ಅನುಷ್ಕಾ ಬಾಲಿವುಡ್ ಎಂಟ್ರಿಯನ್ನ ಪ್ರಭಾಸ್ ವಿರೋಧಿಸಲು ಬಲವಾದ ಕಾರಣ.!

Recommended Video

'ಬಾಹುಬಲಿ' ಖ್ಯಾತಿಯ ನಟ ಪ್ರಭಾಸ್ 'ಸಾಹೋ' ಚಿತ್ರದ ಮೂಲಕ ಬಾಲಿವುಡ್ ಗೆ ಲಗ್ಗೆಯಿಟ್ಟಿದ್ದಾರೆ. ಎಲ್ಲ ಅಂದುಕೊಂಡಂತೆ ಆಗಿದ್ದರೇ, ಅನುಷ್ಕಾ ಶೆಟ್ಟಿ ಕೂಡ ಬಿಟೌನ್ ನಲ್ಲಿ ಇಷ್ಟೋತ್ತಿಗಾಲೇ ಮಿಂಚಬೇಕಿತ್ತು. ಆದ್ರೆ, ಅದ್ಯಾಕೋ ಮನಸ್ಸು ಮಾಡದ ಅನುಷ್ಕಾ ಬಂದಿರುವ ಅವಕಾಶಗಳನ್ನೆಲ್ಲಾ ತಳ್ಳಿ ಹಾಕುತ್ತಿದ್ದಾರೆ.

ಇದಕ್ಕೆ ಕಾರಣ ಸ್ನೇಹಿತ ಪ್ರಭಾಸ್ ಎನ್ನಲಾಗಿದೆ. ಅನುಷ್ಕಾ ಶೆಟ್ಟಿ ಯಾಕೆ ಬಿ-ಟೌನ್ ಪ್ರವೇಶಿಸಬಾರದು.? ಅನುಷ್ಕಾಳನ್ನ ಬಿಗ್ ಇಂಡಸ್ಟ್ರಿಗೆ ಕಾಲಿಡಲು ಪ್ರಭಾಸ್ ಯಾಕೆ ಬಿಡುತ್ತಿಲ್ಲ ಎಂಬ ಕುತೂಹಲ ಈಗ ಎಲ್ಲರನ್ನ ಕಾಡುತ್ತಿದೆ.

ಅದಕ್ಕೀಗ ಉತ್ತರ ಸಿಕ್ಕಿದ್ದು ಕಾರಣ ಕೇಳಿದ್ರೆ ಇವರಿಬ್ಬರ ಬಗ್ಗೆ ಮತ್ತಷ್ಟು ಅನುಮಾನ ಹೆಚ್ಚಾಗುತ್ತೆ. ಹೌದು, ''ಅನುಷ್ಕಾ ಶೆಟ್ಟಿ ಹಿಂದಿ ಸಿನಿಮಾ ಮಾಡಿದ್ರೆ, ಅದು ಪ್ರಭಾಸ್ ಜೊತೆಯಲ್ಲೇ ಇರಬೇಕು'' ಎನ್ನುವುದು ಪ್ರಭಾಸ್ ಇಚ್ಛೆಯಾಗಿದೆಯಂತೆ. ಹೀಗಾಗಿ, ಅನುಷ್ಕಾ ಕೂಡ ಬಂದಿರುವ ಆಫರ್ ಗಳನ್ನ ರಿಜೆಕ್ಟ್ ಮಾಡುತ್ತಿದ್ದಾರೆ ಎನ್ನಲಾಗಿದೆ.

ಅನುಷ್ಕಾ ಶೆಟ್ಟಿ ಮತ್ತು ಪ್ರಭಾಸ್ ಉತ್ತಮ ಸ್ನೇಹಿತರಾಗಿದ್ದು, ಅನುಷ್ಕಾ ಸಿನಿಮಾಗಳ ಬಗ್ಗೆ ಪ್ರಭಾಸ್ ಹೆಚ್ಚು ಕಾಳಜಿ ವಹಿಸುತ್ತಾರಂತೆ. ಅನುಷ್ಕಾ ಅಭಿನಯದ 'ಭಾಗಮತಿ' ಚಿತ್ರದ ಶೂಟಿಂಗ್ ಸೆಟ್ ಗೆ ಹೋಗಿದ್ದ ಪ್ರಭಾಸ್, ಸಿನಿಮಾ ಹೇಗೆ ಸಾಗಿದೆ ಎಂದು ವಿಚಾರಿಸಿದ್ದರು.

'ಭಾಗಮತಿ' ಟ್ರೇಲರ್ ಬಿಡುಗಡೆಯಾದಾಗ "ಪ್ರತಿ ಸಿನಿಮಾಗಳಲ್ಲಿಯೂ ಹೊಸ ರೀತಿಯ ಪ್ರಯೋಗ ಮಾಡುವುದರಲ್ಲಿ ಅನುಷ್ಕಾ ಶೆಟ್ಟಿ ಯಾವಾಗಲೂ ಮೊದಲಿರುತ್ತಾರೆ. ಗುಡ್ ಲಕ್ ಸ್ವೀಟಿ.. ಹಾಗೂ ಚಿತ್ರತಂಡಕ್ಕೆ ಶುಭವಾಗಲಿ" ಎಂದು ಕಾಮೆಂಟ್ ಮಾಡಿದ್ದರು.

ಸದ್ಯ, 'ಸಾಹೋ' ಚಿತ್ರದಲ್ಲಿ ಪ್ರಭಾಸ್ ಅಭಿನಯಿಸುತ್ತಿದ್ದಾರೆ. ಈ ಚಿತ್ರವು ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಮೂಡಿ ಬರುತ್ತಿದೆ. ಶ್ರದ್ಧಾ ಕಪೂರ್ ನಾಯಕಿಯಾಗಿದ್ದು, ನೀಲ್ ನಿತಿನ್ ಮುಖೇಶ್ ನಟಿಸುತ್ತಿದ್ದಾರೆ. ಇದು ಪ್ರಭಾಸ್ ಅಭಿನಯದ ಮೊದಲ ಬಾಲಿವುಡ್ ಸಿನಿಮಾವಾಗಿದೆ.