ಸ್ವಂತ ಮನೆಯಿಲ್ಲ, ಕೊನೆಗಾಲಕ್ಕೆ ದುಡ್ಡಿಲ್ಲ, ಸಹಾಯ ಮಾಡಿ: ಹಿರಿಯ ನಟಿ ಕಣ್ಣೀರು

ನಟಿ ನೂಪುರ್ ಅಲಂಕರ್ ನೆರವು

ಆ ಸಮಯದಲ್ಲಿ ಸಿನಿ ಮತ್ತು ಟಿವಿ ಕಲಾವಿದರ ಸಂಘ (CINTAA) ಸುನೀತಾ ಶಿರೋಲ್ ಅವರ ಸಹಾಯಕ್ಕೆ ಬಂದಿದೆ. ನಟಿ ನೂಪುರ್ ಅಲಂಕರ್ ತನ್ನ ಫ್ಲ್ಯಾಟ್‌ಗೆ ಬಂದು ನನ್ನ ಆರೋಗ್ಯ ವಿಚಾರಿಸಿದರು. ಸದ್ಯಕ್ಕೆ ನೂಪುರ್ ಅವರ ಮನೆಯಲ್ಲಿ ತಾನು ಉಳಿದುಕೊಂಡಿದ್ದೇನೆ ಹಾಗೂ ನನಗಾಗಿ ನರ್ಸ್ ಒಬ್ಬರನ್ನು ನೇಮಿಸಿದ್ದಾರೆ ಎಂದು ಸುನೀತಾ ಶಿರೋಲೆ ಹೇಳಿದರು.

ಕೆಲಸ ಮಾಡುವ ಬಯಕೆ, ಆದರೆ ಶಕ್ತಿಯಿಲ್ಲ

''ನನಗೆ ಹಣದ ಅವಶ್ಯಕತೆಯಿರುವುದರಿಂದ ನಾನು ಕೆಲಸ ಮಾಡಲು ಬಯಸುತ್ತೇನೆ, ಆದರೆ ನನ್ನ ಕಾಲಿನ ಸ್ಥಿತಿ ಹದಗೆಟ್ಟಿದೆ. ನಾನು ಮತ್ತೆ ಎದ್ದು ನಡೆಯಲು ಸಾಧ್ಯವೇ ಎಂದು ನನಗೆ ಗೊತ್ತಿಲ್ಲ. ಹಾಗಾಗಿ ನನ್ನ ಕಾಲುಗಳಿಗೆ ಶಕ್ತಿ ಬರುವವರೆಗೂ, ನಾನು ಮತ್ತೆ ಎದ್ದು ನಡೆಯುವವರೆಗೂ ನನಗೆ ಆರ್ಥಿಕ ಸಹಾಯ ಬೇಕಾಗಿದೆ'' ಎಂದು ಸುನೀತಾ ಶಿರೋಲೆ ಮನವಿ ಮಾಡಿಕೊಂಡಿದ್ದಾರೆ.

ಸ್ವಂತ ಮನೆಯಿಲ್ಲ, ಕೊನೆಗಾಲಕ್ಕೆ ದುಡ್ಡಿಲ್ಲ

ತನ್ನ ಪತಿ ಮತ್ತು ತಾನು ಸಂಪಾದನೆ ಮಾಡಿದ ಹಣವನ್ನೆಲ್ಲಾ ಕಂಪನಿಯೊಂದರಲ್ಲಿ ಹೂಡಿಕೆ ಮಾಡಿದ್ದೆವು ಎಂದು ನಟಿ ಬಹಿರಂಗಪಡಿಸಿದ್ದಾರೆ. ದುರಾದೃಷ್ಟವಶಾತ್, ಗೋದಾಮಿಯಲ್ಲಿ ಬೆಂಕಿ ಕಾಣಿಸಿಕೊಂಡು ಎಲ್ಲವೂ ಸುಟ್ಟು ಭಸ್ಮ ಆಗಿತ್ತು. ಬಂಡವಾಳ, ಗೋದಾಮು ಎಲ್ಲವೂ ಕಳೆದುಕೊಂಡು ನಷ್ಟ ಅನುಭವಿಸಬೇಕಾಯಿತು ಎಂದು ಸುನೀತಾ ಶಿರೋಲೆ ಹೇಳಿಕೊಂಡಿದ್ದಾರೆ. ಆಕೆಯ ಪತಿ 2003ರಲ್ಲಿ ನಿಧನರಾದರು. ತನ್ನ ಕಷ್ಟದ ಸಮಯಕ್ಕಾಗಿ ಹಣವನ್ನು ಉಳಿಸದಿರುವುದು ಮತ್ತು ಮುಂಬೈನಲ್ಲಿ ಸ್ವಂತ ಮನೆ ಹೊಂದಿಲ್ಲದಿದ್ದಕ್ಕಾಗಿ ಬೇಸರ ವ್ಯಕ್ತಪಡಿಸಿದ್ದಾರೆ.

ಸುನೀತಾ ಶಿರೋಲೆ ಸಿನಿಮಾಗಳು

ಸುಮಾರು ವರ್ಷದಿಂದ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿರುವ ಸುನೀತಾ ಶಿರೋಲೆ, ಭಜರಂಗಿ ಭಾಯಿಜಾನ್, ಲುಕಾ ಚುಪ್ಪಿ, ಶಪಿತ್, ಮುಂಬೈ ಮೇರಿ ಜಾನ್, ಮೇಡ್ ಇನ್ ಚೀನಾ, ದಿ ಲೆಜೆಂಡ್ ಆಫ್ ಭಗತ್ ಸಿಂಗ್ ಸೇರಿದಂತೆ ಹಲವು ಜನಪ್ರಿಯ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ. ಸಿನಿಮಾ ಇಲ್ಲದ ಕಾರಣ ಮಿಸಸ್ ಕೌಶಿಕ್ ಕಿ ಪಾಂಚ್ ಬಹುಯಿನ್, ಕಿಸ್ ದೇಸ್ ಮೇ ಹೈ ಮೇರಾ ದಿಲ್ ಸೇರಿದಂತೆ ಹಲವಾರು ಟಿವಿ ಕಾರ್ಯಕ್ರಮಗಳಲ್ಲಿಯೂ ನಟಿಸಿದ್ದಾರೆ.