Don't Miss!
- Lifestyle ಏಪ್ರಿಲ್ನಲ್ಲಿ 14 ದಿನ ರಜೆ, ಏಪ್ರಿಲ್ 1ಕ್ಕೆ ಬ್ಯಾಂಕ್ಗಳಿಗೆ ರಜೆ ಇರಲು ಕಾರಣವೇನು?
- News 140 ಕೋಟಿ ಜನ ನಿಮ್ಮನ್ನು ತಿರಸ್ಕರಿಸಿರುವುದರಲ್ಲಿ ಅಚ್ಚರಿ ಏನಿಲ್ಲ: ಕಾಂಗ್ರೆಸ್ ವಿರುದ್ಧ ಪ್ರಧಾನಿ ಮೋದಿ ಟೀಕೆ
- Sports ರೋಹಿತ್ vs ಹಾರ್ದಿಕ್: ಸತತ ಸೋಲಿನ ನಡುವೆಯೇ ಮುಂಬೈ ಇಂಡಿಯನ್ಸ್ ಇಬ್ಭಾಗ!?
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಧ್ಯರಾತ್ರಿ ರಾಕೇಶ್ ರೋಶನ್ ಮನೆಗೆ ಶಾರುಖ್ ಹೋಗಿದ್ದು ಯಾಕೆ?
ಬಾಲಿವುಡ್ ನ ಬಾದ್ ಷಾ ಶಾರುಖ್ ಖಾನ್ ಮತ್ತು ಹ್ಯಾಂಡ್ಸಮ್ ಹಂಕ್ ಹೃತಿಕ್ ರೋಷನ್ ಅತ್ಯುತ್ತಮ ಗೆಳೆಯರು. ಇವರಿಬ್ಬರು ಈ ಮೊದಲು 'ಕಭೀ ಖುಷಿ ಕಭೀ ಗಮ್' ಚಿತ್ರದಲ್ಲಿ ಅಣ್ಣ-ತಮ್ಮನ ಪಾತ್ರದಲ್ಲಿ ಕಾಣಿಸಿಕೊಂಡು ಎಲ್ಲರಿಂದ ಮೆಚ್ಚುಗೆ ಗಳಿಸಿದ್ದರು.
ಅಂದಹಾಗೆ ಇವರಿಬ್ಬರ ಪುರಾಣ ಹೇಳಲು ಕಾರಣ ಇತ್ತೀಚೆಗೆ ಕಿಂಗ್ ಖಾನ್ ಶಾರುಖ್ ಖಾನ್ ಅವರು ತುಂಬಾ ಸಮಯದ ಬಳಿಕ ಹೃತಿಕ್ ರೋಷನ್ ಅವರ ಮನೆಗೆ ಭೇಟಿ ನೀಡಿದ್ದು, ಅದೂ ಮಧ್ಯರಾತ್ರಿ ವೇಳೆಯಲ್ಲಿ. 'ರಾಯಿಸ್' ಚಿತ್ರದ ನಿರ್ಮಾಪಕ ರಿತೇಶ್ ಸಿಧ್ವಾನಿ ಅವರ ಜೊತೆ ಶಾರುಖ್ ಅವರು ಹೃತಿಕ್ ಮನೆಗೆ ಹೋಗಿ, ಅವರ ಅಪ್ಪ ರಾಕೇಶ್ ರೋಷನ್ ಜೊತೆ ಕೆಲಕಾಲ ಮಾತನಾಡಿದ್ದಾರೆ.[ರಾಜ್ ಸ್ಮಾರಕ ಉದ್ಘಾಟನೆಗೆ ಶಾರುಖ್ ಖಾನ್, ಹೃತಿಕ್?]
ಅಷ್ಟಕ್ಕೂ ಶಾರುಖ್ ಅವರು ರಾಕೇಶ್ ರೋಷನ್ ಅವರನ್ನು ಭೇಟಿ ಮಾಡಲು ಪ್ರಮುಖ ಕಾರಣ ಏನಪ್ಪಾ ಅಂದ್ರೆ ಶಾರುಖ್ ಅವರ 'ರಾಯಿಸ್' ಮತ್ತು ಹೃತಿಕ್ ರೋಷನ್ ಅವರ 'ಕಾಬಿಲ್' ಸಿನಿಮಾದ ಕ್ಲ್ಯಾಷ್.[ವಿಶ್ವದಲ್ಲಿ ಅತೀ ಹೆಚ್ಚು ಆಸ್ತಿ ಹೊಂದಿರುವ ನಟರಿವರು]
'ಕಿಂಗ್ ಖಾನ್' ಶಾರುಖ್ ಖಾನ್ ಅವರು 'ರಾಯಿಸ್' ಚಿತ್ರದ ಮೇಲೆ ಬಹಳ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಆದ್ದರಿಂದ 'ರಾಯಿಸ್' ಮತ್ತು 'ಕಾಬಿಲ್' ಚಿತ್ರದ ನಡುವೆ ಬಾಕ್ಸಾಫೀಸ್ ಘರ್ಷಣೆ ಉಂಟಾಗೋದು ಬೇಡ ಅಂತ ರಾಕೇಶ್ ರೋಷನ್ ಅವರ ಜೊತೆ 'ಕಾಬಿಲ್' ಚಿತ್ರದ ಬಿಡುಗಡೆ ದಿನಾಂಕವನ್ನು ಮುಂದೂಡಲು ಕೋರಿಕೊಂಡಿದ್ದಾರೆ.[ಶಾರುಕ್ ಖಾನ್ ರ 'ರಾಯೀಸ್' ಚಿತ್ರ ಬಿಡುಗಡೆಯಾಗದಿರಲು ಕಾರಣವೇನು?]
ಈ ವಿಚಾರವನ್ನು ಖುದ್ದು ಶಾರುಖ್ ಖಾನ್ ಅವರೇ ಟ್ವಿಟ್ಟರ್ ನಲ್ಲಿ ಅಭಿಮಾನಿಗಳಿಗೆ ತಿಳಿಸಿದ್ದಾರೆ. "ತುಂಬಾ ದಿನಗಳ ಬಳಿಕ ಒಬ್ಬ ಅತ್ಯುತ್ತಮ ಗೆಳೆಯ, ಗುರು, ಕುಟುಂಬದ ಸದಸ್ಯನಂತಿರುವ ಮಿಸ್ಟರ್ ರಾಕೇಶ್ ರೋಷನ್ ಅವರನ್ನು ಭೇಟಿ ಮಾಡಿದೆ. ಇಲ್ಲಿ ತುಂಬಾ ಕೆಲಸ ಮಾಡೋದು ಮುಖ್ಯ ಆಗೋದಿಲ್ಲ, ಇಲ್ಲಿ ಒಂದು ಸರಿಯಾದ ಆಯ್ಕೆ ಮಾತ್ರ ಮುಖ್ಯವಾಗುತ್ತದೆ. ಧನ್ಯವಾದ ಸರ್..' ಎಂದು ಶಾರುಖ್ ಟ್ವೀಟ್ ಮಾಡಿದ್ದಾರೆ.
Met friend/mentor/family after many a days.Mr. R.Roshan reminded me…it’s not important to do 2 much, it’s important to get 1 right. Thx sir.
— Shah Rukh Khan (@iamsrk) July 18, 2016
ಶಾರುಖ್ ಅವರು ಈ ರೀತಿಯಾಗಿ ಟ್ವೀಟ್ ಮಾಡಿರುವುದನ್ನು ನೋಡಿದರೆ, ರಾಕೇಶ್ ರೋಷನ್ ಅವರು ಖಂಡಿತ ಕೆಲವು ಉತ್ತಮ ಸಲಹೆಗಳನ್ನು ಶಾರುಖ್ ಅವರಿಗೆ ನೀಡಿರುತ್ತಾರೆ ಅಂತಾಯ್ತು.[ಉಗ್ರರ ಬಾಂಬ್ ದಾಳಿಯಿಂದ ಕೂದಲೆಳೆ ಅಂತರದಲ್ಲಿ ಪಾರಾದ ಹೃತಿಕ್]
ಇನ್ನು ಶಾರುಖ್ ಅವರ 'ರಾಯಿಸ್' ಮತ್ತು ಹೃತಿಕ್ ಅವರ 'ಕಾಬಿಲ್' 2017, ಜನವರಿಯಲ್ಲಿ ಗಣರಾಜ್ಯ ದಿನದಂದು ತೆರೆ ಕಾಣಬೇಕಿತ್ತು. ಇದೀಗ ಯಾರ ಸಿನಿಮಾ ಮೊದಲು ತೆರೆ ಮೇಲೆ ಬರುತ್ತೆ, ಮತ್ತು ಯಾರ ಸಿನಿಮಾ ನಂತರ ರಾರಾಜಿಸುತ್ತದೆ ಎಂಬುದನ್ನು ಮುಂದಿನ ದಿನಗಳಲ್ಲಿ ಕಾದು ನೋಡಬೇಕಿದೆ.[ಹಾಲಿವುಡ್ ಗೆ ಬಾಲಿವುಡ್ ಡ್ರೀಮ್ ಬಾಯ್ ಹೃತಿಕ್]