ವಾವ್.! ಸಲ್ಮಾನ್ ಖಾನ್-ಲುಲಿಯಾ ಮದುವೆ ದಿನಾಂಕ ಫಿಕ್ಸ್ ಆಯ್ತು

ಬಾಲಿವುಡ್ ಚಿತ್ರರಂಗದ ಮೋಸ್ಟ್ ಎಲಿಜಬೆಲ್ ಬ್ಯಾಚುರಲ್ ಅಂತಾನೇ ಖ್ಯಾತಿ ಪಡೆದಿರುವ ಬಾಕ್ಸಾಫೀಸ್ ಸುಲ್ತಾನ ಸಲ್ಮಾನ್ ಖಾನ್ ಅವರು ಈ ವರ್ಷದ ಅಂತ್ಯದಲ್ಲಿ ಮದುವೆ ಆಗುತ್ತಿದ್ದಾರೆ ಅನ್ನೋದು ಈಗಾಗಲೇ ಪಕ್ಕಾ ಆಗಿದೆ.

ಇದೀಗ ಭಾಯ್ ಜಾನ್ ಸಲ್ಲು ಕುಟುಂಬದಿಂದ ಹೊರಬಿದ್ದಿರುವ ವಿಶೇಷ ಸುದ್ದಿ ಏನಪ್ಪಾ ಅಂದ್ರೆ ಸಲ್ಮಾನ್ ಖಾನ್ ಮತ್ತು ಲುಲಿಯಾ ವಂಟೂರ್ ಅವರ ಮದುವೆ ದಿನಾಂಕವನ್ನು ಕುಟುಂಬದವರು ಸೇರಿ ಗೊತ್ತು ಮಾಡಿದ್ದಾರೆ.[ಮದುವೆ ಕನಸು ಕಾಣುತ್ತಾ ಕೈ ಹಿಡಿದು ಓಡಾಡುತ್ತಿದ್ದಾರೆ ಪ್ರಣಯ ಹಕ್ಕಿಗಳು]

ಹೌದು ಬಾಲಿವುಡ್ ನಟ ಸಲ್ಮಾನ್ ಖಾನ್ ಅವರು ದೀರ್ಘ ಕಾಲದ ಗೆಳತಿ ಲುಲಿಯಾ ವಂಟೂರ್ ಅವರನ್ನು ತಮ್ಮ 51ನೇ ಹುಟ್ಟುಹಬ್ಬದ ದಿನವಾದ ಡಿಸೆಂಬರ್ 27, 2016ರಂದು ಅದ್ದೂರಿಯಾಗಿ ವಿವಾಹ ಆಗಲಿದ್ದಾರೆ.[ಅಬ್ಬಾ.! ಕೊನೆಗೂ ಸಲ್ಮಾನ್ ಖಾನ್ ವಿವಾಹ ಆಗ್ತಾರಂತೆ]

ಅಂತೂ ಸಲ್ಲುಮೀಯಾ ಡಿಸೆಂಬರ್ ತಿಂಗಳಿನಲ್ಲಿ ತಮ್ಮ ಕುಟುಂಬದವರಿಗೆ ಎರಡೆರಡು ಸಿಹಿ ಸುದ್ದಿ ನೀಡಲಿದ್ದಾರೆ ಎಂದಾಯ್ತು. ಒಂದೆಡೆ ಮದುವೆ ಆದರೆ ಇನ್ನೊಂದು ಸಲ್ಲು ಅವರ 51ನೇ ಹುಟ್ಟುಹಬ್ಬದ ಸಂಭ್ರಮ. ಒಟ್ನಲ್ಲಿ ಇಡೀ ಬಿಟೌನ್ ನಲ್ಲಿ ಡಿಸೆಂಬರ್ 27ರಂದು ಹಬ್ಬದ ವಾತಾವರಣ ಉಂಟಾಗೋದು ಗ್ಯಾರೆಂಟಿ.[ಸಲ್ಮಾನ್ ರೀಮೇಕ್ ಮಾಡುತ್ತಿರುವ ಕನ್ನಡದ ಚಿತ್ರ ಯಾವುದು?]

ರೋಮೇನಿಯಾದ ಬೆಡಗಿ ಲುಲಿಯಾ ಅವರು ಗ್ರ್ಯಾಮಿ ಪ್ರಶಸ್ತಿಗೆ ನಾಮಿನೇಟ್ ಆಗಿದ್ದ ಸಂಗೀತಗಾರ ಮಾರೀಸ್ ಮೋಗಾ ಅವರ ಜೊತೆ ತಮ್ಮ ಸಂಬಂಧವನ್ನು ಕಡಿದುಕೊಂಡ ಮೇಲೆ ಸಲ್ಮಾನ್ ಖಾನ್ ಅವರ ಜೊತೆ ಕಾಣಿಸಿಕೊಳ್ಳಲಾರಂಭಿಸಿದರು.

ಬರ-ಬರುತ್ತಾ ಸಲ್ಲು ಅವರ ತಾಯಿಗೆ ಲುಲಿಯಾ ಅವರು ಇಷ್ಟವಾದ ಕಾರಣ ಇದೀಗ ಸಲ್ಮಾನ್ ಖಾನ್ ಮನದನ್ನೆಯಾಗಿ ಸಲ್ಲು ತಾಯಿ ಸಲ್ಮಾ ಅವರ ಸೊಸೆಯಾಗಿ ಭಾಯ್ ಜಾನ್ ಮನೆಗೆ ಕಾಲಿಡುತ್ತಿದ್ದಾರೆ.