ಬಾಲಿವುಡ್ ಚಿತ್ರರಂಗದ ನಟ ನಿರ್ದೇಶಕ ನೀರಜ್ ವೊರಾ ನಿಧನ

ಬಾಲಿವುಡ್ ಸಿನಿಮಾರಂಗದ ಪ್ರತಿಭಾವಂತ ನಟ ಮತ್ತು ನಿರ್ದೇಶಕ ನೀರಜ್ ವೊರಾ ನಿಧನರಾಗಿದ್ದಾರೆ. ಇಂದು (ಗುರುವಾರ) ಬೆಳಗಿನ ಜಾವ 3 ಗಂಟೆಗೆ ಮುಂಬೈನ ಖಾಸಗಿ ಆಸ್ಪತ್ರೆಯೊಂದರಲ್ಲಿ ಕೊನೆಯುಸಿರೆಳೆದಿದ್ದಾರೆ.

54 ವರ್ಷದ ನೀರಜ್ ವೊರಾ ಅವರಿಗೆ 2016 ರಲ್ಲಿ ಹೃದಯಾಘಾತವಾಗಿತ್ತು. ನಂತರ ಒಂದು ವರ್ಷ ಅವರು ಕೋಮಾಗೆ ಹೋದರು. ಇಂದು (ಗುರುವಾರ) ಬೆಳ್ಳಗೆ 2 ಗಂಟೆ ಸುಮಾರಿಗೆ ಅವರ ಸ್ಥಿತಿಯು ತೀರಾ ಹದಗೆಟ್ಟಾಗ ಅವರ ಕುಟುಂಬದವರು ಮುಂಬೈನ ಖಾಸಗಿ ಆಸ್ಪತ್ರೆವೊಂದಕ್ಕೆ ಕರೆದುಕೊಂಡು ಹೋದರು. ಆದರೆ ಚಿಕಿತ್ಸೆ ಪಲಕಾರಿ ಆಗದೆ ಆಸ್ಪತ್ರೆಯಲ್ಲಿಯೇ ಅವರು ಸಾವನ್ನಪ್ಪಿದ್ದಾರೆ.

ಮೊದಲು ಶಾರೂಖ್ ಖಾನ್ ಅವರ ಜೊತೆ ಟಿವಿ ಶೋ ದಲ್ಲಿ ರೈಟರ್ ಆಗಿ ಕೆಲಸ ಮಾಡಿದ್ದ ನೀರಜ್ ವೊರಾ ಬಳಿಕ 1995ರಲ್ಲಿ ಬಾಲಿವುಡ್ ಚಿತ್ರರಂಗ ಪ್ರವೇಶ ಮಾಡಿದರು. ಅಮೀರ್ ಖಾನ್ ನಟನೆಯ 'ರಂಗೀಲಾ' ಚಿತ್ರಕ್ಕೆ ಸಂಭಾಷಣೆ ಬರೆಯುವ ಮೂಲಕ ನೀರಜ್ ಸಿನಿ ಕೆರಿಯರ್ ಶುರುವಾಗಿತ್ತು. ಆ ನಂತರ ಹಂತ ಹಂತವಾಗಿ ಬೆಳೆದು ನಿರ್ದೇಶಕ ಮತ್ತು ನಟನೆ ಕೂಡ ಮಾಡಿ ಗೆದ್ದರು. ಇನ್ನು ನೀರಜ್ ವೊರಾ ಮಾಡಿರುವ ಸಿನಿಮಾಗಳಲ್ಲಿ 'ಕಿಲಾಡಿ 420', 'ಗೊಲ್ ಮಾಲ್', 'ಹೇರಾ ಫೆರಿ' ಸಿನಿಮಾಗಳು ಪ್ರಮುಖವಾಗಿದೆ.