Don't Miss!
- News Lok Sabha Election 2024: ಮತದಾನ ಮಾಡಿದವರಿಗೆ ಬೆಂಗಳೂರಿನ ಈ ಹೋಟೆಲ್ಗಳಲ್ಲಿ ಊಚಿತ ಊಟ & ತಿಂಡಿ-ಮಾಹಿತಿ
- Automobiles XUV300: ಮಹೀಂದ್ರಾ ಎಕ್ಸ್ಯುವಿ300 ಕಾರನ್ನು ನಿಮ್ಮ ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Finance ಲೋಕಸಭಾ ಚುನಾವಣೆ 2024: ಟಾಪ್ 10 ಶ್ರೀಮಂತ ಅಭ್ಯರ್ಥಿಗಳು ಇವರು
- Technology OnePlus: ಒನ್ಪ್ಲಸ್ ವಾಚ್ 2 ನಾರ್ಡಿಕ್ ಬ್ಲೂ ಆವೃತ್ತಿ ಲಾಂಚ್! ಬೆಲೆ ಎಷ್ಟು?
- Sports IPL 2024: ಮತ್ತೊಂದು ರೋಚಕ ಪಂದ್ಯದಲ್ಲಿ SRH vs RCB ಕದನ; ಪಂದ್ಯದ ವಿವರ, ಸಂಭಾವ್ಯ ಆಡುವ 11ರ ಬಳಗ
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶವವಾಗಿ ಪತ್ತೆಯಾದ ಮಾಡೆಲ್ ಬಿದಿಶಾ: ಕೊಲೆಯೊ? ಆತ್ಮಹತ್ಯೆಯೊ?
ಇತ್ತೀಚೆಗೆ ಮಾಡೆಲ್ಗಳ ಸಾವಿನ ಸುದ್ದಿ ಹೆಚ್ಚಾಗಿ ಕೇಳಿ ಬರುತ್ತಿದೆ. ಮಾಡೆಲ್ಗಳು, ಪೋಷಕ ಪಾತ್ರ, ಎಕ್ಸ್ಟ್ರಾಗಳಾಗಿ ನಟಿಸುವ ನಟಿಯರ ಆತ್ಮಹತ್ಯೆ, ಕೊಲೆ ಪ್ರಕರಣಗಳು ಇತ್ತೀಚಿಗಿನ ದಿನಗಳಲ್ಲಿ ಹೆಚ್ಚಾಗಿದೆ.
ಇದೀಗ ಕೊಲ್ಕತ್ತ ಮೂಲದ ಮಾಡೆಲ್ ಬಿದಿಶಾ ಡೆ ಮಜೂಮ್ಧಾರ್ ಸಾವನ್ನಪ್ಪಿದ್ದಾರೆ. ಬಿದಿಶಾಳ ಮೃತ ದೇಹ ಅವರದ್ದೇ ನಿವಾಸದಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದೆ. ಮೇಲ್ನೋಟಕ್ಕೆ ಇದು ಆತ್ಮಹತ್ಯೆಯಂತೆ ಕಾಣುತ್ತಿದೆಯಾದರು, ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.
ಕೆಲ ವರ್ಷಗಳಿಂದ ಮಾಡೆಲಿಂಗ್ ಮಾಡುತ್ತಿದ್ದ 21 ವರ್ಷದ ಯುವತಿ ಬಿದಿಶಾ, ಕೊಲ್ಕತ್ತದ ಡಂಡಂನ ನಗೇರ್ ಬಜಾರ್ನಲ್ಲಿ ವಾಸಿಸುತ್ತಿದ್ದರು. ಬಿದಿಶಾಗೆ ಇತ್ತೀಚೆಗೆ ಅವಕಾಶಗಳು ಕಡಿಮೆ ಆಗಿದ್ದವು, ಅದೇ ಕಾರಣಕ್ಕೆ ಮನನೊಂದು ಬಿದಿಶಾ ಆತ್ಮಹತ್ಯೆಗೆ ಶರಣಾಗಿರುವ ಶಂಕೆಯನ್ನು ವ್ಯಕ್ತಪಡಿಸಿದ್ದಾರೆ ನೆರೆ ಹೊರೆಯವರು.
ಶವ ಪತ್ತೆಯಾದ ಮನೆಯಲ್ಲಿಯೇ ಬಿದಿಶಾ ಬರೆದಿರುವುದು ಎನ್ನಲಾಗುತ್ತಿರುವ ಆತ್ಮಹತ್ಯೆ ಪತ್ರ ಸಹ ದೊರೆತಿದೆ. ಆದರೆ ಆತ್ಮಹತ್ಯೆ ಪತ್ರ ಗೊಂದಲದಿಂದ ಕೂಡಿದೆ ಎಂದು ಪೊಲೀಸರು ಅನುಮಾನ ವ್ಯಕ್ತಪಡಿಸಿದ್ದಾರೆ.
ಬಿದಿಶಾಳದ್ದು ಎನ್ನಲಾಗುತ್ತಿರುವ ಸೂಸೈಡ್ ನೋಟ್ನಲ್ಲಿ, ''ತೀರ ಗಂಭೀರ ನಿರ್ಧಾರವನ್ನು ತೆಗೆದುಕೊಳ್ಳುತ್ತಿದ್ದೇನೆ. ವೃತ್ತಿ ಬದುಕು ಯಶಸ್ವಿಯಾಗುತ್ತಿಲ್ಲ, ಮಾಡೆಲಿಂಗ್ನ ಯಾವುದೇ ಹೊಸ ಕೆಲಸಗಳು ಸಿಗುತ್ತಿಲ್ಲವಾದ್ದರಿಂದ ಆತ್ಮಹತ್ಯೆ ಮಾಡಿಕೊಳ್ಳುತ್ತಿದ್ದೇನೆ'' ಎಂದು ಪತ್ರದಲ್ಲಿ ಬರೆಯಲಾಗಿದೆ.
ಆದರೆ ಬಿದಿಶಾ ಸಾವಿನ ಬಗ್ಗೆ ಪೊಲೀಸರು ಅನುಮಾನ ವ್ಯಕ್ತಪಡಿಸಿದ್ದು, ಆತ್ಮಹತ್ಯೆ ಪತ್ರವನ್ನು ಕೈಬರಹ ತಜ್ಞರಿಂದ ಪರೀಕ್ಷೆ ಮಾಡಿಸುತ್ತಿದ್ದಾರೆ. ಅಲ್ಲದೆ ಬಿದಿಶಾಳ ಮೊಬೈಲ್ ಅನ್ನು ವಶಪಡಿಸಿಕೊಂಡು ಸುಳಿವಗಾಗಿ ಹುಡುಕಾಟ ನಡೆಸಿದ್ದಾರೆ. ಬಿದಿಶಾಳ ಮೃತದೇಹದ ಮರಣೋತ್ತರ ಪರೀಕ್ಷೆ ಸಹ ಮಾಡಿಸಲಾಗಿದೆ.
ಕೋಲ್ಕತ್ತದ ಮಾಡೆಲಿಂಗ್ ಜಗತ್ತಿನಲ್ಲಿ ಬಿದಿಶಾ ಹೆಸರು ಮಾಡಿದ್ದರು. ಹಲವು ಲೋಕಲ್ ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿದ್ದರು. ಆದರೆ ಅವರಿಗೆ ಇತ್ತೀಚೆಗೆ ಅವಕಾಶಗಳು ಕಡಿಮೆ ಆಗಿದ್ದವು ಎನ್ನಲಾಗುತ್ತಿದೆ. ಮಾಡೆಲಿಂಗ್ ಜಗತ್ತಿನ ಹಲವರು ಬಿದಿಶಾ ಸಾವಿಗೆ ಸಂತಾಪ ಸೂಚಿಸಿದ್ದಾರೆ.
ಬಿದಿಶಾ ಸಾವಿನ ಬಗ್ಗೆ ಫೇಸ್ಬುಕ್ ಪೋಸ್ಟ್ ಹಾಕಿರುವ ಕೊಲ್ಕತ್ತದ ಮಾಡೆಲ್ ಸಂತೂ ಮಂಡಲ್, ''ನಿನ್ನೆಯಷ್ಟೆ ಫೇಸ್ಬುಕ್ ಡಿಪಿ ಬದಲಾಯಿಸಿದ್ದೀಯ. ಇನ್ಸ್ಟಾಗ್ರಾಂನ ಕವರ್ ಪಿಕ್ ಬದಲಾಯಿಸಿದ್ದೀಯ. ನಟಿ ಪಲ್ಲವಿ ದೇ ಆತ್ಮಹತ್ಯೆ ಮಾಡಿಕೊಂಡಿದ್ದಾಗ ಅದನ್ನು ಖಂಡಿಸಿ ಪೋಸ್ಟ್ ಹಾಕಿದ್ದೆ ಆದರೆ ಈಗ ನೀನು ಅದೇ ದಾರಿ ಹಿಡಿದೆಯಲ್ಲ'' ಎಂದು ನೋವಿನಿಂದ ಪ್ರಶ್ನೆ ಮಾಡಿದ್ದಾರೆ.
ಬೆಂಗಾಳಿ ಭಾಷೆಯ ಜನಪ್ರಿಯ ಟಿವಿ ನಟಿ ಪಲ್ಲಬಿ ಡೇ ಇತ್ತೀಚೆಗಷ್ಟೆ ಆತ್ಮಹತ್ಯೆ ಮಾಡಿಕೊಂಡಿದ್ದರು. ಪಲ್ಲಬಿ ಡೇ ಜೊತೆಗೆ ಲಿವ್ ಇನ್ ರಿಲೇಷನ್ನಲ್ಲಿದ್ದ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿದ್ದರು.
ಕೊಲ್ಕತ್ತದಲ್ಲಿ ಮಾತ್ರವೇ ಅಲ್ಲ ಹಲವು ರಾಜ್ಯಗಳಲ್ಲಿ ಮಾಡೆಲ್ಗಳು, ಸಿನಿಮಾಗಳಲ್ಲಿ ಸಣ್ಣ-ಪುಟ್ಟ ಪಾತ್ರ ನಟಿಯರು ಆತ್ಮಹ್ಯೆಗೆ ಶರಣಾಗುತ್ತಿರುವ ಸುದ್ದಿಗಳು ಇತ್ತೀಚೆಗೆ ಹೆಚ್ಚು-ಹೆಚ್ಚು ಬರುತ್ತಿವೆ.
for India
COOJ Mental Health Foundation (COOJ)- 0832-2252525, ಪರಿವರ್ತನ್- +91 7676 602 602, Connecting Trust- +91 992 200 1122/+91-992 200 4305 or Sahai- 080-25497777/ [email protected]