ಅಪ್ಪುಗೆಯೊಂದಿಗೆ ಪ್ರೀತಿಯ ಪತಿಗೆ ಅನುಷ್ಕಾ ವಿಶ್

ಭಾರತ ಕ್ರಿಕೆಟ್ ತಂಡದ ರನ್ ಮಿಷಿನ್, ಸೆಂಚುರಿ ಸರದಾರ ವಿರಾಟ್ ಕೋಹ್ಲಿ ಇಂದು ತಮ್ಮ 30ನೇ ವರ್ಷದ ಹುಟ್ಟುಹಬ್ಬದ ಆಚರಣೆಯಲ್ಲಿ ಇದ್ದಾರೆ. ಲಕ್ಷಾಂತರ ಅಭಿಮಾನಿಗಳ ಶುಭಾಶಯ ಕೊಹ್ಲಿಗೆ ತಲುಪಿದೆ.

ನಟಿ ಅನುಷ್ಕಾ ಶರ್ಮಾ ಕೂಡ ತಮ್ಮ ಪ್ರೀತಿಯ ಪತಿ ವಿರಾಟ್ ಕೊಹ್ಲಿಗೆ ಬರ್ತ್ ಡೇ ವಿಶ್ ಮಾಡಿದ್ದಾರೆ. ತಮ್ಮ ಪ್ರೀತಿಯನ್ನು ಒಂದೇ ಸಾಲಿನಲ್ಲಿ ಹೇಳಿರುವ ಅವರು ''ಅವನ ಹುಟ್ಟಿಗೆ ದೇವರಿಗೆ ಧನ್ಯವಾದ'' ಎಂದಿದ್ದಾರೆ.

ಕೊಹ್ಲಿ ಜೊತೆಗೆ ತೆಗೆದ ಎರಡು ಫೋಟೋವನ್ನು ಟ್ವಿಟ್ಟರ್ ಖಾತೆಯಲ್ಲಿ ಅನುಷ್ಕಾ ಹಂಚಿಕೊಂಡಿದ್ದಾರೆ. ಒಬ್ಬರನ್ನೊಬ್ಬರು ತಬ್ಬಿಕೊಂಡ ಫೋಟೋ ಸಖತ್ ಮುದ್ಧಾಗಿದೆ. ಅಭಿಮಾನಿಗಳಿಗೆ ಈ ಜೋಡಿಯ ಫೋಟೋ ಬಹಳ ಇಷ್ಟ ಅಗಿದೆ. ವಿಶೇಷ ಅಂದರೆ, ಮದುವೆ ನಂತರ ಬಂದಿರುವ ಮೊದಲ ಬರ್ತ್ ಡೇ ಇದಾಗಿದೆ.

ಬರ್ತ್ ಡೇ ಇರುವ ಕಾರಣ #HappyBirthdayVirat ಹ್ಯಾಶ್ ಟ್ಯಾಗ್ ಟ್ವಿಟ್ಟರ್ ನಲ್ಲಿ ಟ್ರೆಂಡ್ ಆಗಿದೆ. ಉಳಿದಂತೆ, ಇತ್ತೀಚಿಗಷ್ಟೆ ಭಾರತ ಹಾಗೂ ವೆಸ್ಟ್ ಇಂಡಿಸ್ ನಡುವೆ ನಡೆದ ಏಕದಿನ ಪಂದ್ಯದ ಸರಣಿಯಲ್ಲಿ ಮೂರು ಸೆಂಚುರಿ ಬಾರಿಸಿದ ಕೊಹ್ಲಿ ಟಿ20 ಪಂದ್ಯದಿಂದ ರೆಸ್ಟ್ ಪಡೆದಿದ್ದಾರೆ.

ಇತ್ತ ಅನುಷ್ಕಾ ಶರ್ಮ ನಟ ಶಾರೂಖ್ ಖಾನ್ ಅವರ ಜೊತೆಗೆ 'ಜೀರೋ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಚಿತ್ರದ ಟ್ರೇಲರ್ ಕೆಲದಿನಗಳ ಹಿಂದೆ ರಿಲೀಸ್ ಆಗಿದ್ದು, ಅನುಷ್ಕಾ ಪಾತ್ರದ ಬಗ್ಗೆ ದೊಡ್ಡ ಪ್ರಶಂಸೆ ಸಿಕ್ಕಿದೆ.