ನಟನೆಗೆ ಗುಡ್ ಬೈ ಹೇಳಿದ ನಟ ಆಮೀರ್ ಖಾನ್ ಸೋದರಳಿಯ ಇಮ್ರಾನ್ ಖಾನ್

ಇಮ್ರಾನ್ ಖಾನ್ ಬಗ್ಗೆ ಸ್ನೇಹಿತನ ಮಾತು

ಇತ್ತೀಚಿಗೆ ಸಂದರ್ಶವೊಂದರಲ್ಲಿ ಮಾತನಾಡಿರುವ ಅಕ್ಷಯ್, 'ಬಾಲಿವುಡ್ ನಲ್ಲಿ ಉತ್ತಮ ಸ್ನೇಹಿತ ಇಮ್ರಾನ್ ಖಾನ್. ಅವರೀಗ ನಟನಾಗಿ ಉಳಿದಿಲ್ಲ. ಯಾಕೆಂದರೆ ಇಮ್ರಾನ್ ಈಗ ನಟನೆ ತ್ಯಜಿಸಿದ್ದಾರೆ. ನಾನು ಮತ್ತು ಇಮ್ರಾನ್ ಸುಮಾರು 18 ವರ್ಷಗಳಿಂದ ಸ್ನೇಹಿತರು. ಇಬ್ಬರು ಒಟ್ಟಿಗೆ ನಟನೆ ಕಲಿತ್ತಿದ್ದೇವೆ, ಒಟ್ಟಿಗೆ ಸಿನಿಮಾರಂಗಕ್ಕೆ ಎಂಟ್ರಿ ಕೊಟ್ಟಿದ್ದೇವೆ' ಎಂದು ಹೇಳಿದ್ದಾರೆ.

ಇಮ್ರಾನ್ ಖಾನ್ ಉತ್ತಮ ಬರಹಗಾರ

'ಇಮ್ರಾನ್ ಖಾನ್ ನಟನೆ ತೊರೆದಿದ್ದಾರೆ. ನನಗೆ ತಿಳಿದ ಮಟ್ಟಿಗೆ, ಇಮ್ರಾನ್ ಒಳಗೆ ಉತ್ತಮ ಬರಹಗಾರ ಮತ್ತು ನಿರ್ದೇಶಕನಿದ್ದಾನೆ. ಅವರು ಚಿತ್ರವನ್ನು ಯಾವಾಗ ನಿರ್ದೇಶಿಸುತ್ತಾರೆ ಎಂದು ನನಗೆ ತಿಳಿದಿಲ್ಲ. ಆದರೆ ನಾನು ಯಾವುದೇ ಒತ್ತಡ ಹೇರಿಲ್ಲ. ಆದರೆ ಶೀಘ್ರದಲ್ಲೇ ಸಿನಿಮಾ ನಿರ್ದೇಶನ ಮಾಡಲಿದ್ದಾರೆ ಎಂದು ನಾನು ಭಾವಿಸಿದ್ದೇನೆ. ಅದ್ಭುತ ಸಿನಿಮಾ ಮಾಡುತ್ತಾರೆ ಎಂದು ನನಗೆ ತಿಳಿದಿದೆ. ಯಾಕೆಂದರೆ ಅವರಿಗೆ ಸಿನಿಮಾದ ಬಗ್ಗೆ ಸಂವೇದನೆ ಮತ್ತು ತಿಳುವಳಿಕೆ ತುಂಬಾ ಇದೆ' ಎಂದಿದ್ದಾರೆ.

2008ರಲ್ಲಿ ಚಿತ್ರರಂಗ ಪ್ರವೇಶ

2008ರಲ್ಲಿ ಬಣ್ಣದ ಲೋಕಕ್ಕೆ ಕಾಲಿಟ್ಟ ನಟ ಇಮ್ರಾನ್ ಖಾನ್, ಜಾನೆ ತು ಯಾ ಜಾನೆ ನಾ ಚಿತ್ರದ ಮೂಲಕ ಚಿತ್ರಪ್ರೇಕ್ಷಕರ ಮುಂದೆ ಬಂದಿದ್ದಾರೆ. ಈ ಸಿನಿಮಾವನ್ನು ನಟ ಆಮೀರ್ ಖಾನ್ ನಿರ್ಮಾಣ ಮಾಡಿದ್ದರು. 2015ರಲ್ಲಿ ಕೊನೆಯಬಾರಿಗೆ ಕಟ್ಟಿ ಬಟ್ಟಿ ಸಿನಿಮಾದಲ್ಲಿ ನಟಿಸಿದ್ದಾರೆ. ಚಿತ್ರದಲ್ಲಿ ಇಮ್ರಾನ್ ಖಾನ್ ಗೆ ನಾಯಕಿಯಾಗಿ ಕಂಗನಾ ಕಾಣಿಸಿಕೊಂಡಿದ್ದರು. ನಟನೆ ಜೊತೆಗೆ ಕಿರು ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ.

Recommended Video

ಭಜರಂಗಿ ಭಾಯಿಜಾನ್ ಪುಟ್ಟ ಪೋರಿ ಈಗ ಹೇಗಿದ್ದಾಳೆ ನೋಡಿ | Filmibeat Kannada

ಪತ್ನಿಯಿಂದ ದೂರ ಆಗಿರುವ ನಟ ಇಮ್ರಾನ್

ಇನ್ನೂ ಸಿನಿಮಾ ಹೊರತುಪಡಿಸಿ ಇಮ್ರಾನ್ ಪತ್ನಿ ಅವಂತಿಕಾ ಮಲಿಕ್ ಯಿಂದ ದೂರ ಆಗಿ ಮತ್ತೆ ಸುದ್ದಿ ಮಾಡಿದ್ದರು. ಸದ್ಯ ಸಿನಿಮಾರಂಗದಿಂದ ಅಂತರ ಕಾಯ್ದುಕೊಂಡಿರುವ ಇಮ್ರಾನ್ ನಿರ್ದೇಶನದ ಮೂಲಕ ವಾಪಸ್ ಆಗ್ತಾರಾ ಎಂದು ಕಾದುನೋಡಬೇಕು.