ಬೀಚ್‌ನಲ್ಲಿ ಬೆತ್ತಲೆ ಓಡಿದ ಮಿಲಿಂದ್ ಸೋಮನ್ ವಿರುದ್ಧ ಎಫ್‌ಐಆರ್

ಬೀಚ್‌ನಲ್ಲಿ ನಗ್ನ ಓಟ ನಡೆಸಿದ್ದ ಮಿಲಿಂದ್ ಸೊಮನ್

ಮಿಲಿಂದ್ ಸೊಮನ್, ನವೆಂಬರ್ 4 ರಂದು ತಮ್ಮ 55 ನೇ ಹುಟ್ಟುಹಬ್ಬದಂದು, ಗೋವಾದ ಬೀಚ್‌ನಲ್ಲಿ ಜಾಗಿಂಗ್ ಮಾಡಿದ್ದರು. ಆಗ ಬೆತ್ತಲೆಯಾಗಿ ಬೀಚ್‌ ನಲ್ಲಿ ಓಡಿದ್ದ ಮಿಲಿಂದ್ ಚಿತ್ರವನ್ನು ಅವರ ಪತ್ನಿ ಅಂಕಿತಾ ಸೆರೆ ಹಿಡಿದಿದ್ದರು. ಅದೇ ಚಿತ್ರವನ್ನು ಮಿಲಿಂದ್ ಇನ್‌ಸ್ಟಾಗ್ರಾಂ ನಲ್ಲಿ ಹಂಚಿಕೊಂಡಿದ್ದರು.

ಪೂನಂ ಪಾಂಡೆಯನ್ನು ಬಂಧಿಸಿದ್ದ ಗೋವಾ ಪೊಲೀಸ್

ಮಿಲಿಂದ್ ಘಟನೆ ಆದ ನಂತರ ನಟಿ ಪೂನಂ ಪಾಂಡೆ, ಅಶ್ಲೀಲ ವಿಡಿಯೋ ಚಿತ್ರೀಕರಣ ಮಾಡಿದ್ದಾರೆ ಎಂಬ ಆರೋಪದ ಮೇರೆಗೆ ಅವರನ್ನು ಗೋವಾ ಪೊಲೀಸರು ಬಂಧಿಸಿದ್ದರು. ಆಗ ಮಿಲಿಂದ್ 'ನಗ್ನ ಓಟ'ವೂ ಚರ್ಚೆಗೆ ಬಂದಿತ್ತು.

ನವೆಂಬರ್ 5 ರಂದು ಬಂಧನ, 6 ಕ್ಕೆ ಜಾಮೀನು

ಪೂನಂ ಪಾಂಡೆ ಹಾಗೂ ಆಕೆಯ ಪತಿ ನಿಷೇಧಿತ ಪ್ರದೇಶದಲ್ಲಿ ಅಶ್ಲೀಲ ವಿಡಿಯೋ ಚಿತ್ರೀಕರಣ ಮಾಡಿದ್ದಾರೆಂದು ಇಬ್ಬರನ್ನೂ ನವೆಂಬರ್ 5 ರಂದು ಗೋವಾ ಪೊಲೀಸರು ಬಂಧಿಸಿದ್ದರು. ನಂತರ ನವೆಂಬರ್ ಆರರಂದು ಇಬ್ಬರಿಗೂ ಜಾಮೀನು ದೊರಕಿದೆ.

ಮಿಲಿಂದ್ ಅನ್ನು ಬಂಧಿಸುತ್ತಾರೆಯೇ ಪೊಲೀಸರು?

ಪೂನಂ ಪಾಂಡೆ ಬಂಧನಕ್ಕೊಳಗಾದಾಗ, ನಗ್ನವಾಗಿ ಬೀಚ್‌ನಲ್ಲಿ ಓಡಿದ ಮಿಲಿಂದ್ ಅನ್ನೂ ಬಂಧಿಸಬೇಕು ಎಂಬ ಒತ್ತಾಯ ಕೇಳಿಬಂದಿತ್ತು. ಈಗ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ಮಿಲಿಂದ್ ಅನ್ನು ಬಂಧಿಸುತ್ತಾರೆಯೋ ಇಲ್ಲವೋ ಕಾದು ನೋಡಬೇಕಿದೆ.