'ಟೈಮ್'ನ 100 ಪ್ರಭಾವಿ ವ್ಯಕ್ತಿಗಳ ಪಟ್ಟಿಯಲ್ಲಿ ಭಾರತ ಏಕೈಕ ನಟ ಆಯುಷ್ಮಾನ್: ದೀಪಿಕಾ ಹೇಳಿದ್ದೇನು?

ಸಿನಿಮಾ ಮೂಲಕ ಬದಲಾವಣೆ ತರಲು ಪ್ರಯತ್ನಿಸಿದ್ದೇನೆ- ಆಯುಷ್ಮಾನ್

ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಆಯುಷ್ಮಾನ್ "ಟೈಮ್ ನನಗೆ ನೀಡಿದ ಮಾನ್ಯತೆಗೆ ನಾನು ನಿಜವಾಗಿಯೂ ವಿನಮ್ರನಾಗಿದ್ದೇನೆ. ಒಬ್ಬ ಕಲಾವಿದನಾಗಿ ನಾನು ಸಿನಿಮಾ ಮೂಲಕ ಸಮಾಜದಲ್ಲಿ ಸಕಾರಾತ್ಮಕ ಬದಲಾವಣೆಯನ್ನು ತರಲು ಪ್ರಯತ್ನಿಸಿದ್ದೇನೆ. ಈ ಕ್ಷಣ ನನ್ನ ನಂಬಿಕೆ ಮತ್ತು ಪ್ರಯಾಣದ ದೊಡ್ಡ ಮೌಲ್ಯಮಾಪನದಂತಿದೆ. ಸರಿಯಾದ ವಿಚಾರಗಳನ್ನು ಹೇಳುವ ಮೂಲಕ ಸಮಾಜದಲ್ಲಿ ಬದಲಾವಣೆಯನ್ನು ತರುವ ಶಕ್ತಿ ಸಿನಿಮಾಕ್ಕೆ ಇದೆ ಎಂದು ನಾನು ನಂಬಿದ್ದೇನೆ. ಉತ್ತಮ ಸಿನಿಮಾಗಳ ಆಯ್ಕೆ ಮೂಲಕ ನನ್ನ ದೇಶಕ್ಕೆ ನಾನು ಕೊಡುಗೆ ನೀಡಿದ್ದೇನೆ ಎಂದುಕೊಳ್ಳುತ್ತೇನೆ" ಎಂದು ಹೇಳಿದ್ದಾರೆ.

ಆಯುಷ್ಮಾನ್ ಬಗ್ಗೆ ದೀಪಿಕಾ ಹೇಳಿದ್ದೇನು?

ನಟ ಆಯುಷ್ಮಾನ್ ಸಾಧನೆಗೆ ನಟಿ ದೀಪಿಕಾ ಪಡುಕೋಣೆ ಮನಸಾರೆ ಹಾಡಿ ಹೊಗಳಿದ್ದಾರೆ. ಆಯುಷ್ಮಾನ್ ಮೊದಲ ಸಿನಿಮಾ 'ವಿಕಿ ಡೋನರ್' ಸಿನಿಮಾವನ್ನು ನೆನಪಿಸಿಕೊಳ್ಳುವ ಮೂಲಕ ಆಯುಷ್ಮಾನ್ ಬಗ್ಗೆ ಸಿಹಿ ಮಾತುಗಳನ್ನು ಆಡಿದ್ದಾರೆ. "ಆಯುಷ್ಮಾನ್ ಖುರಾನ ಅವರ ಮೊದಲ ಸಿನಿಮಾ ವಿಕಿ ಡೋನರ್ ಅನ್ನು ನೆನಪಿಸಿಕೊಳ್ಳುತ್ತೇನೆ. ಅದಕ್ಕೂ ಮೊದಲು ಅವರು ಹಲವಾರು ವರ್ಷಗಳಿಂದ ಮನರಂಜನಾ ಉದ್ಯಮದ ಭಾಗವಾಗಿದ್ದರು." ಎಂದಿದ್ದಾರೆ.

ಸವಾಲೊಡ್ಡುವ ಪಾತ್ರದಲ್ಲಿ ನಟಿಸಿ ಯಶಸ್ವಿಯಾಗಿದ್ದಾರೆ

"ಆದರೆ ಇವತ್ತು ನಾನು ಮತ್ತು ನೀವು ಅವರ ಬಗ್ಗೆ ಮಾತನಾಡಲು ಕಾರಣ ಅದ್ಭುತ ಸಿನಿಮಾಗಳು ಮತ್ತು ಅಪ್ರತಿಮ ಪಾತ್ರಗಳು. ಸಿನಿಮಾ ನಾಯಕನ ಪಾತ್ರಗಳು ಹೀರೋಯಿಸಂಗೆ ಗಂಟು ಬೀಳುವ ಟ್ರೆಂಡ್ ಇರುವಾಗಲೂ ಆಯುಷ್ಮಾನ್ ಖುರಾನ ಅದಕ್ಕೆ ಸವಾಲೊಡ್ಡಿ ಬೇರೆ ಪಾತ್ರಗಳನ್ನು ಮಾಡುವಲ್ಲಿ ಯಶಸ್ವಿಯಾದವರು" ಎಂದು ಹೇಳಿದ್ದಾರೆ.

Recommended Video

ಮಗಳಿಗೆ ಮುದ್ದೆ, ಬಸ್ಸಾರು, ಸಪ್ಪಿನ ಪಲ್ಯ ತಿನ್ನಿಸಿದ Shwetha Srivatsav | Filmibeat Kannada

ಆಯುಷ್ಮಾನ್ ಖುರಾನ ಸಿನಿಮಾಗಳು

2012ರಲ್ಲಿ 'ವಿಕಿ ಡೋನರ್' ಸಿನಿಮಾ ಮೂಲಕ ಬಾಲಿವುಡ್ ಗೆ ಕಾಲಿಟ್ಟ ನಟ ಆಯುಷ್ಮಾನ್ ಇದುವರೆಗೂ ಮಾಡಿರುವ ಎಲ್ಲಾ ಸಿನಿಮಾಗಳು ಒಂದಕ್ಕಿಂತ ಒಂದು ವಿಭಿನ್ನವಾಗಿವೆ. 'ಬದಾಯಿ ಹೋ', 'ಅರ್ಟಿಕಲ್ 15', 'ಅಂಧಾಧುನ್' ಇನ್ನು ಅನೇಕ ಸಿನಿಮಾಗಳು ಸೂಪರ್ ಹಿಟ್ ಆಗಿವೆ. ಅಂಧಾಧುನ್ ಸಿನಿಮಾದ ಅದ್ಭುತ ನಟನೆಗೆ ಅತ್ಯುತ್ತಮ ನಟ ರಾಷ್ಟ್ರ ಪ್ರಶಸ್ತಿಯನ್ನು ಪಡೆದುಕೊಂಡಿದ್ದಾರೆ. ಕೊನೆಯದಾಗಿ 'ಗುಲಾಬೋ ಸಿತಾಬೋ' ಸಿನಿಮಾ ಮೂಲಕ ಅಭಿಮಾನಿಗಳ ಮುಂದೆ ಬಂದಿದ್ದಾರೆ. ಈ ಸಿನಿಮಾ ಒಟಿಟಿಯಲ್ಲಿ ರಿಲೀಸ್ ಆಗಿದೆ. ಚಿತ್ರದಲ್ಲಿ ಆಯುಷ್ಮಾನ್, ಅಮಿತಾಭ್ ಬಚ್ಚನ್ ತೆರೆ ಹಂಚಿದ್ದಾರೆ.