ಲೈಂಗಿಕ ಕಾರ್ಯಕರ್ತರ ಬಗ್ಗೆ ಅವಹೇಳನ: ವಿವಾದದಲ್ಲಿ ಸಿಲುಕಿದ 'ಸಂಜು'!

Recommended Video

ಬಾಲಿವುಡ್ ನಟ ಸಂಜಯ್ ದತ್ ರವರ ಜೀವನಾಧಾರಿತ ಸಿನಿಮಾ 'ಸಂಜು' ಬಿಡುಗಡೆಗೆ ದಿನಗಣನೆ ಶುರುವಾಗಿದೆ. ಇನ್ನೆರಡು ದಿನಗಳಲ್ಲಿ 'ಸಂಜು' ದೇಶದಾದ್ಯಂತ ರಿಲೀಸ್ ಆಗಲಿದೆ. ಹೀಗಿರುವಾಗಲೇ, 'ಸಂಜು' ಚಿತ್ರದ ವಿರುದ್ಧ ದೂರು ದಾಖಲಾಗಿದೆ.

ಈಗಾಗಲೇ ಬಿಡುಗಡೆ ಆಗಿರುವ 'ಸಂಜು' ಚಿತ್ರದ ಟ್ರೈಲರ್ ನ ನೀವು ಸೂಕ್ಷ್ಮವಾಗಿ ಗಮನಿಸಿದ್ರೆ, ಈ ಡೈಲಾಗ್ ನಿಮಗೆ ಖಂಡಿತ ನೆನಪಿರುತ್ತೆ:-

ಲೇಖಕಿ - ''ನಿಮ್ಮ ಹೆಂಡತಿಯನ್ನು ಹೊರತು ಪಡಿಸಿ ಎಷ್ಟು ಹೆಣ್ಮಕ್ಕಳ ಜೊತೆಗೆ ನೀವು ಮಂಚ ಹಂಚಿಕೊಂಡಿದ್ದೀರಾ.?''

ಸಂಜು - ''ವೇಶ್ಯೆಯರನ್ನು ಹೊರತು ಪಡಿಸಿ 308''

ಇದೇ ಡೈಲಾಗ್ ಸದ್ಯ ವಿವಾದಕ್ಕೆ ಕಾರಣವಾಗಿದೆ. 'ಸಂಜು' ಸಿನಿಮಾದಲ್ಲಿ ವೇಶ್ಯೆಯರ ಬಗ್ಗೆ ಅವಹೇಳನ ಮಾಡಲಾಗಿದೆ ಎಂದು ರಾಷ್ಟ್ರೀಯ ಮಹಿಳಾ ಆಯೋಗಕ್ಕೆ ಲೈಂಗಿಕ ಕಾರ್ಯಕರ್ತರು ದೂರು ನೀಡಿದ್ದಾರೆ.

'ಸಂಜು' ಬಿಡುಗಡೆಯ ಹೊಸ್ತಿಲಲ್ಲಿ ಇರುವಾಗಲೇ, ಸೆಕ್ಸ್ ವರ್ಕರ್ಸ್ ಕೊಟ್ಟಿರುವ ದೂರು ನಿರ್ದೇಶಕ ರಾಜಕುಮಾರ್ ಹಿರಾನಿಗೆ ತಲೆನೋವು ತಂದಿದೆ. ಈ ವಿವಾದ ನೀರು ಕುಡಿದಷ್ಟೇ ಸಲೀಸಾಗಿ ಬಗೆಹರಿಯುತ್ತಾ, ಇಲ್ಲ ಬಿಡುಗಡೆಗೆ ತೊಡಕು ಉಂಟು ಮಾಡುತ್ತಾ, ನೋಡ್ಬೇಕು.