ಸಾಜಿದ್ ಖಾನ್ ಬಂಡವಾಳ ಬಯಲಾಗಿದ್ದಕ್ಕೆ ಬಿಪಾಶಾ ಬಸುಗೆ ಖುಷಿ.!

ಒರಟು ಸ್ವಭಾವ

2014 ರಲ್ಲಿ ಬಿಡುಗಡೆ ಆದ ಸಾಜಿದ್ ಖಾನ್ ನಿರ್ದೇಶನದ 'ಹಮ್ ಶಕಲ್ಸ್' ಚಿತ್ರದಲ್ಲಿ ಬಿಪಾಶಾ ಬಸು ಅಭಿನಯಿಸಿದ್ದರು. ಈ ಬಗ್ಗೆ ಮಾತನಾಡಿದ ಬಿಪಾಶಾ ಬಸು, ''ನಾನು ಸಾಜಿದ್ ಖಾನ್ ರಿಂದ ಲೈಂಗಿಕ ಕಿರುಕುಳ ಅನುಭವಿಸಿಲ್ಲ. ಆದರೆ ಮಹಿಳೆಯರ ಜೊತೆಗೆ ಆತನ ವರ್ತನೆ ಮಾತ್ರ ತೀರಾ ಒರಟು'' ಅಂತಾರೆ.

ಕೆಟ್ಟ ಜೋಕ್ಸ್ ಹೇಳುತ್ತಿದ್ದ ಸಾಜಿದ್

''ದೌರ್ಜನ್ಯಕ್ಕೆ ಒಳಗಾದ ಮಹಿಳೆಯರು ಈಗ ದನಿಯೆತ್ತುತ್ತಿರುವುದು ಉತ್ತಮ ಬೆಳವಣಿಗೆ. ಆದರೆ ನನಗೆ ಅಂತಹ ಅನುಭವ ಆಗಿಲ್ಲ. ಶೂಟಿಂಗ್ ಸೆಟ್ ನಲ್ಲಿ ಸಾಜಿದ್ ಖಾನ್ ಕೆಟ್ಟ ಕೊಳಕ ಜೋಕ್ ಗಳನ್ನು ಹೇಳುತ್ತಿದ್ದರು. ಆತನ ವರ್ತನೆ ನನ್ನನ್ನ ಡಿಸ್ಟರ್ಬ್ ಮಾಡುತ್ತಿತ್ತು'' ಅಂತಾರೆ.

ಸಾಜಿದ್ ಮಟ್ಟಕ್ಕೆ ಇಳಿಯಲಿಲ್ಲ.!

''ಸಾಜಿದ್ ಮಟ್ಟಕ್ಕೆ ಇಳಿದು ಮಾತನಾಡದಿರಲು ನನಗೆ ಸೂಚಿಸಿದ್ದರು. ಹೀಗಾಗಿ, ನನ್ನ ಕೆಲಸವನ್ನು ಮುಗಿಸಿ ನಾನು ವಾಪಸ್ ಆಗುತ್ತಿದ್ದೆ'' ಎನ್ನುವ ಬಿಪಾಶಾ 2014 ರಲ್ಲಿ 'ಹಮ್ ಶಕಲ್ಸ್' ಶೂಟಿಂಗ್ ವೇಳೆ ಕಣ್ಣೀರು ಹಾಕಿದ್ದರು. ಅಲ್ಲದೇ, ಚಿತ್ರದ ಪ್ರಮೋಷನ್ ಗೆ ಬಾರದಿರಲು ನಿರ್ಧರಿಸಿದ್ದರು.

ನನಗೇನೂ ಮಾಡಿಲ್ಲ

''ಆತನ ನನ್ನೊಂದಿಗೆ ಏನೂ ಮಾಡಲಿಲ್ಲ. ಮಾಡಿದಿದ್ರೆ, 2014 ರಲ್ಲೇ ಮಾತನಾಡುತ್ತಿದ್ದೆ. ನನಗೆ ತುಂಬಾ ಜೋರು ಧ್ವನಿ ಇದೆ. ಅಗೌರವವನ್ನ ನಾನು ಎಂದೂ ಸಹಿಸುವುದಿಲ್ಲ'' ಎಂದು ಟ್ವಿಟ್ಟರ್ ನಲ್ಲಿ ಬಿಪಾಶಾ ಸ್ಪಷ್ಟ ಪಡಿಸಿದ್ದಾರೆ.

ತನುಶ್ರೀ ದತ್ತಾಗೆ ಧನ್ಯವಾದಗಳು

''ತನುಶ್ರೀ ದತ್ತಾಗೆ ಧನ್ಯವಾದಗಳು.. ಯಾಕಂದ್ರೆ, ಆಕೆಯಿಂದ ಎಷ್ಟೋ ಮಹಿಳೆಯರು ಧೈರ್ಯವಾಗಿ ಮಾತನಾಡುತ್ತಿದ್ದಾರೆ'' ಎಂದು ನಟಿ ಬಿಪಾಶಾ ಬಸು ಮತ್ತೊಂದು ಟ್ವೀಟ್ ನಲ್ಲಿ ತಿಳಿಸಿದ್ದಾರೆ.