Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸಿನಿಮಾ ಆಗಲಿದೆ ಭಾರತದ ಮೊದಲ 'ಸೂಪರ್ ಸ್ಟಾರ್' ಜೀವನ
ಈಗಾಗಲೇ ಹಲವು ನಟ-ನಟಿಯರ ಜೀವನ ಸಿನಿಮಾ ಆಗಿದೆ. ಭಾರತದ ಮೊದಲ ಚಲನಚಿತ್ರ ನಿರ್ಮಿಸಿದ ದಾದಾ ಸಾಹೇಬ್ ಫಾಲ್ಕೆಯಿಂದ ಹಿಡಿದು, ನಟಿ ಶಕೀಲ ವರೆಗೆ ಹಲವು ನಟ-ನಟಿಯರ ಜೀವನ ತೆರೆಗೆ ಬಂದಿದೆ. ಇದೀಗ ಭಾರತದ ಪ್ರಪ್ರಥಮ ಸೂಪರ್ ಸ್ಟಾರ್ ರಾಜೇಶ್ ಖನ್ನ ಜೀವನ ಸಿನಿಮಾ ಆಗುವ ಆರಂಭಿಕ ಹಂತದಲ್ಲಿದೆ.
ಅಕ್ಷಯ್ ಕುಮಾರ್ ಮಾವ ಸಹ ಆಗಿರುವ ರಾಜೇಶ್ ಖನ್ನ ಭಾರತ ಚಿತ್ರರಂಗದ ಮೊದಲ ಸೂಪರ್ ಸ್ಟಾರ್. ರಾಜೇಶ್ ಖನ್ನ ಜೀವನದ ಒಳಮುಖಗಳನ್ನು ತೆಗೆದಿಡುವ ಪ್ರಯತ್ನವನ್ನು ಸಿನಿಮಾ ಮಾಡಲಿದೆ.
ರಾಜೇಶ್ ಖನ್ನ ಭಾರತದ ಮೊದಲ ಸೂಪರ್ ಸ್ಟಾರ್ ಆಗಿದ್ದವರು. ಕೇವಲ ಮೂರು ವರ್ಷದಲ್ಲಿ ಸತತ 17 ಸೂಪರ್-ಡೂಪರ್ ಹಿಟ್ ನೀಡಿದ ಖ್ಯಾತಿ ಇವರದ್ದು. ಸುಂದರ ವದನ ರಾಜೇಶ್ ಖನ್ನಗೆ ಯುವತಿಯರು ರಕ್ತದಿಂದ ಪತ್ರ ಬರೆಯುತ್ತಿದ್ದರು, ರಾಜೇಶ್ ಖನ್ನ ಚಿತ್ರದೊಂದಿಗೆ ಕೆಲವು ಯುವತಿಯರು ವಿವಾಹ ಸಹ ಆದರು. ರಾಜೇಶ್ ಖನ್ನ ವಿವಾಹವಾದಾಗ ಕೆಲವು ಯುವತಿಯರು ಆತ್ಮಹತ್ಯೆ ಸಹ ಮಾಡಿಕೊಂಡಿದ್ದರು. 60-70ರ ದಶಕದಲ್ಲಿ ರಾಜೇಶ್ ಖನ್ನ ಎಂದರೆ ಯುವತಿಯರಿಗೆ ದೊಡ್ಡ ಮಟ್ಟದ ಕ್ರೇಜ್ ಇತ್ತು.
ರಾಜೇಶ್ ಖನ್ನ ಜೀವನ ಆಧರಿಸಿ 'ಡಾರ್ಕ್ ಸ್ಟಾರ್: ದಿ ಲೋನ್ಲಿನೆಸ್ ಆಪ್ ಬೀಯಿಂಗ್ ರಾಜೇಶ್ ಖನ್ನ' ಹೆಸರಿನ ಪುಸ್ತಕ ರಚಿಸಲಾಗಿದ್ದು, ಪುಸ್ತಕ ಆಧರಿಸಿ ಸಿನಿಮಾ ತಯಾರಾಗಲಿದೆ. ಗೌತಮ್ ಚಿಂತಾಮಣಿ ಬರೆದಿರುವ ಈ ಪುಸ್ತಕದ ಹಕ್ಕುಗಳನ್ನು ನಿರ್ಮಾಪಕ ನಿಖಿಲ್ ದ್ವಿವೇದಿ ಖರೀದಿಸಿದ್ದಾರೆ.
''ಡಾರ್ಕ್ ಸ್ಟಾರ್: ದಿ ಲೋನ್ಲಿನೆಸ್ ಆಪ್ ಬೀಯಿಂಗ್ ರಾಜೇಶ್ ಖನ್ನ' ಪುಸ್ತಕದ ಹಕ್ಕನ್ನು ಪಡೆದಿದ್ದೀನಿ. ಸಿನಿಮಾವನ್ನು ನಿರ್ದೇಶಿಸಲು ಫರ್ಹಾ ಖಾನ್ ಜೊತೆ ಮಾತುಕತೆ ಚಾಲ್ತಿಯಲ್ಲಿದೆ. ರಾಜೇಶ್ ಖನ್ನ ಜೀವನವನ್ನು ತೆರೆಯ ಮೇಲೆ ತರಲು ಕಾತರನಾಗಿದ್ದೇನೆ,'' ಎಂದಿದ್ದಾರೆ ನಿರ್ಮಾಪಕ ನಿಖಿಲ್ ದ್ವಿವೇದಿ.
ರಾಜೇಶ್ ಖನ್ನ ಜೀವನ ಆಧರಿಸಿದ ಸಿನಿಮಾ ನಿರ್ದೇಶಿಸುತ್ತಿರುವ ಬಗ್ಗೆ ಮಾತನಾಡಿರುವ ಫರ್ಹಾ ಖಾನ್ ''ಗೌತಮ್ ಚಿಂತಾಮಣಿ ಬರೆದಿರುವ 'ಡಾರ್ಕ್ ಸ್ಟಾರ್: ದಿ ಲೋನ್ಲಿನೆಸ್ ಆಪ್ ಬೀಯಿಂಗ್ ರಾಜೇಶ್ ಖನ್ನ' ಪುಸ್ತಕವನ್ನು ನಾನು ಓದಿದ್ದೇನೆ ಅದೊಂದು ಅದ್ಭುತ ಪುಸ್ತಕ. ರಾಜೇಶ್ ಖನ್ನ ಜೀವನ ಬಹಳ ವರ್ಣರಂಜಿತವಾದುದು. ಅವರ ಜೀವನವನ್ನು ಸಿನಿಮಾ ಮಾಡುವ ಬಗ್ಗೆ ಮಾತುಕತೆ ಚಾಲ್ತಿಯಲ್ಲಿದೆ. ಈಗಲೇ ಈ ಬಗ್ಗೆ ಹಚ್ಚಿನ ಮಾಹಿತಿ ನೀಡಲಾಗದು'' ಎಂದಿದ್ದಾರೆ.
ಸೂಪರ್ ಸ್ಟಾರ್ ಆಗಿದ್ದ ರಾಜೇಶ್ ಖನ್ನ ಕೆಲವು ಪ್ರೇಮ ಸಂಬಂಧಗಳನ್ನು ಹೊಂದಿದ್ದರು. ಸ್ಟಾರ್ ಆಗಿ ಮೆರೆದ ಖನ್ನ ಹಲವು ವರ್ಷಗಳ ಕಾಲ ಒಬ್ಬಂಟಿಯಾಗಿ ಕಾಲ ಕಳೆಯಬೇಕಾಯಿತು. ರಾಜೇಶ್ ಖನ್ನ ಮೊದಲಿಗೆ ಫ್ಯಾಷನ್ ಡಿಸೈನರ್ ಹಾಗೂ ನಟಿ ಆಗಿದ್ದ ಅಂಜು ಮಹೇಂದ್ರನ್ ಅವರೊಟ್ಟಿಗೆ ಪ್ರೀತಿಯಲ್ಲಿದ್ದರು ಸುಮಾರು 7 ವರ್ಷಗಳ ಈ ಸಂಬಂಧ ಮುರಿದು ಬಿತ್ತು. ಬಳಿಕ 1973ರಲ್ಲಿ ಡಿಂಪಲ್ ಕಪಾಡಿಯಾ ಅನ್ನು ರಾಜೇಶ್ ಖನ್ನ ವಿವಾಹವಾದರು. ಇಬ್ಬರು ಮಕ್ಕಳು ಜನಿಸಿದರು. ಒಂಬತ್ತು ವರ್ಷದ ಬಳಿಕ ಇಬ್ಬರೂ ದೂರಾದರು. ಡಿಂಪಲ್ ಕಪಾಡಿಯಾ, ತಾನು ನಟನೆ ಮುಂದುವರೆಸಬೇಕು ಎಂದು ಹೇಳಿದ್ದು ರಾಜೇಶ್ಗೆ ಇಷ್ಟವಾಗಲಿಲ್ಲ. ಆದರೆ ಈ ಇಬ್ಬರು ವಿಚ್ಛೇಧನ ಪಡೆದುಕೊಳ್ಳಲಿಲ್ಲ. ಆದರೆ ಪರಸ್ಪರ ದೂರವಿದ್ದೇ ಜೀವನ ನಡೆಸಿದರು. 2012 ರಲ್ಲಿ ಅನಾರೋಗ್ಯದಿಂದಾಗಿ ರಾಜೇಶ್ ಖನ್ನ ನಿಧನ ಹೊಂದಿದರು.
ರಾಜೇಶ್ ಖನ್ನ ಅಳಿಯ ಸೂಪರ್ ಸ್ಟಾರ್ ಅಕ್ಷಯ್ ಕುಮಾರ್ ಅವರೇ ತನ್ನ ಮಾವನ ಪಾತ್ರದಲ್ಲಿ ನಟಿಸಲಿದ್ದಾರೆ ಎನ್ನಲಾಗುತ್ತಿದೆ. ರಾಜೇಶ್ ಖನ್ನ ಪಾತ್ರಕ್ಕೆ ವಿಕ್ಕಿ ಕೌಶಲ್ ಹೆಸರು ಸಹ ಕೇಳಿ ಬರುತ್ತಿದೆ. ಸಿನಿಮಾದ ಬಗೆಗಿನ ಇನ್ನಷ್ಟು ಮಾಹಿತಿ ಮುಂದಿನ ದಿನಗಳಲ್ಲಿ ಲಭ್ಯವಾಗಲಿದೆ.