ರಿಯಾ ಚಕ್ರವರ್ತಿ ವಿರುದ್ಧ ಸಿಬಿಐ ಎಫ್‌ಐಆರ್, ಇಡಿ ಇಂದ ನೋಟಿಸ್

ಬಿಹಾರ ಪೊಲೀಸರ ದೂರು ಆಧರಿಸಿ ಎಫ್‌ಐಆರ್

ಬಿಹಾರ ಪೊಲೀಸರ ಮನವಿ ಆಧರಿಸಿ ಪ್ರಕರಣವನ್ನು ಸಿಬಿಐಗೆ ವಹಿಸಲಾಗಿದ್ದು. ಬಿಹಾರ ಪೊಲೀಸರ ದೂರನ್ನು ಆಧರಿಸಿಯೇ ರಿಯಾ ಚಕ್ರವರ್ತಿ ಹಾಗೂ ಅವರ ಕುಟುಂಬದವರ ವಿರುದ್ಧ ದೂರು ಸಿಬಿಐ ಎಫ್‌ಐಆರ್ ದಾಖಲಿಸಿದೆ.

ಸಿಬಿಐನ ವಿಶೇಷ ತಂಡದಿಂದ ತನಿಖೆ

ವಿಜಯ್ ಮಲ್ಯ ಪ್ರಕರಣ, ಆಗಸ್ಟಾ ವೆಸ್ಟ್‌ಲ್ಯಾಂಡ್ ಪ್ರಕರಣ ತನಿಖೆ ನಡೆಸುತ್ತಿರುವ ಸಿಬಿಐನ ವಿಶೇಷ ತನಿಖಾ ತಂಡ (ಎಸ್‌ಐಟಿ) ವೇ ಸುಶಾಂತ್ ಸಿಂಗ್ ಆತ್ಮಹತ್ಯೆ ಪ್ರಕರಣವನ್ನೂ ಸಹ ತನಿಖೆ ಮಾಡಲಿದೆ.

ಇಡಿ ಸಹ ಸಮನ್ಸ್ ನೀಡಿದೆ

ಸುಶಾಂತ್ ಖಾತೆಯಿಂದ ಕೋಟ್ಯಂತರ ಮೊತ್ತದ ಹಣ ರಿಯಾ ಖಾತೆಗೆ ವರ್ಗಾವಣೆ ಆಗಿದೆ ಎಂಬ ಮಾಹಿತಿ ಆಧರಿಸಿ ಪ್ರಕರಣದಲ್ಲಿ ಆಸಕ್ತಿ ತೋರಿರುವ ಜಾರಿ ನಿರ್ದೇಶನಾಲಯ ಸಹ ರಿಯಾ ಗೆ ನೊಟೀಸ್ ಜಾರಿ ಮಾಡಿದ್ದು, ಶೀಘ್ರವೇ ವಿಚಾರಣೆಗೆ ಹಾಜರಾಗುವಂತೆ ಹೇಳಿದೆ.

ತನಿಖಾಧಿಕಾರಿಗೆ ಕ್ವಾರಂಟೈನ್

ಸುಶಾಂತ್ ಪ್ರಕರಣದ ವಿಚಾರಣೆಗೆಂದು ಮುಂಬೈಗೆ ಬಂದ ಐಪಿಎಸ್ ವಿನಯ್ ತಿವಾರಿಯನ್ನು ಮುಂಬೈ ಮಹಾನಗರ ಪಾಲಿಕೆಯವರು ಹೋಂ ಕ್ವಾರಂಟೈನ್‌ಗೆ ಹಾಕಿದ್ದಾರೆ. ಇದನ್ನು ವಿನಯ್ತಿವಾರಿ ತೀವ್ರವಾಗಿ ಖಂಡಿಸಿದ್ದಾರೆ. ಉದ್ದೇಶಪೂರ್ವಕವಾಗಿ ನನ್ನನ್ನು ಕ್ವಾರಂಟೈನ್‌ಗೆ ಹಾಕಲಾಗಿದೆ ಎಂದಿದ್ದಾರೆ.