ಈ ಫೋಟೋದಲ್ಲಿರೋ ತಾರೆ ಯಾರೆಂದು ಹೇಳಿ?

ತಾರೆ ಐಶ್ವರ್ಯಾ ರೈ ಬಾಲ್ಯದ ಚಿತ್ರಗಳು

ಈಗೇನೋ ಅಭಿನಯದಲ್ಲಿ ಅಭಿನೇತ್ರಿ. ಆಗ ಓದಿನಲ್ಲೂ ಚೂಟಿಯಾಗಿದ್ದರು ಐಶ್ವರ್ಯಾ ರೈ. ಹೈಯರ್ ಸೆಂಕಂಡರಿ ಪರೀಕ್ಷೆಯಲ್ಲಿ ಶೇ.90 ಫಲಿತಾಂಶ ಪಡೆದಿದ್ದರು. ಚಿಕ್ಕಂದಿನಲ್ಲಿ ಆಟಪಾಠಗಳ ಜೊತೆಗೆ ಡಾನ್ಸ್ ಕೂಡ ಕಲಿಯುತ್ತಿದ್ದರು. ಪ್ರಾಣಿಶಾಸ್ತ್ರ ಎಂದರೆ ಪಂಚಪ್ರಾಣ.

ಕಾಜೋಲ್ ಬಾಲ್ಯದಲ್ಲಿ ಸಿಕ್ಕಾಪಟ್ಟೆ ತುಂಟಿ

ಬಾಲ್ಯದಲ್ಲಿ ನಾನು ಸಿಕ್ಕಾಪಟ್ಟೆ ತುಂಟಿಯಾಗಿದ್ದೆ ಎಂದು ಕಾಜೋಲ್ ಅವರೇ ಸ್ವತಃ ಒಮ್ಮೆ ಹೇಳಿಕೊಂಡಿದ್ದರು. ಚಿಕ್ಕಂದಿನಲ್ಲೇ ಇವರ ತಂದೆತಾಯಿ ಬೇರ್ಪಟ್ಟಿದ್ದರೂ ಅದರ ದುಷ್ಪರಿಣಾಮ ಕಾಜೋಲ್ ಎಳ್ಳಷ್ಟೂ ತಟ್ಟದಂತೆ ಬೆಳೆಸಿದರು ಅವರ ಮುತ್ತಜ್ಜಿ. ತನ್ನ ಕಾಲ ಮೇಲೆ ತಾನು ನಿಲ್ಲುವುದನ್ನು ಅವರ ತಾಯಿಯಿಂದ ಕಲಿತರಂತೆ.

ಬ್ಯಾಡ್ಮಿಟನ್ ತಾರೆಯಾಗಬೇಕಿದ್ದ ದೀಪಿಕಾ

ಹೈಸ್ಕೂಲ್ ಓದುತ್ತಿದ್ದ ದಿನಗಳಲ್ಲೇ ದೀಪಿಕಾ ಪಡುಕೋಣೆ ಬ್ಯಾಡ್‌ಮಿಟನ್ ಕ್ರೀಡೆಯಲ್ಲಿ ರಾಜ್ಯಮಟ್ಟದ ಆಟಗಾರ್ತಿಯಾಗಿದ್ದರು. ಆದರೆ ಓದಿನ ಕಡೆ ಹೆಚ್ಚಿನ ಆಸಕ್ತಿ ತೋರಿಸಿದ ಕಾರಣ ಅವರು ತಂದೆಯಂತೆ ರಾಷ್ಟ್ರಮಟ್ಟದ ಬ್ಯಾಡ್ಮಿಟನ್ ತಾರೆಯಾಗಲು ಸಾಧ್ಯವಾಗಲಿಲ್ಲ. ಹುಟ್ಟುದ್ದು ಡೆನ್ಮಾರ್ಕ್ ನ ಕೋಪೆನ್ ಹೇಗನ್ ನಲ್ಲಾದರೂ ವಿದ್ಯಾಭ್ಯಾಸ ಪೂರೈಸಿದ್ದು ಬೆಂಗಳೂರಿನಲ್ಲಿ.

ಕಾಲೇಜು ಮೆಟ್ಟಿಲು ಹತ್ತಲೇ ಇಲ್ಲ ಕತ್ರಿನಾ

ಕತ್ರೀನಾ ಇನ್ನೂ ಚಿಕ್ಕವಳಿದ್ದಾಗಲೇ ತಂದೆ-ತಾಯಿ ಬೇರೆಯಾದರು. ತನ್ನ ಹದಿನಾಲ್ಕನೇ ವಯಸ್ಸಿನಲ್ಲೇ ಮಾಡೆಲಿಂಗ್ ಕ್ಷೇತ್ರಕ್ಕೆ ಅಡಿಯಿಟ್ಟರು. ಮನೆಯ ಅಸ್ಥಿರ-ಪರಿಸ್ಥಿತಿ ಮತ್ತು ಬಿಡುವಿಲ್ಲದ ವಾತಾವರಣದಿಂದಾಗಿ, ಸ್ಕೂಲ್ ನಂತರ ಕಾಲೇಜು ಮೆಟ್ಟಿಲು ಹತ್ತಲೇ ಇಲ್ಲ.

ವಾಲಿಬಾಲ್ ಕ್ರೀಡೆಯಲ್ಲಿ ಪಳಗಿದ್ದ ಶಿಲ್ಪಾ

ಶಾಲಾ ದಿನಗಳಲ್ಲೇ ಶಿಲ್ಪಾ ಶೆಟ್ಟಿ ವಾಲಿಬಾಲ್ ಕ್ರೀಡೆಯಲ್ಲಿ ಪಳಗಿದ್ದರು. ಕರಾಟೆಯಲ್ಲಿ ಬ್ಲ್ಯಾಕ್ ಬೆಲ್ಟ್ ಕೂಡ ಆಗಿತ್ತು. ಇನ್ನು ಭರತನಾಟ್ಯದಲ್ಲೂ ತರಬೇತಿ ಪಡೆದಿದ್ದರು. ಬಾಲ್ಯದಲ್ಲೇ ಇಷ್ಟೆಲ್ಲಾ ಕಲೆಗಳಲ್ಲಿ ಪರಿಣಿತಳಾಗಿದ್ದ ಶಿಲ್ಪಾ ಚಿತ್ರರಂಗಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದಾರೆ.