ಇಬ್ಬರ ಜೊತೆ ಮಗಳು ಅನನ್ಯ ಡೇಟಿಂಗ್ ಬಗ್ಗೆ ತಾಯಿ ಭಾವನಾ ಮಾತು; ಇಬ್ಬರೂ ಸರಿಯಾಗಿದ್ದಾರೆ ಎಂದ ಜನ!

ಯಾರ ಜೊತೆ ನಿಮ್ಮ ಮಗಳು ತೆರೆ ಮೇಲೆ ಚೆನ್ನಾಗಿ ಕಾಣ್ತಾರೆ?

ಕಾಫಿ ವಿತ್ ಕರಣ್ ಕಾರ್ಯಕ್ರಮದ ರಾಪಿಡ್ ಫೈರ್ ಸುತ್ತಿನಲ್ಲಿ ಅನನ್ಯಗೆ ಯಾವ ನಟ ತೆರೆ ಮೇಲೆ ಸರಿಯಾದ ಜೋಡಿ ಎಂಬ ಪ್ರಶ್ನೆ ಎದುರಾಯಿತು. ಈ ಪ್ರಶ್ನೆಗೆ ಉತ್ತರಿಸಿದ ಭಾವನಾ ಪಾಂಡೆ ಕಾರ್ತಿಕ್ ಆರ್ಯನ್ ಎಂಬ ಉತ್ತರವನ್ನು ನೀಡಿದರು. ಇದೇ ಸಮಯಕ್ಕಾಗಿ ಕಾಯುತ್ತಿದ್ದ ಕರಣ್ ಜೋಹರ್ ಹಾಗಾದ್ರೆ ಯಾಕೆ ನಿಮ್ಮ ಮಗಳು ಹಾಗೂ ಕಾರ್ತಿಕ್ ಆರ್ಯನ್ ಬ್ರೇಕ್ ಅಪ್ ಮಾಡಿಕೊಂಡ್ರು ಎಂದು ಪ್ರಶ್ನೆಯನ್ನು ಹಾಕಿದರು. ಇದಕ್ಕೆ ಉತ್ತರಿಸಿದ ಭಾವನಾ ಹಾಗೆ ಹೇಳ್ಬೇಡಿ ನಿಮಗೆ ಗೊತ್ತಿಲ್ಲ ಎಂಬ ಉತ್ತರ ನೀಡಿ ಜಾರಿಕೊಂಡರು.

ಇಬ್ಬರ ಜೊತೆ ಡೇಟಿಂಗ್

ಇನ್ನು ಇದೇ ರಾಪಿಡ್ ಫೈರ್ ಸುತ್ತನಲ್ಲಿ ಗೌರಿ ಖಾನ್ ಕೂಡ ಭಾಗವಹಿಸಿದ್ದರು ಹಾಗೂ ನಿಮ್ಮ ಮಗಳು ಸುಹಾನಾಗೆ ಏನು ಸಲಹೆ ನೀಡಲು ಬಯಸುತ್ತೀರ ಎಂಬ ಪ್ರಶ್ನೆಗೆ ಉತ್ತರಿಸಿದರು. ಏಕಕಾಲಕ್ಕೆ ಇಬ್ಬರು ಹುಡುಗರನ್ನು ಡೇಟ್ ಮಾಡಬೇಡ ಎಂಬ ಸಲಹೆಯನ್ನು ಗೌರಿ ಖಾನ್ ತಮ್ಮ ಮಗಳಿಗೆ ನೀಡಿದರು. ಈ ಸಂದರ್ಭದಲ್ಲಿ ಮಧ್ಯ ಪ್ರವೇಶಿಸಿದ ಕರಣ್ ಜೋಹರ್ ಈ ಕೆಲಸವನ್ನು ಅನನ್ಯ ಈಗಾಗಲೇ ಮಾಡಿದ್ದಾರೆ ಎಂಬ ಹೇಳಿಕೆ ನೀಡಿದರು. ಇದಕ್ಕೆ ಮುಕ್ತಕಂಠದಿಂದ ಉತ್ತರಿಸಿದ ಭಾವನಾ ಪಾಂಡೆ ಹೌದು, ಅವಳು ಎರಡು ಸಂಬಂಧದ ಬಗ್ಗೆ ಚಿಂತಿಸಿ ಒಂದನ್ನು ಮುರಿದುಕೊಂಡಿದ್ದಾಳೆ ಎಂದು ಹೇಳಿಕೆ ನೀಡಿದ್ದಾರೆ. ಈ ಮೂಲಕ ತಮ್ಮ ಮಗಳು ಇಬ್ಬರ ಜತೆ ಏಕಕಾಲಕ್ಕೆ ಡೇಟಿಂಗ್ ಮಾಡಿದ್ದರ ಕುರಿತು ಭಾವನಾ ಪಾಂಡೆ ತುಟಿ ಬಿಚ್ಚಿದ್ದಾರೆ.

ಇಶಾನ್ ಕಟ್ಟರ್ ಜತೆ ಬ್ರೇಕಪ್

ಇನ್ನು ಈ ಹಿಂದೆ ಇದೇ ಕಾಫಿ ವಿತ್ ಕರಣ್ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಅನನ್ಯ ಪಾಂಡೆ ಇಶಾನ್ ಕಟ್ಟರ್ ಜತೆ ಬ್ರೇಕಪ್ ಮಾಡಿಕೊಂಡು ಸಿಂಗಲ್ ಆಗಿದ್ದೇನೆ ಎಂದು ಹೇಳಿಕೊಂಡಿದ್ದರು ಹಾಗೂ ವಿಜಯ್ ದೇವರಕೊಂಡ ಜತೆ ಫ್ರೆಂಡ್ಲಿ ಡೇಟ್ ಹೋಗಿದ್ದೆ ಎಂದು ಹೇಳಿಕೆ ನೀಡಿದ್ದರು. ಹೀಗಾಗಿ ಭಾವನಾ ಪಾಂಡೆ ಹೇಳಿಕೆಯನ್ನು ಗಮನಿಸಿದರೆ ವಿಜಯ್ ದೇವರಕೊಂಡಗಾಗಿ ಅನನ್ಯ ಪಾಂಡೆ ಇಶನ್ ಕಟ್ಟರ್ ಜತೆ ಬ್ರೇಕಪ್ ಮಾಡಿಕೊಂಡ್ರಾ ಎಂಬ ಅನುಮಾನ ಮೂಡದೇ ಇರದು