ಹೆಣ್ಣಲ್ಲ, ಗಂಡು ಎಂಬ ಆರೋಪ ಎದುರಿಸಿದ್ದ ಅಥ್ಲೆಟ್ ಪಿಂಕಿ ಪ್ರಮಾಣಿಕ್ ಬಗ್ಗೆ ಸಿನಿಮಾ

ಪಿಂಕಿ ಪಾತ್ರದಲ್ಲಿ ಯಾರು ನಟಿಸಲಿದ್ದಾರೆ?

ಪಿಂಕಿ ಪ್ರಮಾಣಿಕ್ ಜೀವನ ಕುರಿತು ಸಿನಿಮಾ ಮಾಡಲು ನಿರ್ಮಾಪಕ ಅಶೋಕ್ ಪಂಡಿತ್ ಹಕ್ಕು ಖರೀದಿ ಮಾಡಿದ್ದಾರೆ ಎನ್ನುವ ವಿಚಾರ ಹೊರಬಿದ್ದಿದೆ. ಈ ಕುರಿತು ಖ್ಯಾತ ವಿಶ್ಲೇಷಕ ತರಣ್ ಆದರ್ಶ್ ಟ್ವೀಟ್ ಮಾಡಿ ಮಾಹಿತಿ ಹಂಚಿಕೊಂಡಿದ್ದಾರೆ. ಆದರೆ ತೆರೆಮೇಲೆ ಈ ಪಾತ್ರದಲ್ಲಿ ಯಾರು ನಟಿಸಲಿದ್ದಾರೆ ಎನ್ನುವುದು ಸದ್ಯಕ್ಕೆ ಕುತುಹಲ ಹೆಚ್ಚಿಸಿದೆ.

ಹೆಣ್ಣಲ್ಲ, ಗಂಡು....ಅತ್ಯಾಚಾರದ ಆರೋಪ!

2012ರಲ್ಲಿ ಪಿಂಕಿ ಸ್ನೇಹಿತೆಯೊಬ್ಬರು ಪ್ರಮಾಣಿಕ್ ಹೆಣ್ಣಲ್ಲ, ಗಂಡು. ನನ್ನ ಮೇಲೆ ನಿರಂತರವಾಗಿ ಅತ್ಯಾಚಾರ ಮಾಡಿದ್ದಾರೆ ಎಂದು ಆರೋಪಿಸಿ ದೂರು ನೀಡಿದ್ದರು. ಈ ದೂರಿನ ಅನ್ವಯ ಪಿಂಕಿ ಬಂಧನ ಸಹ ಆಗಿತ್ತು. ಲಿಂಗ ಪತ್ತೆಗಾಗಿ ವೈದ್ಯಕೀಯ ಪರೀಕ್ಷೆ ನಡೆಸಲು ಕೋರ್ಟ್ ಆದೇಶಿಸಿತ್ತು. ನ್ಯಾಯಾಂಗ ಬಂಧನ ಸಹ ಅನುಭವಿಸಿದರು. ಆಮೇಲೆ ಈ ಕೇಸ್‌ನಿಂದ ಹೊರಬಂದರು.

ಪಿಂಕಿ ಪ್ರಮಾಣಿಕ್ ಸಾಧನೆ

ದೋಹಾದಲ್ಲಿ ನಡೆದ 2006ರ ಏಷ್ಯನ್ ಗೇಮ್ಸ್ ನ 4×400 ಮೀ ರಿಲೇ ನಲ್ಲಿ ಪಿಂಕಿ ಪ್ರಮಾಣಿಕ್ ಚಿನ್ನದ ಪದಕ ಗೆದ್ದಿದ್ದರು. ಮೆಲ್ಬೋರ್ನಿನಲ್ಲಿ ನಡೆದ ಕಾಮನ್ ವೆಲ್ತ್ ಗೇಮ್ಸ್ ನಲ್ಲಿ ಬೆಳ್ಳಿ ಪದಕ ಸಿಕ್ಕಿತ್ತು. 2006ರ ಕಾಮನ್ ವೆಲ್ತ್ ನಲ್ಲಿ ಬೆಳ್ಳಿ, 2006ರ ಏಷ್ಯನ್ ಗೇಮ್ಸ್ ನಲ್ಲಿ ಚಿನ್ನ, 2005ರ ಏಷ್ಯನ್ ಇಂಡೋರ್ ಗೇಮ್ಸ್ ನಲ್ಲಿ ಚಿನ್ನ ಹಾಗೂ 2006ರ ದಕ್ಷಿಣ ಏಷ್ಯಾ ಗೇಮ್ಸ್ ನಲ್ಲಿ ಚಿನ್ನ ಗೆದ್ದ ಸಾಧನೆ ಪಿಂಕಿ ಹೆಸರಲ್ಲಿದೆ. 17 ವರ್ಷ ವಯಸ್ಸಿನಲ್ಲಿ ಏಷ್ಯನ್ ಇಂಡೋರ್ ಅಥ್ಲೆಟಿಕ್ಸ್ ಚಾಂಪಿಯನ್ಸ್ ನಲ್ಲಿ ಎರಡು ಕಂಚಿನ ಪದಕ ಗೆದ್ದಿದ್ದು, ಆಲ್ ಇಂಡಿಯಾ ಓಪನ್ ನ್ಯಾಷನಲ್ ಚಾಂಪಿಯನ್ ಶಿಪ್ ನಲ್ಲಿ ಮೂರು ಬಾರಿ ಚಾಂಪಿಯನ್ ಆಗಿದ್ದರು.

Recommended Video

Rachita Ram Biography | ಬಿಂದಿಯಾ ರಾಮ್ ರಚಿತಾ ರಾಮ್ ಆದ ಕಥೆ | Rachita Ram real Life story | Filmibeat

ನನಗೆ ಆದ ಅನ್ಯಾಯ ಜಗತ್ತಿಗೆ ತಿಳಿಯಬೇಕು

ಬಯೋಪಿಕ್ ಕುರಿತು ಪಿಂಕ್‌ವಿಲ್ಲಾಗೆ ಪ್ರತಿಕ್ರಿಯೆ ನೀಡಿರುವ ಪಿಂಕಿ ಪ್ರಮಾಣಿಕ್, ''ನಾನು ಅನುಭವಿಸಿದ ಅನ್ಯಾಯ ಮತ್ತು ಭಯಾನಕತೆಯನ್ನು ಜಗತ್ತು ತಿಳಿಯಬೇಕೆಂದು ಬಯಸುತ್ತೇನೆ. ಅಶೋಕೆ ಅವರ ನಿರ್ಮಾಣವು ನನ್ನ ಕಥೆಗೆ ಗೌರವಯುತವಾಗಿ ನ್ಯಾಯ ಒದಗಿಸುತ್ತದೆ ಎಂದು ನಾನು ಸಂಪೂರ್ಣವಾಗಿ ನಂಬುತ್ತೇನೆ.'' ಎಂದಿದ್ದಾರೆ.