ದೀಪಿಕಾ-ಅನುಷ್ಕಾ ಮುನಿಸು ಮುಗಿತಾ.? ಡಿಪ್ಪಿಗೆ ಅನುಷ್ಕಾ ಮಾಡಿದ ಕಾಮೆಂಟ್.?

ಕೇನ್ ಚಿತ್ರೋತ್ಸವದಲ್ಲಿ ದೀಪಿಕಾ ಮಿಂಚು

ಕೇನ್ಸ್ ಚಿತ್ರೋತ್ಸವದ ರೆಡ್ ಕಾರ್ಪೆಟ್ ನಲ್ಲಿ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಸಖತ್ ಆಗಿ ಮಿಂಚುತ್ತಿದ್ದಾರೆ. ಸ್ಟೈಲಿಶ್ ಕಾಸ್ಟ್ಯೂಮ್ ತೊಟ್ಟು ಮೋಹಕವಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದು ನೋಡುಗರಿಗೆ, ಅಭಿಮಾನಿಗಳಿಗೆ ಸಹಜವಾಗಿ ಇಷ್ಟವಾಗಿದೆ.

ದೀಪಿಕಾಗೆ ಮೆಚ್ಚುಗೆ ಸೂಚಿಸಿದ ಅನುಷ್ಕಾ

ಹೀಗೆ, ಕೇನ್ಸ್ ಚಿತ್ರೋತ್ಸವದಲ್ಲಿ ಕಂಗೊಳಿಸುತ್ತಿರುವ ದೀಪಿಕಾ ಪಡುಕೋಣೆಗೆ ನಟಿ ಅನುಷ್ಕಾ ಶರ್ಮಾ ವೈಯಕ್ತಿಕವಾಗಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ದೀಪಿಕಾ ಪೋಸ್ಟ್ ಮಾಡಿರುವ ವಿಡಿಯೋಗೆ ಕಾಮೆಂಟ್ ಮಾಡುವ ಮೂಲಕ ಬಿ-ಟೌನ್ ಮಂದಿಯಲ್ಲಿ ಆಶ್ಚರ್ಯ ಉಂಟು ಮಾಡಿದ್ದಾರೆ.

ದೀಪಿಕಾ ಚೆಂದದ ಬಗ್ಗೆ ಮೆಚ್ಚುಗೆ

ರೆಡ್ ಕಾರ್ಪೆಟ್ ನಲ್ಲಿ ಹೆಜ್ಜೆ ಹಾಕಿರುವ ದೀಪಿಕಾ ಪಡುಕೋಣೆ ವಿಡಿಯೋಗೆ ಕಾಮೆಂಟ್ ಮಾಡಿರುವ ಅನುಷ್ಕಾ ''ದೀಪಿಕಾ ರೆಡ್ ಕಾರ್ಪೆಟ್ ನಲ್ಲಿ ನಮ್ಮನ್ನು ಬೆರಗುಗೊಳಿಸಿದ್ದೀರಿ'' ಎಂದಿದ್ದಾರೆ. ಇದಕ್ಕೆ ಉತ್ತರ ಕೊಟ್ಟಿರುವ ದೀಪಿಕಾ ''ಥ್ಯಾಂಕ್ ಯೂ ಸೋ ಮಚ್ ಅನುಷ್ಕಾ ಶರ್ಮಾ'' ಎಂದು ಪ್ರತಿಕ್ರಿಯಿಸಿದ್ದಾರೆ.

ಮುನಿಸು ಇಲ್ಲ, ಕೋಲ್ಡ್ ವಾರ್ ಕೂಡ ಇಲ್ಲ

ಇದನ್ನ ಗಮನಿಸಿದ ಬಾಲಿವುಡ್ ಮಂದಿ ಇವರಿಬ್ಬರ ಮಧ್ಯೆ ಮುನಿಸು ಇಲ್ಲ, ಕೋಲ್ಡ್ ವಾರು ಇಲ್ಲ ಎಂಬ ಅಭಿಪ್ರಾಯಕ್ಕೆ ಬಂದಿದ್ದಾರೆ. ಬಹುಶಃ ಮುಂದಿನ ದಿನಗಳಲ್ಲಿ ಇಬ್ಬರು ಒಂದೇ ವೇದಿಕೆ ಅಥವಾ ಒಂದೇ ಸಿನಿಮಾದಲ್ಲೂ ಕಾಣಿಸಿಕೊಂಡರು ಅಚ್ಚರಿಯಿಲ್ಲ.