರುತ್ತವೆ. ಈ ಬಗ್ಗೆ ನಾನು ಇದಕ್ಕೆ ಮುನ್ನವೇ ಮಾತನಾಡಬೇಕಿತ್ತು ಎಂದಿದ್ದಾರೆ ಮಾಡೆಲ್ ಅಲನಾ.

ಅಸಹ್ಯಕರ ಕಮೆಂಟ್‌ಗಳು ಬರುತ್ತಲೇ ಇರುತ್ತವೆ: ಅಲನಾ

ಬೆಳಿಗ್ಗೆ ಎದ್ದ ಕೂಡಲೇ ಈ ರೀತಿಯ ಕೆಟ್ಟ, ಅಸಹ್ಯ ಕಮೆಂಟ್‌ಗಳನ್ನು ಓದುವುದು ನನ್ನ ಪ್ರತಿದಿನದ ಕೆಲಸವಾಗಿಬಿಟ್ಟಿದೆ ಎಂದು ನೊಂದುಕೊಂಡಿರುವ ಅಲನಾ, ಇಲ್ಲಿ ನಾನು ಪೋಸ್ಟ್ ಮಾಡಿರುವುದು ಕೇವಲ 1% ಅಷ್ಟೆ ಇಂಥಹವನ್ನು ನಾನು ಸಾಕಷ್ಟು ನೋಡುತ್ತಲೇ ಇರುತ್ತೇನೆ ಎಂದಿದ್ದಾರೆ.

ಮಾದಕ ಚಿತ್ರಗಳಿಂದ ಖ್ಯಾತವಾಗಿರುವ ಅಲನಾ

ಮಾಡೆಲ್ ಆಗಿರುವ ಅಲನಾ ಪಾಂಡೆ ತಮ್ಮ ಮಾದಕ ಚಿತ್ರಗಳನ್ನು ಆಗಾಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಲೇ ಇರುತ್ತಾರೆ. ಯಾವ ಸಿನಿಮಾದಲ್ಲೂ ಇನ್ನೂ ನಟಿಸದಿದ್ದರೂ ಅಲನಾ ಬಾಲಿವುಡ್‌ನಲ್ಲಿ ಸಖತ್ ಫೇಮಸ್. ಖ್ಯಾತ ಡಿಸೈನರ್ ಮನೀಶ್ ಮಲ್ಹೋತ್ರಾ ಅವರ ರಾಯಭಾರಿ ಸಹ.