ಬಾಲಿವುಡ್ ಬಾಕ್ಸ್ ಆಫೀಸ್ ಫೈಟ್: ಸ್ಟಾರ್ ಚಿತ್ರಗಳ ನಡುವೆ ಮೆಗಾವಾರ್

ಪೃಥ್ವಿರಾಜ್ Vs ಜೆರ್ಸಿ

ಅಕ್ಷಯ್ ಕುಮಾರ್ ನಟನೆಯಲ್ಲಿ ತಯಾರಾಗಿರುವ ಐತಿಹಾಸಿಕ ಸಿನಿಮಾ 'ಪೃಥ್ವಿರಾಜ್' ನವೆಂಬರ್ 5ಕ್ಕೆ ತೆರೆಗೆ ಬರಲಿದೆ. ಅದೇ ದಿನ ಶಾಹೀದ್ ಕಪೂರ್ ನಟನೆಯ 'ಜೆರ್ಸಿ' ಸಿನಿಮಾನೂ ಬಿಡುಗಡೆಯಾಗಲಿದೆ. ಅಲ್ಲಿಗೆ ಬಾಕ್ಸ್ ಆಫೀಸ್‌ನಲ್ಲಿ ಅಕ್ಷಯ್ ಕಮಾರ್ ವರ್ಸಸ್ ಶಾಹೀದ್ ಕಪೂರ್ ಫೈಟ್ ಮಾಡುವಂತಾಯಿತು.

ಅಣ್ಣಾತ್ತೆ ಚಿತ್ರವೂ ಎಂಟ್ರಿ

ಸೂಪರ್ ಸ್ಟಾರ್ ರಜನಿಕಾಂತ್ ಅಭಿನಯ 'ಅಣ್ಣಾತ್ತೆ' ಚಿತ್ರವೂ ನವೆಂಬರ್ 5 ರಂದೇ ತೆರೆಕಾಣುತ್ತಿದೆ. ಸದ್ಯಕ್ಕೆ ಈ ಸಿನಿಮಾ ಹಿಂದಿಯಲ್ಲಿ ರಿಲೀಸ್ ಮಾಡುವುದರ ಬಗ್ಗೆ ಮಾಹಿತಿ ಇಲ್ಲ. ನೇರವಾಗಿ ತಮಿಳಿನಲ್ಲಿ ಮಾತ್ರ ಬಿಡುಗಡೆಯಾಗುತ್ತಿದೆ. ಒಂದು ವೇಳೆ ಹಿಂದಿಯಲ್ಲಿ ಸಿನಿಮಾ ಬಂದರೆ ಅಕ್ಷಯ್ ಕುಮಾರ್ ಮತ್ತು ಶಾಹೀದ್ ಕಪೂರ್ ಜೊತೆ ರಜನಿ ಸಹ ಬಾಕ್ಸ್ ಆಫೀಸ್‌ನಲ್ಲಿ ಫೈಟ್ ಮಾಡಲಿದ್ದಾರೆ.

ಸಲ್ಮಾನ್ ಖಾನ್-ಜಾನ್ ಅಬ್ರಾಹಂ

ಈದ್ ಹಬ್ಬದ ಪ್ರಯುಕ್ತ ಸಲ್ಮಾನ್ ಖಾನ್ ನಟನೆಯ 'ರಾಧೇ' ಸಿನಿಮಾ ಬಿಡುಗಡೆಯಾಗಲಿದೆ ಎಂದು ಹೇಳಲಾಗಿದೆ. ಮೇ 12 ರಂದು 'ರಾಧೇ' ತೆರೆಕಾಣಲಿದೆ. ಅದೇ ದಿನ ಜಾನ್ ಅಬ್ರಾಹಂ ನಟನೆಯ 'ಸತ್ಯಮೇವ ಜಯತೆ-2' ಸಿನಿಮಾನೂ ರಿಲೀಸ್ ಆಗುತ್ತಿದೆ.

ಆರ್‌ಆರ್‌ಆರ್ ವರ್ಸಸ್ ಮೈದಾನ್

ಎಸ್‌ಎಸ್‌ ರಾಜಮೌಳಿ ನಿರ್ದೇಶನದ 'ಆರ್‌ಆರ್‌ಆರ್‌' ಸಿನಿಮಾ ದಸರಾ ಹಬ್ಬದ ಪ್ರಯುಕ್ತ ಅಕ್ಟೋಬರ್ 13 ರಂದು ಬಿಡುಗಡೆಯಾಗುತ್ತಿದೆ. ಅದೇ ವಾರ ಅಂದ್ರೆ ಅಕ್ಟೋಬರ್ 15 ರಂದು ಅಜಯ್ ದೇವಗನ್ ನಟನೆಯ 'ಮೈದಾನ್' ಸಿನಿಮಾ ತೆರೆಕಾಣಲಿದೆ. ಆರ್‌ಆರ್‌ಆರ್ ಸಿನಿಮಾ ಹಿಂದಿಯಲ್ಲೂ ರಿಲೀಸ್ ಆಗುತ್ತಿದೆ.