ಆ ಪಾತ್ರ ಮಾಡಲೇಬೇಂಕೆಂಬುದು ಅಯುಷ್ಮಾನ್ ಖುರಾನಾ ಆಸೆ: ಯಾವುದಾ ಪಾತ್ರ?

ವೆಬ್ ಸೀರೀಸ್ ಪಾತ್ರವನ್ನು ಮಾಡಬೇಕಂತೆ ಆಯುಷ್ಮಾನ್

ಜಗದ್ವಿಖ್ಯಾತ ವೆಬ್‌ ಸೀರೀಸ್‌ 'ಮನಿ ಹೈಸ್ಟ್‌' ನ ಪ್ರಮುಖ ಪಾತ್ರ 'ಪ್ರೊಫೆಸರ್' ಪಾತ್ರವನ್ನು ಆಯುಷ್ಮಾನ್ ಖುರಾನಾ ಮಾಡಬೇಕಂತೆ. ಆ ಪಾತ್ರದಲ್ಲೇ ನಟಿಸಲೇ ಬೇಕು ಎಂಬ ಒದ್ದಾಟ ಒಳಗೆ ಶುರುವಾಗಿದೆಯಂತೆ ಆಯುಷ್ಮಾನ್‌ ಗೆ. ಅವರೇ ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.

ವಿಡಿಯೋ ಪೋಸ್ಟ್ ಮಾಡಿರುವ ಆಯುಷ್ಮಾನ್ ಖುರಾನಾ

ವಿಡಿಯೋ ಹಾಕಿರುವ ಆಯುಷ್ಮಾನ್, ಪ್ರೊಫೆಸರ್‌ ರೀತಿಯ ಕನ್ನಡಕ ಧರಿಸಿ, 'ಮನಿ ಹೈಸ್ಟ್‌'ನಲ್ಲಿ ಬಳಸಿಕೊಳ್ಳಲಾಗಿರುವ 'ಬೆಲ್ಲಾ ಚಾವ್' ಹಾಡನ್ನು ಪಿಯಾನೊ ದಲ್ಲಿ ನುಡಿಸುತ್ತಿದ್ದಾರೆ. ಪ್ರೊಫೆಸರ್ ಜಗತ್ತಿಗೆ ನಾನು ಹೋಗಬೇಕು, ಆ ಪಾತ್ರದಲ್ಲಿ ನಾನು ನಟಿಸಬೇಕು ನಿರ್ಮಾಪಕರೇ ಈ ಬಗ್ಗೆ ಗಮನವಹಿಸಿ ಎಂದು ಅವರು ಮನವಿ ಮಾಡಿದ್ದಾರೆ.

ಪ್ರೊಫೆಸರ್' ವಿಶ್ವದಾದ್ಯಂತ ಮೆಚ್ಚುಗೆಗಳಿಸಿರುವ ಪಾತ್ರ

'ಮನಿಹೈಸ್ಟ್' ವೆಬ್ ಸೀರೀಸ್‌ನ ಪ್ರಮುಖ ಪಾತ್ರ 'ಪ್ರೊಫೆಸರ್', ದಪ್ಪ ಕನ್ನಡಕ ಧರಿಸಿ ಇಳಿ ದನಿಯಲ್ಲಿ ಮಾತನಾಡುವ ಆದರೆ ಅಗಾಧ ಬುದ್ಧಿಶಕ್ತಿಯುಳ್ಳ ಜೊತೆಗೆ ದೊಡ್ಡ ಆದರ್ಶಗಳನ್ನು ಹೊಂದಿರುವ ಈತ ದರೋಡೆಕೋರರ ಗುಂಪಿನ ನಾಯಕ.

ಆಯುಷ್ಮಾನ್ ಖುರಾನಾ ಬಾಲಿವುಡ್ ಪ್ರತಿಭಾವಂತ ನಟ

ಆಯುಷ್ಮಾನ್ ಖುರಾನಾ ಬಾಲಿವುಡ್ ನ ಪ್ರತಿಭಾವಂತ ನಟರಾಗಿದ್ದು, ಭಿನ್ನ ಹಾದಿಯ ಸಿನಿಮಾಗಳ ಮೂಲಕ ತಮ್ಮನ್ನು ಗುರುತಿಸಿಕೊಂಡಿದ್ದಾರೆ. ಅಂಧಾದುನ್ ಸಿನಿಮಾದ ನಟನೆಗೆ ರಾಷ್ಟ್ರಪ್ರಶಸ್ತಿ, ಆರ್ಟಿಕಲ್ 15 ಸಿನಿಮಾದ ನಟನೆಗೆ ಫಿಲ್ಮ್‌ಫೇರ್ ಕ್ರಿಟಿಕ್ಸ್ ಅವಾರ್ಡ್ ದೊರೆತಿದೆ.