'ಬಾಹುಬಲಿ' ಪ್ರಭಾಸ್ ಬಗ್ಗೆ ಬಂದ ಲೇಟೆಸ್ಟ್ ನ್ಯೂಸ್

ಶೀಘ್ರದಲ್ಲೇ ಬಾಲಿವುಡ್ ಚಿತ್ರದಲ್ಲಿ ನಟಿಸಲಿದ್ದಾರೆ ಪ್ರಭಾಸ್

ಹೌದು, 'ಬಾಹುಬಲಿ' ಚಿತ್ರದ ಮೂಲಕ ದೇಶದಾದ್ಯಂತ ಚಿರಪರಿಚಿತ ಆಗಿರುವ 'ಡಾರ್ಲಿಂಗ್' ಪ್ರಭಾಸ್ ಸದ್ಯದಲ್ಲೇ ಬಿಗ್ ಬಜೆಟ್ ಸಿನಿಮಾವೊಂದರ ಮೂಲಕ ಬಾಲಿವುಡ್ ಗೆ ಎಂಟ್ರಿ ಕೊಡಲಿದ್ದಾರೆ.

ಹಿಂದಿ ಸಿನಿ ಅಂಗಳದಲ್ಲಿ ಪ್ರಭಾಸ್ ಲಾಂಚ್ ಗೆ ಬಿಗ್ ಪ್ಲಾನ್

ಬಾಲಿವುಡ್ ಚಿತ್ರರಂಗದಲ್ಲಿ ಪ್ರಭಾಸ್ ಅವರ ಗ್ರ್ಯಾಂಡ್ ಎಂಟ್ರಿಗಾಗಿ ನಿರ್ದೇಶಕ ಎಸ್.ಎಸ್.ರಾಜಮೌಳಿ ಹಾಗೂ ಬಾಲಿವುಡ್ ನ ಖ್ಯಾತ ನಿರ್ದೇಶಕ ಮತ್ತು ನಿರ್ಮಾಪಕ ಕರಣ್ ಜೋಹರ್ ದೊಡ್ಡ ಯೋಜನೆ ರೂಪಿಸಿರುವುದು ವರದಿಯಾಗಿದೆ. ಪ್ರಭಾಸ್ ಬಾಲಿವುಡ್ ನಲ್ಲಿ ನಾಯಕ ನಟನಾಗಿ ಅಭಿನಯಿಸಲಿರುವ ಚಿತ್ರಕ್ಕೆ ರಾಜಮೌಳಿ ಅವರೇ ಆಕ್ಷನ್ ಕಟ್ ಹೇಳಲಿದ್ದು, ಕರಣ್ ಜೋಹರ್ ಬಂಡವಾಳ ಹೂಡಲಿದ್ದಾರೆ.

ಪ್ರಭಾಸ್ ಗೆ ಹಿಂದಿ ಸಿನಿಮಾ ಆಫರ್

ದಕ್ಷಿಣ ಭಾರತದಲ್ಲಿ 14 ವರ್ಷಗಳಿಂದ ಸೂಪರ್ ಸ್ಟಾರ್ ಆಗಿದ್ದ ಪ್ರಭಾಸ್ ಹೆಸರು 'ಬಾಹುಬಲಿ' ನಂತರ ವಿಶ್ವದಾದ್ಯಂತ ಚಿರಪರಿಚಿತವಾಗಿದೆ. ಈ ಹಿಂದೆ ಪ್ರಭಾಸ್ ಗೆ ಹಿಂದಿ ಸಿನಿಮಾ ಆಫರ್ ಗಳು ಬಂದರೂ ಸಹ 'ಬಾಹುಬಲಿ' ಚಿತ್ರದಲ್ಲಿ ಬಿಜಿ ಆಗಿದ್ದ ಕಾರಣ ಯಾವುದೇ ಸಿನಿಮಾಗಳನ್ನು ಒಪ್ಪಿಕೊಂಡಿರಲಿಲ್ಲ.

ಅಜಯ್ ದೇವಗನ್ ಚಿತ್ರದಲ್ಲಿ ಸ್ಟೆಪ್ ಹಾಕಿದ್ದ ಪ್ರಭಾಸ್

ಪ್ರಭಾಸ್ ಹೀರೋ ಆಗಿ ಮೊದಲ ಬಾರಿಗೆ ಬಾಲಿವುಡ್ ನಲ್ಲಿ ಬಿಗ್ ಎಂಟ್ರಿ ಕೊಡಲು ಯೋಜನೆ ರೂಪಿಸಿರುವುದು ನಿಜ. ಆದರೆ ಈ ಹಿಂದೆ ಅಜಯ್ ದೇವಗನ್ ರವರ 'ಆಕ್ಷನ್ ಜಾಕ್ಸನ್' ಹಿಂದಿ ಸಿನಿಮಾದಲ್ಲಿ 'ಪಂಜಾಬಿ ಮಸ್ತ್' ಎಂಬ ಹಾಡಿಗೆ ಸ್ಟೆಪ್ ಹಾಕಿದ್ದರು.

ಪ್ರಭಾಸ್ ಬಾಲಿವುಡ್ ಚಿತ್ರ ಆರಂಭ ಯಾವಾಗ?

ಪ್ರಭಾಸ್, ಪ್ರಸ್ತುತ ತೆಲುಗಿನಲ್ಲಿ ಎರಡು ಹೋಮ್ ಪ್ರೊಡಕ್ಷನ್ ಅಡಿಯಲ್ಲಿ ನಿರ್ಮಾಣ ಆಗುತ್ತಿರುವ ಸಿನಿಮಾಗಳಲ್ಲಿ ಬಿಜಿ ಆಗಿದ್ದಾರೆ. ಈ ಸಿನಿಮಾಗಳು ಕಂಪ್ಲೀಟ್ ಆದ ನಂತರ ಬಾಲಿವುಡ್ ಚಿತ್ರ ಆರಂಭವಾಗಲಿದೆ.