Don't Miss!
- Lifestyle ಎಲೆಕೋಸಿಗೆ ಕೆಮಿಕಲ್ ಮಿಶ್ರಣ ಮಾಡ್ತಾರೆ ಹುಷಾರ್..! ವಿಡಿಯೋ ವೈರಲ್..!
- News ಉಚಿತ ಉಪಹಾರದಿಂದ ಉಚಿತ ದಂತ ತಪಾಸಣೆವರೆಗೆ; ಮತದಾನ ಮಾಡಿದವರಿಗೆ ಭರ್ಜರಿ ಆಫರ್ ಕೊಟ್ಟ ಮೈಸೂರು ವ್ಯಾಪಾರಸ್ಥರು
- Automobiles HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶೀಘ್ರದಲ್ಲಿಯೇ ಪಾಕಿಸ್ತಾನದಲ್ಲೂ ಬಿಜೆಪಿ ಸರ್ಕಾರ: ಕಂಗನಾ ಭವಿಷ್ಯ
ನಟಿ ಕಂಗನಾ ರಣೌತ್ ಪಾಕಿಸ್ತಾನದ ಸರ್ಕಾರದ ಬಗ್ಗೆ ಭವಿಷ್ಯ ನುಡಿದಿದ್ದಾರೆ. ಶೀಘ್ರವೇ ಪಾಕಿಸ್ತಾನದಲ್ಲಿಯೂ ಬಿಜೆಪಿ ಸರ್ಕಾರ ರಚನೆ ಆಗಲಿದೆ ಎಂದಿದ್ದಾರೆ ಕಂಗನಾ.
ಕಂಗನಾ ಅವರ ಬಿಜೆಪಿ ಪ್ರೀತಿ, ಪಾಕಿಸ್ತಾನ ದ್ವೇಷ ಪರಿಚಿತವೇ. ಟ್ವಿಟ್ಟರ್ನಲ್ಲಿ ಅವರು ಆಗಾಗ್ಗೆ ಬಿಜೆಪಿ ಪರವಾಗಿ, ಸರ್ಕಾರದ ಪರವಾಗಿ ಟ್ವೀಟ್ಗಳನ್ನು ಮಾಡುತ್ತಲೇ ಇರುತ್ತಾರೆ.
ಇದೀಗ ಭಾರತ ತಯಾರಿಸಿರುವ 45 ಮಿಲಿಯನ್ ವ್ಯಾಕ್ಸಿನ್ ಅನ್ನು ವ್ಯಾಕ್ಸಿನೇಷನ್ ಮತ್ತು ರೋಗನಿರೋಧ ಮದ್ದು ವಿತರಣೆ ಜಾಗತಿಕ ಒಕ್ಕೂಟ ಕಾರ್ಯಕ್ರಮದಡಿ ಪಾಕಿಸ್ತಾನಕ್ಕೆ ನೀಡುತ್ತಿರುವ ಸುದ್ದಿಯ ಬಗ್ಗೆ ಟ್ವೀಟ್ ಮಾಡಿರುವ ಕಂಗನಾ ರನೌತ್, 'ಇದರ ಅರ್ಥವೆಂದರೆ, ಪಾಕಿಸ್ತಾನ ಸಹ ನಮ್ಮಿಂದಲೇ ತುಂಡಾದ ಭಾಗ. ಅಲ್ಲೂ ಸಹ ಆದಷ್ಟು ಶೀಘ್ರವಾಗಿ ಬಿಜೆಪಿ ಸರ್ಕಾರ ರಚನೆ ಆಗಲಿದೆ. ಭಯೋತ್ಪಾದಕರು ನಮ್ಮವರಲ್ಲ, ಆದರೆ ಅಲ್ಲಿನ ಜನ ನಮ್ಮವರು' ಎಂದಿದ್ದಾರೆ ಕಂಗನಾ.
ನಂತರ ಅದೇ ಟ್ವೀಟ್ನ ಕಮೆಂಟ್ ಒಂದಕ್ಕೆ ಉತ್ತರಿಸಿರುವ ಕಂಗನಾ 'ಮೋದಿಗೆ ನಾವು ಬೇಕಾಗಿಲ್ಲ. ನಮಗೆ ಮೋದಿ ಬೇಕಾಗಿದ್ದಾರೆ. ಅಖಂಡ ಭಾರತ ನಿರ್ಮಾಣಕ್ಕಾಗಿ ಮೋದಿ ನಮಗೆ ಬೇಕಾಗಿದ್ದಾರೆ. ನಾವೆಲ್ಲರೂ ಮತ್ತೆ ಮೋದಿ ಅವರನ್ನೇ ಪ್ರಧಾನಿಯಾಗಿ ಆಯ್ಕೆ ಮಾಡಬೇಕಿದೆ' ಎಂದು ಟ್ವೀಟ್ ಮಾಡಿದ್ದಾರೆ.
ಮುಂದುವರೆದು, 'ಇನ್ನೆರಡು ಭಾರಿ ಅವರು ಪ್ರಧಾನಿ ಆದರೆ ಸಾಕು, ಭಾರತವನ್ನು ತನ್ನ ಹಳೆಯ ಸುವರ್ಣಯುಗಕ್ಕೆ ಮೋದಿ ಕರೆದುಕೊಂಡು ಹೋಗುತ್ತಾರೆ. ಆ ನಂತರ ಅವರು ಏನಾದರೂ ಮಾಡಿಕೊಳ್ಳಲಿ. ಆದರೆ ಈಗ ಮೋದಿ ಅವರ ಪ್ರತಿ ಉಸಿರು ಅಖಂಡ ಭಾರತದ ಕನಸೇ ಕಾಣುತ್ತಿರಬೇಕು. ನಾವೆಲ್ಲರೂ ಮನವಿ ಮಾಡಿದರೆ ಆ ಮನವಿಯನ್ನು ಅವರು ಖಂಡಿತ ಪುರಸ್ಕರಿಸುತ್ತಾರೆ ಎಂಬ ನಂಬಿಕೆ ನನಗೆ ಇದೆ ' ಎಂದಿದ್ದಾರೆ ಕಂಗನಾ.
Recommended Video
ಕಂಗನಾ ಅವರ ಈ ಟ್ವೀಟ್ ಸರಣಿಗೆ ಸಾಕಷ್ಟು ಪರ ಹಾಗೂ ವಿರೋಧ ಅಭಿಪ್ರಾಯಗಳು ವ್ಯಕ್ತವಾಗಿವೆ.