ಸೆಲ್ಫಿ ಕೇಳಿ ಮುತ್ತು ಕೊಟ್ಟ ಅಭಿಮಾನಿ: ಆಮೇಲೆ ನೋಡಿದ್ರೆ ಆಕೆಗೆ ಕೊರೊನಾ ಪಾಸಿಟಿವ್

3 ದಿನಗಳ ಹಿಂದೆ ನಡೆದ ಘಟನೆ

ಮೂರು ದಿನಗಳ ಹಿಂದೆ ಮುಂಬೈ ಏರ್‌ಪೋರ್ಟ್‌ನಲ್ಲಿ ಕಾಣಿಸಿಕೊಂಡ ಬಿಗ್ ಬಾಸ್ ಸ್ಪರ್ಧಿ ಅರ್ಶಿ ಖಾನ್‌ಗೆ ಅಭಿಮಾನಿಯೊಬ್ಬ ಸಮ್ಮತಿ ಇಲ್ಲದೇ ಮುತ್ತು ಕೊಟ್ಟಿದ್ದ. ಆ ವಿಡಿಯೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಏಕಂದ್ರೆ, ನಟಿ ಅರ್ಶಿ ಖಾನ್‌ಗೆ ಕೊರೊನಾ ಪಾಸಿಟಿವ್ ಬಂದಿದೆ.

ಸೋಂಕು ಖಚಿತ ಪಡಿಸಿದ ಅರ್ಶಿ ಖಾನ್

''ಏಪ್ರಿಲ್ 19 ರಂದು ಮುಂಬೈ ಏರ್‌ಪೋರ್ಟ್‌ನಲ್ಲಿ ಕೊರೊನಾ ಪರೀಕ್ಷೆಗೆ ಒಳಪಟ್ಟಿದ್ದೆ. ಅದರ ವರದಿ ಈಗ (ಏಪ್ರಿಲ್ 22) ಬಂದಿದೆ. ನನಗೆ ಕೊರೊನಾ ಪಾಸಿಟಿವ್ ಇದೆ. ಸೌಮ್ಯ ರೋಗ ಲಕ್ಷಣಗಳಿವೆ, ಕ್ವಾರಂಟೈನ್ ಆಗಿದ್ದೇನೆ. ಎಲ್ಲರೂ ಜಾಗೃತರಾಗಿರಿ'' ಎಂದು ಅರ್ಶಿ ಖಾನ್ ಇನ್ಸ್ಟಾದಲ್ಲಿ ಮಾಹಿತಿ ನೀಡಿದ್ದಾರೆ.

ಮುತ್ತು ಕೊಟ್ಟ ಅಭಿಮಾನಿ ಕಥೆ ಏನು?

ಅರ್ಶಿ ಖಾನ್‌ಗೆ ಕೊರೊನಾ ಸೋಂಕು ತಗುಲಿರುವುದು ಖಚಿತವಾಗುತ್ತಿದ್ದಂತೆ ಮುತ್ತು ಕೊಟ್ಟ ಅಭಿಮಾನಿ ಟ್ರೋಲ್‌ಗೆ ಗುರಿಯಾಗಿದ್ದಾನೆ. ಅರ್ಶಿ ಖಾನ್‌ಗೆ ಕೊರೊನಾ ತಗುಲಿದ್ದು ಎಲ್ಲಿಂದ, ಈಗ ಅರ್ಶಿ ಖಾನ್‌ಗೆ ಸೋಂಕು ಇದೆ ಎಂದು ತಿಳಿದಿದೆ. ಹಾಗಾದ್ರೆ ಆ ಅಭಿಮಾನಿ ಕಥೆ ಏನು ಎಂದು ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆಗೆ ಕಾರಣವಾಗಿದೆ.

Recommended Video

ಕಿಚ್ಚ ಸುದೀಪ್ ಗೆ ಇನ್ನೂ ವಿಶ್ರಾಂತಿ ಬೇಕಂತೆ !!! | Filmibeat Kannada

ಮಾಡೆಲ್, ಸಿನಿಮಾ, ರಿಯಾಲಿಟಿ ಶೋ, ರಾಜಕೀಯ

ಅಫ್ಘಾನಿಸ್ತಾನದಲ್ಲಿ ಹುಟ್ಟಿದ್ದ ಅರ್ಶಿ ಖಾನ್ ಬಹಳ ಚಿಕ್ಕ ವಯಸ್ಸಿನಲ್ಲಿಯೇ ಭಾರತಕ್ಕೆ ಬಂದು ನೆಲೆ ಕಂಡುಕೊಂಡರು. ಮಾಡೆಲ್ ಆಗಿ ಇಂಡಸ್ಟ್ರಿ ಪ್ರವೇಶಿಸಿದ ಅರ್ಶಿ ಖಾನ್ ವಿವಾದಗಳಿಂದಲೇ ಹೆಚ್ಚು ಸುದ್ದಿಯಾದರು. 2017ರಲ್ಲಿ ಬಿಗ್ ಬಾಸ್ ಪ್ರವೇಶಿಸಿದ್ದರು. ಕೆಲವು ಸಿನಿಮಾಗಳಲ್ಲಿಯೂ ನಟಿಸಿದ್ದಾರೆ. ಈ ನಡುವೆ ಕಾಂಗ್ರೆಸ್ ಪಕ್ಷ ಸೇರಿದ್ದ ನಟಿ 2019ರ ಚುನಾವಣೆಯಲ್ಲಿ ಮಹಾರಾಷ್ಟ್ರದಿಂದ ಸ್ಪರ್ಧೆ ಮಾಡಿ ಸೋಲು ಕಂಡರು.