ತನಗಿಂತಲೂ 12 ವರ್ಷ ಹಿರಿಯ ಪ್ರೇಯಸಿ ಜೊತೆ ಮದುವೆಗೆ ಅರ್ಜುನ್ ಕಪೂರ್ ಸಜ್ಜು!

ಅಭಿಮಾನಿಯೊಬ್ಬ ಕೇಳಿದ ಪ್ರಶ್ನೆ

ತಮ್ಮ ಅಭಿಮಾನಿಗಳೊಂದಿಗೆ ಮಾಡಿದ ಆನ್‌ಲೈನ್ ಪ್ರಶ್ನೋತ್ತರದ ವೇಳೆ ಅಭಿಮಾನಿಯೊಬ್ಬ ಈ ಬಗ್ಗೆ ಅರ್ಜುನ್ ಕಪೂರ್ ಅವರನ್ನು ಪ್ರಶ್ನೆ ಮಾಡಿದ. 'ನಿಮ್ಮ ಮತ್ತು ಮಲೈಕಾ ಅರೋರ ಮದುವೆ ಯಾವಾಗ?' ಎಂಬುದು ಅಭಿಮಾನಿಯ ಪ್ರಶ್ನೆಯಾಗಿತ್ತು.

ಈಗಂತೂ ಮದುವೆ ಆಗಲು ಸಾಧ್ಯವಿಲ್ಲ: ಅರ್ಜುನ್

ಇದಕ್ಕೆ ಉತ್ತರಿಸಿದ ಅರ್ಜುನ್ ಕಪೂರ್, ''ಈಗಂತೂ ಮದುವೆಯಾಗಲು ಸಾಧ್ಯವಿಲ್ಲ (ಲಾಕ್‌ಡೌನ್‌ ನಿಂದಾಗಿ) ಆದರೆ ಮದುವೆ ಆಗುವ ನಿಶ್ಚಯ ಮಾಡಿದಾಗ ಖಂಡಿತವಾಗಿ ನನ್ನ ಅಭಿಮಾನಿಗಳಿಗೆ ಆ ವಿಷಯವನ್ನು ಮೊದಲು ತಿಳಿಸುತ್ತೇನೆ ಎಂದು ಅರ್ಜುನ್ ಕಪೂರ್ ಹೇಳಿದ್ದಾರೆ.

ಆದಷ್ಟು ಬೇಗ ನಿರ್ಣಯಿಸುತ್ತೇವೆ: ಅರ್ಜುನ್ ಕಪೂರ್

''ಸದ್ಯಕ್ಕಂತೂ ಮದುವೆಯಾಗುವ ಐಡಿಯಾ ಇಲ್ಲ, ಆದರೆ ಆದಷ್ಟು ಬೇಗ ಈ ಬಗ್ಗೆ ನಿರ್ಣಯ ಮಾಡುತ್ತೇವೆ, ನಾವಿಬ್ಬರೂ ಮದುವೆಗೆ ತಯಾರು ಎನಿಸಿದಾಗ ತಡ ಮಾಡುವುದಿಲ್ಲ, ಆಗ ಮೊದಲಿಗೆ ನನ್ನ ಅಭಿಮಾನಿಗಳಿಗೆ ಈ ಬಗ್ಗೆ ತಿಳಿಸುತ್ತೇನೆ'' ಎಂದು ಅರ್ಜುನ್ ಕಪೂರ್ ಹೇಳಿದ್ದಾರೆ.

18 ವರ್ಷದ ದಾಂಪತ್ಯಕ್ಕೆ ಅಂತ್ಯ ಹೇಳಿದ ಮಲೈಕಾ

ಸಲ್ಮಾನ್ ಖಾನ್ ಸಹೋದರ ಅರ್ಬಾಜ್ ಖಾನ್ ಅನ್ನು ನಟಿ, ಮಾದಕ ತಾರೆ ಮಲೈಕಾ ಅರೊರಾ ಮದುವೆಯಾಗಿದ್ದರು. ಅವರಿಬ್ಬರ ದಾಂಪತ್ಯ 18 ವರ್ಷಗಳ ಕಾಲ ಅಡ್ಡಿ-ಆತಂಕ ಇಲ್ಲದೆ ನಡೆದಿತ್ತು, ನಂತರ ಇಬ್ಬರೂ ಬೇರೆಯಾದರು. ಅವರಿಗೆ ಒಬ್ಬ ಮಗ ಇದ್ದಾನೆ. ಈಗ ಅರ್ಜುನ್ ಕಪೂರ್ ಮತ್ತು ಮಲೈಕಾ ಅರೊರಾ ಒಟ್ಟಿದ್ದಾರೆ.

ಅರ್ಜುನ್‌ಗಿಂತ 12 ವರ್ಷ ಹಿರಿಯಾಕೆ ಮಲೈಕಾ

ಮಲೈಕಾ ಅರೊರಾ ಗೆ 46 ವರ್ಷ ವಯಸ್ಸು, ಅರ್ಜುನ್ ಕಪೂರ್‌ ಗೆ 34 ವರ್ಷ ವಯಸ್ಸು. ಇಬ್ಬರೂ ಕಳೆದ ಎರಡು ವರ್ಷಕ್ಕಿಂತಲೂ ಹೆಚ್ಚು ಕಾಲದಿಂದ ಜೊತೆಯಾಗಿದ್ದಾರೆ.