ಶಾಲಾ ಪರೀಕ್ಷೆಯಲ್ಲಿ ಕರೀನಾ ಕಪೂರ್ ಪುತ್ರನ ಬಗ್ಗೆ ಪ್ರಶ್ನೆ: ಇದೇನು ಪ್ರಶ್ನೆ ಕೇಳಿದ್ದಾರೆ?

ಸೈಫ್​ ಅಲಿ ಖಾನ್, ಕರೀನಾ ಕಪೂರ್​ ಪುತ್ರನ ಪೂರ್ತಿ ಹೆಸರೇನು:

ಮಧ್ಯಪ್ರದೇಶದ ಖಾಸಗಿ ಶಾಲೆಯಲ್ಲಿ ಪರೀಕ್ಷಾ ಪ್ರಶ್ನೆ ಪತ್ರಿಕೆಯಲ್ಲಿ ಸೈಫ್‌ ಅಲಿ ಖಾನ್ ಮತ್ತು ಕರೀನಾ ಪುತ್ರನ ಹೆಸರಿನ ಬಗ್ಗೆ ಎಂದು ಪ್ರಶ್ನೆ ಕೇಳಲಾಗಿದೆ. ಶಾಲೆಯ 6ನೇ ತರಗತಿ ಮಕ್ಕಳಿಗೆ 'ಸಾಮಾನ್ಯ ಜ್ಞಾನ' ವಿಷಯದ ಪರೀಕ್ಷೆ ನಡೆಸಲಾಗಿದೆ. ಅದರಲ್ಲಿ ಕೇಳಲಾದ ಪ್ರಶ್ನೆ ಈ ರೀತಿ ಇದೆ. ''ಸೈಫ್​ ಅಲಿ ಖಾನ್​ ಮತ್ತು ಕರೀನಾ ಕಪೂರ್ ಖಾನ್​ ಪುತ್ರನ ಪೂರ್ತಿ ಹೆಸರು ಬರೆಯಿರಿ". ಪರೀಕ್ಷೆ ಬಳಿಕ ಈ ಪ್ರಶ್ನೆ ಪ್ರತಿಕೆಯ ಫೋಟೋ ಈಗ ವೈರಲ್‌ ಆಗಿದೆ.

ಈ ಪ್ರಶ್ನೆ ಕೊಟ್ಟ ಶಾಲೆಗೆ ಹಲವರ ವಿರೋಧ!

ಮಕ್ಕಳು ಪುಸ್ತಕದಲ್ಲಿ ಇರುವುದನ್ನು ಓದಿಕೊಂಡು ಪರೀಕ್ಷೆಗೆ ಸಜ್ಜಾಗಿರುತ್ತಾರೆ. ಆದರೆ ಸಾಮಾನ್ಯ ಜ್ಞಾನ ಪರೀಕ್ಷೆ ಎನ್ನುವ ಕಾರಣಕ್ಕೆ ಈ ರೀತಿಯ ಪ್ರಶ್ನೆ ಕೇಳಲಾಗಿದೆ. ಈ ರೀತಿಯ ಪ್ರಶ್ನೆ ಕೊಟ್ಟ ಶಾಲಾ ಮಂಡಳಿ ವಿರುದ್ಧ ಪೋಷಕ ಬಣ ವಿರೋಧ ವ್ಯಕ್ತ ಪಡಿಸಿದೆ. ಮಕ್ಕಳಿಗೆ ಈ ರೀತಿ ಪ್ರಶ್ನೆ ಕೇಳಿರುವ ಶಾಲೆಯ ವಿರುದ್ಧ ಅನೇಕರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.

ಅಪ್ಪ ಅಮ್ಮನಂತೆ ಫೇಮಸ್‌ ತೈಮೂರ್!

ಕರೀನಾ ಕಪೂರ್​ ಖಾನ್​ ಮತ್ತು ಸೈಫ್​ ಅಲಿ ಖಾನ್​ ದಂಪತಿಯ ಮೊದಲ ಪುತ್ರ ತೈಮೂರ್​ ಅಲಿ ಖಾನ್​ ಹೆಚ್ಚು ಫೇಮಸ್​ ಆಗಿದ್ದಾನೆ. ಅಪ್ಪ ಅಮ್ಮನಂತೆ ತೈಮೂರ್‌ ಕೂಡ ಸಿಕ್ಕಾಪಟ್ಟೆ ಜನಪ್ರಿಯ. ಈ ಚಿಕ್ಕ ವಯಸ್ಸಿನಲ್ಲಿಯೇ ತೈಮೂರ್‌ಗೆ ಅಭಿಮಾನಿಗಳು ಕೂಡ ಇದ್ದಾರೆ. ಆತನ ಫೋಟೋ ಮತ್ತು ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಸದಾ​ ವೈರಲ್​ ಆಗುತ್ತವೆ. ಸೈಫ್​-ಕರೀನಾ ದಂಪತಿ ತಮ್ಮ ಮಗನ ಬಗ್ಗೆ ಆಗಾಗ ಅಪ್​ಡೇಟ್​ ನೀಡುತ್ತ ಇರುತ್ತಾರೆ. ಹಾಗಾಗಿ ಶಾಲೆಯೊಂದರ ಪರೀಕ್ಷೆಯಲ್ಲೂ ತೈಮೂರ್​ ಅಲಿ ಖಾನ್​ ಬಗ್ಗೆ ಪ್ರಶ್ನೆ ಕೇಳಲಾಗಿದೆ.

ತೈಮೂರ್‌ ಬೊಂಬೆಗೆ ಇತ್ತು ಸಿಕ್ಕಾಪಟ್ಟೆ ಬೇಡಿಕೆ!

ತೈಮೂರ್‌ ಅಲಿ ಖಾನ್‌ ಕರೀನಾ ಕಪೂರ್ ಮತ್ತು ಸೈಫ್ ಅಲಿ ಖಾನ್‌ ಅವರ ಮೊದಲ ಪುತ್ರ. ಹಾಗಾಗಿ ಈ ಮಗು ಹುಟ್ಟಿದಾಗ ಅವರ ಅಭಿಮಾನಿಗಳು ಮಗುವನ್ನು ನೋಡಲು ಕಾತರರಾಗಿದ್ದಾರು. ಅಲ್ಲದೇ ಮಗುವಿನ ಮೊದಲ ಫೋಟೊ ಕೂಡ ವೈರಲ್ ಆಗಿತ್ತು. ಬಳಿಕ ಮಾರುಕಟ್ಟೆಯಲ್ಲಿ ತೈಮೂರ್‌ನನ್ನು ಹೋಲುವ ಬೊಂಬೆ ಮಾರುಕಟ್ಟೆಗೆ ಬಂದು. ತೈಮೂರ್‌ ರೀತಿಯ ಬೊಂಬೆಗೆ ಮಾರುಕಟ್ಟೆಯಲ್ಲಿ ಸಾಕಷ್ಟು ಬೇಡಿಕೆ ಕೂಡ ಇತ್ತು.