ಬಿ ಟೌನ್ ನ ಬಿಗ್ ಸ್ಟಾರ್ ಗಳನ್ನ ಹಿಂದಿಕ್ಕಿದ ಹುಲಿರಾಯ

ಹೊಸ ಅಧ್ಯಾಯ ಬರೆದ ಟೈಗರ್ ಶ್ರಾಫ್

ಟೈಗರ್ ಶ್ರಾಫ್ ಹಾಗೂ ದಿಶಾ ಪಟಾನಿ ಅಭಿನಯದ ಭಾಗಿ 2 ಸಿನಿಮಾ ಬಾಕ್ಸ್ ಆಫೀಸ್ ನಲ್ಲಿ ಧೂಳೆಬ್ಬಿಸಿದೆ. ಎರಡು ಸಿನಿಮಾಗಳ ಸೋತ ನಂತರ ಮತ್ತೆ ಟೈಗರ್ ಶ್ರಾಫ್ ಬಿಟೌನ್ ನಲ್ಲಿ ಭರವಸೆ ಮೂಡಿಸುತ್ತಿದ್ದಾರೆ. ಭಾಗಿ 2 ಚಿತ್ರ ಮೊದಲ ದಿನವೇ 25 ಕೋಟಿ ಬಾಚಿಕೊಳ್ಳುವ ಮೂಲಕ ಹೊಸ ದಾಖಲೆ ಸೃಷ್ಠಿ ಮಾಡಿದೆ .

ಬಾಕ್ಸ್ ಆಫೀಸ್ ನಲ್ಲಿ ಟೈಗರ್ ಮೊದಲ ಸ್ಥಾನ

ಬಿ ಟೌನ್ ನಲ್ಲಿ ಬಾಕ್ಸ್ ಆಫೀಸ್ ರೆಕಾರ್ಡ್ ಗಳು ವಾರ ವಾರ ಬದಲಾಗುತ್ತಲೇ ಇರುತ್ತದೆ. ಬಾಲಿವುಡ್ ಸ್ಟಾರ್ ಗಳು ಪ್ರತಿ ನಿತ್ಯವೂ ಗೆಲುವಿಗಾಗಿ ಹೊಡೆದಾಡುತ್ತಲೇ ಇರುತ್ತಾರೆ. ಬಾರಿ ವಿವಾದ ಸೃಷ್ಠಿ ಮಾಡಿದ ಪದ್ಮಾವತ್ ಸಿನಿಮಾದ ದಾಖಲೆಯನ್ನೂ ಭಾಗಿ 2 ಚಿತ್ರ ಮುರಿದು ಹಾಕಿದೆ. ಪದ್ಮಾವತ್ ಸಿನಿಮಾ ಮೂರು ಭಾಷೆಯಲ್ಲಿ ಬಿಡುಗಡೆ ಆಗಿ ಮೊದಲ ದಿನ 24 ಕೋಟಿ ಹಣವನ್ನ ಗಳಿಸಿತ್ತು.

ಮೂರನೇ ಸ್ಥಾನದಲ್ಲಿ ಪ್ಯಾಡ್ ಮ್ಯಾನ್

ಇತ್ತೀಚಿಗಷ್ಟೆ ಬಿಡುಗಡೆ ಆಗಿ ಉತ್ತಮ ವಿಮರ್ಶೆಯನ್ನು ಪಡೆದುಕೊಂಡ ಅಕ್ಷಯ್ ಕುಮಾರ್ ಅಭಿನಯದ ಪ್ಯಾಡ್ ಮ್ಯಾನ್ ಸಿನಿಮಾ ಬಿಡುಗಡೆಯ ದಿನ 10 ಕೋಟಿ 26 ಲಕ್ಷ ಗಳಿಕೆ ಮಾಡಿತ್ತು. ಪ್ಯಾಡ್ ಮ್ಯಾನ್ ಬಾಕ್ಸ್ ಆಫೀಸ್ ಸದ್ದು ಮಾಡುವುದಕ್ಕಿಂತ ಹೆಚ್ಚಾಗಿ ಪ್ರೇಕ್ಷಕರ ಮನಸ್ಸು ಗೆಲ್ಲುವಲ್ಲಿ ಯಶಸ್ಸು ಕಂಡಿತ್ತು.

ಅಜಯ್ ಚಿತ್ರಕ್ಕೂ ಉತ್ತಮ ಪ್ರತಿಕ್ರಿಯೆ

ಟ್ರೇಲರ್ ನಿಂದಲೇ ಭಾರಿ ಕುತೂಹಲ ಮೂಡಿಸಿದ್ದ ರೈಡ್ ಸಿನಿಮಾ ಕೂಡ ಓಪನಿಂಗ್ ದಿನವೇ ಬಾರಿ ಮೊತ್ತವನ್ನ ಗಳಿಕೆ ಮಾಡಿತ್ತು. 10 ಕೋಟಿ 4 ಲಕ್ಷ ಗಳಿಕೆ ಮಾಡುವುದರ ಜೊತೆಯಲ್ಲಿ ಉತ್ತಮ ಸಿನಿಮಾ ಎಂದ ಹೆಗ್ಗಳಿಕೆಗೆ ಪಾತ್ರವಾಗಿದೆ.