ಸನ್ನಿ ಲಿಯೋನ್ ಸಂಭಾವನೆ ಕೇಳಿ ನಿರ್ಮಾಪಕರು ಕಂಗಾಲು

ಸಂಭಾವನೆ ವಿಚಾರದಲ್ಲಿ ಅನುಷ್ಕಾರನ್ನು ಹಿಂದಿಕ್ಕಿದ ನಟಿ

ಮಾದಕ ನಟಿ ಸನ್ನಿ ಲಿಯೋನ್ ತಮ್ಮ ಸಂಭಾವನೆ ಹೆಚ್ಚಿಸಿಕೊಂಡಿದ್ದಾರೆ. ದಿನೇ ದಿನೇ ಸನ್ನಿ ಲಿಯೋನ್ ಅವರಿಗೆ ಸಿನಿಮಾಗಳಲ್ಲಿ ಅಭಿನಯಿಸುವಂತೆ ಡಿಮ್ಯಾಂಡ್ ಹೆಚ್ಚಾಗಿರುವುದೇ ಇದಕ್ಕೆ ಕಾರಣವಂತೆ. ಈಗ ಟಾಲಿವುಡ್ ನಟಿ ಅನುಷ್ಕಾ ಶೆಟ್ಟಿ ಅವರಿಗಿಂತ ಹೆಚ್ಚು ಸಂಭಾವನೆ ಪಡೆದಿದ್ದಾರೆ.

ಬಿಗ್ ಬಜೆಟ್ ಸಿನಿಮಾದಲ್ಲಿ ಸನ್ನಿ ಲಿಯೋನ್

ಸೌತ್ ಸಿನಿಮಾವೊಂದರಲ್ಲಿ ಸನ್ನಿ ಲಿಯೋನ್ ರನ್ನು ನಾಯಕಿ ಮಾಡಲು ನಿರ್ಮಾಪಕರೊಬ್ಬರು ಸಂಪರ್ಕ ಮಾಡಿದ್ದಾರೆ. ಆಗ ಸನ್ನಿ ಟ್ಯಾಕ್ಸ್ ಎಲ್ಲವೂ ಸೇರಿ 3.5 ಕೋಟಿ ಸಂಭಾವನೆಯನ್ನ ಡಿಮ್ಯಾಂಡ್ ಮಾಡಿದ್ದಾರಂತೆ. 'ಬಾಹುಬಲಿ' ಚಿತ್ರದಲ್ಲಿ ನಟಿಸಲು ಅನುಷ್ಕಾ ಶೆಟ್ಟಿ 2.5ಕೋಟಿ ಪಡೆದಿದ್ದರಂತೆ. ಆದರೆ ಸನ್ನಿ ಈಗ ಅನುಷ್ಕಾರಿಗಿಂತ ಹೆಚ್ಚು ಹಣ ಪಡೆದು ನಾಲ್ಕು ಭಾಷೆಯಲ್ಲಿ ತೆರೆಗೆ ಬರಲಿರುವ ಸಿನಿಮಾದಲ್ಲಿ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ.

ಇಮೇಜ್ ಬದಲಿಸಿಕೊಳ್ಳಲಿರುವ ನಟಿ

ಸದ್ಯ ಸನ್ನಿ ಲಿಯೋನ್ 3.5 ಕೋಟಿ ಸಂಭಾವನೆ ಕೇಳಿರುವ ಸಿನಿಮಾದ ಬಗ್ಗೆ ಮಾಹಿತಿಯನ್ನ ಬಿಟ್ಟುಕೊಟ್ಟಿಲ್ಲ ಸಿನಿಮಾತಂಡ. ಆದರೆ ಚಿತ್ರದಲ್ಲಿ 18 ನೇ ಶತಮಾನದ ರಾಜಕುಮಾರಿ ಪಾತ್ರದಲ್ಲಿ ಸನ್ನಿಲಿಯೋನ್ ಅಭಿನಯಿಸಲಿದ್ದಾರೆ. ಇದೇ ಕಾರಣಕ್ಕೆ ಅನುಷ್ಕಾ 'ಬಾಹುಬಲಿ' ಚಿತ್ರದಲ್ಲಿ ಪಡೆದ ಸಂಭಾವನೆಗಿಂತಲೂ ಹೆಚ್ಚು ಹಣವನ್ನ ಕೇಳಿದ್ದಾರೆ. ಫೆಬ್ರವರಿ ಮೊದಲವಾರದಲ್ಲಿ ಚಿತ್ರ ಸೆಟ್ಟೇರಲಿದೆ.

ಸನ್ನಿ ಲಿಯೋನ್ ಈಗ ಮೀನಾ ಕುಮಾರಿ

ಭಾರತೀಯ ಸಿನಿಮಾರಂಗದಲ್ಲಿ ಅತೀ ಸುಂದರಿ ಹಾಗೂ ದುರಂತ ನಾಯಕಿ ಎಂದೇ ಪ್ರಖ್ಯಾತಿ ಪಡೆದಿದ್ದ ನಟಿ ಮೀನಾ ಕುಮಾರಿಯ ಪಾತ್ರದಲ್ಲಿ ಸನ್ನಿ ಲಿಯೋನ್ ಅಭಿನಯಿಸೋದಕ್ಕೆ ಗ್ರೀನ್ ಸಿಗ್ನಲ್ ನೀಡಿದ್ದಾರಂತೆ. ವಿದ್ಯಾಬಾಲನ್ ಹಾಗೂ ಮಾಧುರಿ ದೀಕ್ಷಿತ್ ಅಭಿನಯಿಸಲು ಒಪ್ಪದೇ ಇದ್ದ ಪಾತ್ರವನ್ನ ಸನ್ನಿ ನಿರ್ವಹಿಸಲಿದ್ದಾರೆ. ಈ ಚಿತ್ರದ ಮೂಲಕ ನೀಲಿ ಸಿನಿಮಾಗಳ ನಟಿ ಎನ್ನುವ ಹಣೆ ಪಟ್ಟಿ ಕಿತ್ತಾಕಲಿದ್ದಾರೆ ಸನ್ನಿಲಿಯೋನ್ .