ಮದುವೆ ಸಂಭ್ರಮದಲ್ಲಿ ಬಾಲಿವುಡ್ ನಟಿ ಕಂಗನಾ ರಣಾವತ್

ಮೆಹಂದಿ ಶಾಸ್ತ್ರದಲ್ಲಿ ಕಂಗನಾ ಡ್ಯಾನ್ಸ್

ನಟಿ ಕಂಗನಾ ಮತ್ತು ಸಹೋದರಿ ಅಕ್ಷತ್ ಮದುವೆ ಸಮಾರಂಭದ ಸಂತಸದಲ್ಲಿದ್ದಾರೆ. ಇಬ್ಬರು ಮೆಹಂದಿ ಶಾಸ್ತ್ರದಲ್ಲಿ ರಾಜಸ್ಥಾನದ ಜನಪ್ರಿಯ ಜಾನಪದ ಗೀತೆ 'ಕೇಸರಿಯಾ ಬಾಲಮೇ..' ಹಾಡಿಗೆ ಮಸ್ತ್ ಹೆಜ್ಜೆ ಹಾಕಿದ್ದಾರೆ. ಈ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ. ಕಂಗನಾ ನೃತ್ಯಕ್ಕೆ ಅಭಿಮಾನಿಗಳಿಂದ ಮೆಚ್ಚುಗೆಯ ಕಾಮೆಂಟ್ಸ್ ಹರಿದುಬಂದಿದೆ.

ಗೋಲ್ಡ್ ಬಣ್ಣದ ಲೆಹಂಗಾದಲ್ಲಿ ಕಂಗನಾ ಮಿಂಚಿಂಗ್

ಸಹೋದರನ ಮದುವೆಯಲ್ಲಿ ಕಂಗನಾ ಗೋಲ್ಡ್ ಬಣ್ಣದ ಲೆಹಂಗಾದಲ್ಲಿ ಕಂಗೊಳಿಸುತ್ತಿದ್ದರು. ವಿಡಿಯೋ ಶೇರ್ ಮಾಡಿ 'ಮೆಹಂದಿ ಸಂಭ್ರಮದಲ್ಲಿ ನಟಿ ಕಂಗನಾ ರಣಾವತ್' ಎಂದು ಬರೆದುಕೊಂಡಿದ್ದಾರೆ. ಮದುವೆಯ ಅನೇಕ ಫೋಟೋಗಳನ್ನು ಹಂಚಿಕೊಂಡಿರುವ ಕಂಗನಾ ಸಹೋದರನ ಪತ್ನಿ ಅತ್ತಿಯ ಫೋಟೋವನ್ನು ರಿವೀಲ್ ಮಾಡಿದ್ದಾರೆ.

ಉದೈಪುರ್ ನಲ್ಲಿ ನಡೆಯುತ್ತಿದೆ ಮದುವೆ

ಅಕ್ಷತ್ ವಿವಾಹ ಸಮಾರಂಭ ಉದೈಪುರ್ ನಲ್ಲಿ ನಡೆಯುತ್ತಿದೆ. ಉದೈಪುರ್ ಕಂಗನಾ ಕುಟುಂಬದ ಮೂಲವಂತೆ, ಹಾಗಾಗಿ ಅಲ್ಲೇ ಮದುವೆ ಸಮಾರಂಭ ಹಮ್ಮಿಕೊಂಡಿರುವುದಾಗಿ ಹೇಳಿದ್ದಾರೆ. ಈ ಬಗ್ಗೆ ಮಾತನಾಡಿರುವ ಕಂಗನಾ, 'ಇದು ನನ್ನ ಕುಟುಂಬ ಮತ್ತು ನನಗೆ ತುಂಬಾ ಸುಂದರವಾದ ಸಮಯ. ನಾನು ಉದಯಪುರದಲ್ಲಿ ನನ್ನ ಸಹೋದರನ ಮದುವೆ ಸಮಾರಂಭದಲ್ಲಿದ್ದೇನೆ. ಅಲ್ಲಿ ರಣಾವತ್ ಕುಟುಂಬ ನೆಲೆಸಿದೆ. ಈಗ ನನ್ನ ಹೆತ್ತವರ ಮನೆಗೆ ಹೊರಟಿದ್ದೇವೆ. ಕೊರೊನಾ ಕಾರಣದಿಂದ ತೀರ ಖಾಸಗಿಯಾಗಿ ಮದುವೆ ಸಮಾರಂಭ ನಡೆಯುತ್ತಿದೆ. ಆದರೆ ಅದೇ ಉತ್ಸಾಹ ಇದೆ' ಎಂದು ಹೇಳಿದ್ದಾರೆ.

Recommended Video

Sashikumar ಮಗನ್ನನ್ನು ನೋಡಿ ಇದು ಗೌರವ ಪಡುವಂತಹ ವಿಚಾರ ಎಂದ Shivanna | Seethayanam | Filmibeat Kannada

ಕಂಗನಾ ಸಿನಿಮಾಗಳು

ಇನ್ನೂ ಕಂಗನಾ ಸಿನಿಮಾ ವಿಚಾರಕ್ಕೆ ಬರುವುದಾದರೆ ಇತ್ತೀಚಿಗಷ್ಟೆ ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ಜೆ.ಜಯಲಲಿತಾ ಬಯೋಪಿಕ್ ಚಿತ್ರೀಕರಣ ಮುಗಿಸಿದ್ದಾರೆ. ಇದೀಗ ತೇಜಸ್ ಸಿನಿಮಾದ ಚಿತ್ರೀಕರಣದಲ್ಲಿ ಭಾಗಿಯಾಗಲು ತಯಾರಿ ನಡೆಸುತ್ತಿದ್ದಾರೆ.