Don't Miss!
- News Rain Alert: ಹಲವು ಜಿಲ್ಲೆಗಳಲ್ಲಿ ಭಾರಿ ಮಳೆ: ಈ ಜಿಲ್ಲೆಗಳಲ್ಲಿ ಭಾರಿ ಬಿಸಿಲು
- Sports DC vs GT IPL 2024: ಅಕ್ಷರ್, ಪಂತ್ ಭರ್ಜರಿ ಬ್ಯಾಟಿಂಗ್; ಗುಜರಾತ್ಗೆ ಸವಾಲಿನ ಗುರಿ ನೀಡಿದ ಡೆಲ್ಲಿ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿವಾದಕ್ಕೆ ಕಾರಣವಾಯ್ತು 'ಸಂಜು' ಚಿತ್ರದಲ್ಲಿನ ಟಾಯ್ಲೆಟ್ ಸೀನ್.!
'ಖಳನಾಯಕ್' ಸಂಜಯ್ ದತ್ ಜೀವನವನ್ನಾಧರಿಸಿದ 'ಸಂಜು' ಚಿತ್ರದ ಟ್ರೈಲರ್ ಬಾಲಿವುಡ್ ಅಂಗಳದಲ್ಲಿ ದೊಡ್ಡ ಸಂಚಲನ ಉಂಟು ಮಾಡಿತು. ಈಗ ಅದೇ ಟ್ರೈಲರ್ ನಲ್ಲಿ ಇರುವ ಒಂದು ಅಂಶ ಇದೀಗ ವಿವಾದಕ್ಕೆ ಕಾರಣವಾಗಿದೆ.
ನಾಯಕ ರಣ್ಬೀರ್ ಕಪೂರ್ ಜೈಲಿನಲ್ಲಿ ಇರುವಾಗ ಟಾಯ್ಲೆಟ್ ನಲ್ಲಿ ಲೀಕೇಜ್ ಆಗುವ ಒಂದು ಸನ್ನಿವೇಶ 'ಸಂಜು' ಚಿತ್ರದ ಟ್ರೈಲರ್ ನಲ್ಲಿದೆ. ಇದೇ ಸೀನ್ ಗೆ ಆಕ್ಷೇಪಣೆ ವ್ಯಕ್ತಪಡಿಸಿ, ಪೃಥ್ವಿ ಮಾಸ್ಕೆ ಎಂಬುವರು ಸಿ.ಬಿ.ಎಫ್.ಸಿ (ಸೆಂಟ್ರಲ್ ಬೋರ್ಡ್ ಆಫ್ ಫಿಲ್ಮ್ ಸರ್ಟಿಫಿಕೇಷನ್)ಗೆ ದೂರು ಕೊಟ್ಟಿದ್ದಾರೆ.
ಬಟಾ ಬಯಲಾಗಲಿದೆ ಸಂಜಯ್ ದತ್ ಬದುಕಿನ ರೋಚಕ ಸತ್ಯಗಳು.!
''ನಟ ಸಂಜಯ್ ದತ್ ಜೈಲಿನಲ್ಲಿ ಇರುವ ಟಾಯ್ಲೆಟ್ ಓವರ್ ಫ್ಲೋ ಆಗುವ ಸನ್ನಿವೇಶ 'ಸಂಜು' ಚಿತ್ರದಲ್ಲಿದೆ. ನಮಗೆ ಇರುವ ಮಾಹಿತಿ ಪ್ರಕಾರ, ಪ್ರತಿಯೊಂದು ಸೆಲ್ ನೂ ಸರ್ಕಾರ ಹಾಗೂ ಕಾರಾಗೃಹ ಅಧಿಕಾರಿಗಳು ಕಾಳಜಿಯಿಂದ ನೋಡಿಕೊಳ್ಳುತ್ತಾರೆ. ಟಾಯ್ಲೆಟ್ ಲೀಕ್ ಆಗುವ ಘಟನೆಯನ್ನ ನಾವು ಎಲ್ಲಿಯೂ ಕೇಳಿಲ್ಲ. ಗ್ಯಾಂಗ್ ಸ್ಟರ್ ಕುರಿತಾದ ಸಿನಿಮಾಗಳು ಈ ಹಿಂದೆ ಬಿಡುಗಡೆ ಆದಾಗಲೂ, ಕಾರಾಗೃಹದ ಬಗ್ಗೆ ಇಂತಹ ಸೀನ್ ಗಳನ್ನು ಎಲ್ಲಿಯೂ ತೋರಿಸಿಲ್ಲ''
''ಟಾಯ್ಲೆಟ್ ಓವರ್ ಫ್ಲೋ ಆಗುವ ಸನ್ನಿವೇಶದಿಂದ ಕಾರಾಗೃಹದ ಅಧಿಕಾರಿಗಳ ಬಗ್ಗೆ ಕೆಟ್ಟ ಸಂದೇಶ ರವಾನೆ ಆಗುತ್ತದೆ. ಈ ಬಗ್ಗೆ ನೀವು ಸೂಕ್ತ ಕ್ರಮ ಕೈಗೊಳ್ಳದೇ ಇದ್ದರೆ, ಬೇರೆ ದಾರಿ ಇಲ್ಲದೆ ಚಿತ್ರ ಬಿಡುಗಡೆಗೆ ತಡೆ ಕೋರಿ ಕೋರ್ಟ್ ಮೊರೆ ಹೋಗುತ್ತೇವೆ'' ಎಂದು ಪೃಥ್ವಿ ಮಾಸ್ಕೆ ಎಂಬುವರು ಸಿ.ಬಿ.ಎಫ್.ಸಿಗೆ ಪತ್ರ ಬರೆದಿದ್ದಾರೆ.
ಸುನೀಲ್ ದತ್ ಹಾಗೂ ನರ್ಗಿಸ್ ದತ್ ಎಂಬ ಪ್ರಖ್ಯಾತ ತಾರೆಯರ ಪುತ್ರನಾಗಿ ಹುಟ್ಟಿ, ಸುಖದ ಸುಪ್ಪತ್ತಿಗೆಯಲ್ಲಿ ಬೆಳೆದು, ನಟನಾಗಿ ವೃತ್ತಿ ಜೀವನ ಆರಂಭಿಸಿದ ಸಂಜಯ್ ದತ್, ಮುಂಬೈ ಸರಣಿ ಬಾಂಬ್ ಬ್ಲಾಸ್ಟ್ ಪ್ರಕರಣದಲ್ಲಿ ಜೈಲು ಪಾಲಾದರು.
ಜೈಲಿನಲ್ಲಿ ನಟ ಸಂಜಯ್ ದತ್ ಕಳೆದ ದಿನಗಳು, ನಟಿಯರ ಜೊತೆಗಿನ ಅವರ ಸಂಬಂಧಗಳು... ಹೀಗೆ ಸಂಜಯ್ ದತ್ ಜೀವನದ ಪ್ರಮುಖ ಘಟ್ಟಗಳೇ 'ಸಂಜು' ಚಿತ್ರದ ಕಥಾಹಂದರ. ಜೂನ್ 29 ರಂದು 'ಸಂಜು' ಸಿನಿಮಾ ಬಿಡುಗಡೆ ಆಗಲಿದೆ.