'ಲಾಕ್ ಆಪ್' ಸಕ್ಸಸ್ ಪಾರ್ಟಿ ಮಾಡಿದ ಬಾಲಿವುಡ್ ತಾರೆಯರು

ಸಕ್ಸಸ್‌ ಪಾರ್ಟಿಯಲ್ಲಿ ಭಾಗಿಯಾದ ಬಾಲಿವುಡ್ ಸೆಲೆಬ್ರೆಟಿಗಳು

'ಲಾಕ್‌ ಆಪ್‌' ರಿಯಾಲಿಟಿ ಶೋ ಅದ್ಧೂರಿಯಾಗಿ ಮುಕ್ತಾಯವಾದ ಹಿನ್ನೆಲೆಯಲ್ಲಿ ಶೋನಲ್ಲಿ ಭಾಗವಹಿಸಿದ್ದ ನಟ ನಟಿಯರಿಗೆ ಸಕ್ಸಸ್ ಪಾರ್ಟಿ ಅರೆಂಜ್ ಮಾಡಲಾಗಿತ್ತು. ಮುಂಬೈನಲ್ಲಿ ನಡೆದ ಈ ಪಾರ್ಟಿಯಲ್ಲಿ ಬಾಲಿವುಡ್‌ನ ಹಲವು ತಾರೆಯರು ಆಗಮಿಸಿದ್ದರು. ವಿನ್ನರ್ ಮುನಾವರ್ ಫಾರೂಕಿಗೆ ಪಾರ್ಟಿಯಲ್ಲಿ ಶುಭಾಶಯ ತಿಳಿಸಲಾಯಿತು. ಹಾಡು, ಡ್ಯಾನ್ಸ್ ಮೂಲಕ ಎಲ್ಲರೂ ಸಕ್ಸಸ್ ಪಾರ್ಟಿಯನ್ನು ಎಂಜಾಯ್ ಮಾಡಿದ್ದರು. ಪಾರ್ಟಿಯಲ್ಲಿ ಕಂಗನಾ, ಶಿವಂ ಶರ್ಮಾ, ಮಂದನಾ ಕರಿಮಿ, ಸಾರಾ ಖಾನ್, ಕರಣ್ ಕುಂದ್ರಾ, ತೇಜಸ್ವಿ ಪ್ರಕಾಶ್, ಪೂನಂ ಪಾಂಡೆ ಮತ್ತು ಅಜ್ಮಾ ಫಲ್ಲಾ ಭಾಗಿಯಾಗಿದ್ದರು.

ಮಗುವಿನ ಚಿತ್ರ ಹಂಚಿಕೊಂಡು ಸತ್ಯ ಹೊರಹಾಕಿದ ಪ್ರಿಯಾಂಕಾ ಚೋಪ್ರಾ

ಟಾಪ್ 3 ಸ್ಥಾನದಲ್ಲಿದ್ದವರು ಯಾರು?

70 ದಿನಗಳ ಕಾಲ ನಡೆಸಿದ್ದ ಶೋನಲ್ಲಿ ಎಲ್ಲಾ ಟಾಸ್ಕ್‌ ಮಾಡಿ ಮುನಾವರ್, ಫಾರೂಕಿ, ಪಾಯಲ್ ರೋಹಟಗಿ, ಶಿವಂ ಶರ್ಮಾ , ಅಂಜಲಿ ಅರೋರಾ, ಅಜ್ಮಾ ಫಲ್ಲಾ, ಗ್ರಾಂಡ್‌ ಫಿನಾಲೆಗೆ ಆಗಮಿಸಿದ್ದರು. ಇದರಲ್ಲಿ ಟಾಪ್‌ 3 ಸ್ಥಾನದಲ್ಲಿ ಮುನಾವರ್ ಫಾರುಕಿ, ಪಾಯಲ್ ರೋಹಟಗಿ ಹಾಗೂ ಅಂಜಲಿ ಆರೋರಾ ಟಪ್ ಫೈಟ್ ಕೊಟ್ಟಿದ್ದರು. ಆದರೆ, ಅಂತಿಮವಾಗಿ ಮುನಾವರ್ ಫಾರೂಕಿ ಗೆಲುವಿನ ನಗೆ ಬೀರಿದ್ದಾರೆ. ಗೆದ್ದ ಕಾಮಿಡಿಯನ್ ಮುನಾವರ್ ಫಾರೂಕಿಗೆ ಲಾಕ್ ಆಪ್ ವಿನ್ನರ್ ಟ್ರೋಫಿ, ಜೊತೆಗೆ 20 ಲಕ್ಷ ರೂಪಾಯಿ ನಗದು ಹಾಗೂ ಒಂದು ಕಾರು ಮತ್ತು ಗಿಫ್ಟ್‌ ಹ್ಯಾಂಪರ್‌ಗಳು ಲಭಿಸಿವೆ. ಮೊದಲ ರನ್ನರ್ ಆಪ್ ಆಗಿ ನಟಿ ಪಾಯಲ್ ರೋಹಟಗಿ ನಂತರ ಅಂಜಲಿ ಆರೋರಾ ಎರಡನೇ ರನ್ನರ್ ಆಪ್ ಆಗಿದ್ದಾರೆ.

ಗೆಲುವಿನ ನಗೆ ಬೀರದ ಪ್ರಿನ್ಸ್ ನರೂಲಾ

'ರೋಡಿಸ್‌ x2', 'ಸ್ಪ್ಲಿಟ್ಸ್‌ವಿಲ್ಲಾ 8', 'ನಚ್‌ ಬಲಿಯೇ 9', 'ಬಿಗ್ ಬಾಸ್ 9' ರಿಯಾಲಿಟಿ ಶೋಗಳಲ್ಲಿ ವಿಜೇತರಾಗಿದ್ದ ಪ್ರಿನ್ಸ್ ನರೂಲಾ ಈ ಶೋನಲ್ಲಿ ಗೆಲ್ಲಬಹುದು ಎಂದು ವೀಕ್ಷಕರು ನಿರೀಕ್ಷಿಸಿದ್ದರು. ಆದರೆ, ವೀಕ್ಷಕರ ನಿರೀಕ್ಷೆ ಹುಸಿಯಾಯಿತು. ಮೂರ್ನಾಲ್ಕು ರಿಯಾಲಿಟಿ ಶೋನಲ್ಲಿ ವಿನ್ನರ್ ಆಗುತ್ತಿದ್ದ ಪ್ರಿನ್ಸ್ ನರೂಲಾ ಈ ಶೋನಲ್ಲಿ ಟ್ರಬಲ್ ಮೇಕರ್ ಆಗಿ ಕಾಣಿಸಿಕೊಂಡಿದ್ದರು. ಆದರೂ ಸಹ ಅವರನ್ನು ಹಿಂದಿಕ್ಕಿ ಮುನಾವರ್ ಟ್ರೋಫಿ ತಮ್ಮದಾಗಿಸಿಕೊಳ್ಳುವಲ್ಲಿ ಯಶಸ್ವಿಯಾದರು.

ನನ್ನನ್ನು ಬೇರೊಬ್ಬರ ಜೊತೆ ಮಲಗಿಸಿ ಸೊನಾಕ್ಷಿ ನಾಯಕಿಯಾದಳು! ನಟಿಯ ಆಘಾತಕಾರಿ ಹೇಳಿಕೆ

ಕಾಮಿಡಿ ಟೈಮಿಂಗ್ ಮೂಲಕ ಜನರ ಮನ ಗೆದ್ದ ಫಾರೂಕಿ

ಸ್ಟ್ಯಾಂಡಪ್ ಕಾಮೆಡಿಯನ್ ಆಗಿದ್ದ ಮುನಾವರ್ ಫಾರೂಕಿ ಲಾಕ್‌ ಆಪ್ ರಿಯಾಲಿಟಿ ಶೋ ಗೆಲ್ಲುವ ಮೂಲಕ ಎಲ್ಲರನ್ನುನ ಅಚ್ಚರಿಗೊಳಿದ್ದಾರೆ. ಬಿಜೆಪಿ-ಮೋದಿ ವಿರೋಧಿ ಹೇಳಿಕೆಗಳನ್ನು ನೀಡಿ ಜೈಲುವಾಸ ಅನುಭವಿಸಿದ್ದಲ್ಲದೆ ಹಲವು ಕೇಸ್‌ಗಳನ್ನುನ ಎದುರಿದ್ದ ಮುನಾವರ್‌, ಬಳಿಕ ಈ 'ಲಾಕ್‌ ಆಪ್' ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದ್ದರು. ತಮ್ಮ ಕಾಮಿಡಿ ಟೈಮಿಂಗ್ ಹಾಗೂ ಶೋನಲ್ಲಿ ಅವರ ಅತ್ಯುತ್ತಮ ವ್ಯಕ್ತಿತ್ವ ಜನರ ಮನಸನ್ನು ಗೆದ್ದಿತ್ತು. ಪರಿಣಾಮ ಅಷ್ಟು ಜನ ಬಾಲಿವುಡ್‌ ತಾರೆಯರ ಸ್ಪರ್ಧೆ ನಡುವೆಯೂ ಎಲ್ಲರನ್ನು ಹಿಂದಿಕ್ಕಿ ಮುನಾವರ್‌ ಲಾಕ್ ಆಪ್ ಶೋನ ಟ್ರೋಫಿಯನ್ನು ತಮ್ಮದಾಗಿಸಿಕೊಂಡರು.