For Quick Alerts
    ALLOW NOTIFICATIONS  
    For Daily Alerts

    'ಚಪಾಕ್' ಚಿತ್ರದ 920 ಟಿಕೆಟ್ ಪಡೆದ ಕಾಂಗ್ರೆಸ್ ನಾಯಕ

    |

    ಜೆ ಎನ್ ಯು ವಿದ್ಯಾರ್ಥಿಗಳ ಮೇಲೆ ಮುಸುಕುದಾರಿ ತಂಡ ಮಾಡಿದ್ದ ದಾಳಿಯನ್ನ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಖಂಡಿಸಿದ್ದರು. ಖುದ್ದು ಜೆ ಎನ್ ಯು ಕ್ಯಾಂಪಸ್ ಗೆ ಭೇಟಿ ನೀಡಿ ಪ್ರತಿಭಟನೆಯಲ್ಲಿ ಭಾಗಿಯಾಗಿದ್ದರು.

    ಜೆ ಎನ್ ಯು ವಿದ್ಯಾರ್ಥಿಗಳ ಪರ ಬಹಿರಂಗವಾಗಿ ದನಿ ಎತ್ತಿದ ದೀಪಿಕಾ ಪಡುಕೋಣೆಯ ನಿರ್ಧಾರವನ್ನು ಹಲವು ಸ್ವಾಗತಿಸಿದರು. ಹಲವರು ವಿರೋಧಿಸಿದರು. ದೀಪಿಕಾ ಜೆ ಎನ್ ಯು ಪ್ರವೇಶ ರಾಷ್ಟ್ರಮಟ್ಟದಲ್ಲಿ ದೊಡ್ಡ ಚರ್ಚೆಗೆ ಕಾರಣ ಆಯ್ತು.

    Chhapaak Review: ಅದ್ಭುತ ಸಿನಿಮಾ, ಅತ್ಯದ್ಭುತ ನಟನೆ Chhapaak Review: ಅದ್ಭುತ ಸಿನಿಮಾ, ಅತ್ಯದ್ಭುತ ನಟನೆ

    ಇದರ ಪರಿಣಾಮ ಕೆಲವು ಬಿಜೆಪಿ ನಾಯಕರು ದೀಪಿಕಾ ಪಡುಕೋಣೆ ನಟನೆಯ ಚಪಾಕ್ ಚಿತ್ರವನ್ನು ವಿರೋಧಿಸಿದರು. ಬಿಡುಗಡೆ ಮಾಡಲು ಅವಕಾಶ ಮಾಡಿಕೊಡಬಾರದು ಎಂದು ಕಿಡಿಕಾರಿದರು. ಪ್ರಮುಖ ದೆಹಲಿ ಬಿಜೆಪಿ ಮುಖಂಡರು ಚಪಾಕ್ ಬಹಿಷ್ಕರಿಸಲು ಕರೆ ನೀಡಿದರು. ಇದಕ್ಕೆ ಪ್ರತಿಯಾಗಿ ದೆಹಲಿ ಕಾಂಗ್ರೆಸ್ ಕಾರ್ಯಕತರು ದೀಪಿಕಾ ಪಡುಕೋಣೆ ಪರವಾಗಿ ಬೆಂಬಲವಾಗಿ ನಿಂತರು .

    ಚಪಾಕ್ ಚಿತ್ರವನ್ನ ಬೆಂಬಲಿಸುವ ಉದ್ದೇಶದಿಂದ ಇಡೀ ಶೋ ಬುಕ್ ಮಾಡಿ ವಿದ್ಯಾರ್ಥಿಗಳಿಗೆ ಉಚಿತವಾಗಿ ಸಿನಿಮಾ ತೋರಿಸಿದ್ದಾರೆ. ಶುಕ್ರವಾರ ಮಧ್ಯಾಹ್ನದ ಶೋ ಒಂದರ ಒಟ್ಟು 920 ಟಿಕೆಟ್ ಅನ್ನು ಕಾಂಗ್ರೆಸ್ ನಾಯಕರು ಖರೀದಿಸಿ ವಿದ್ಯಾರ್ಥಿಗಳಿಗೆ ಉಚಿತವಾಗಿ ನೀಡಿದ್ದಾರೆ.

    'ಚಪಾಕ್' ಮೊದಲ ದಿನದ ಬಾಕ್ಸ್ ಆಫೀಸ್ ಕಲೆಕ್ಷನ್ ತೀರಾ ಕಡಿಮೆ 'ಚಪಾಕ್' ಮೊದಲ ದಿನದ ಬಾಕ್ಸ್ ಆಫೀಸ್ ಕಲೆಕ್ಷನ್ ತೀರಾ ಕಡಿಮೆ

    ಈ ಕುರಿತು ಮಾಜಿ ಕೇಂದ್ರ ಸಚಿವ ಶಶಿ ತರೂರ್ ಮಾತನಾಡಿದ್ದು ''ದೀಪಿಕಾ ಪಡುಕೋಣೆಯನ್ನು ಬೆಂಬಲಿಸುವ ಉದ್ದೇಶದಿಂದ ಟಿಕೆಟ್ ಖರೀದಿಸಿ ವಿದ್ಯಾರ್ಥಿಗಳಿಗೆ ನೀಡಲಾಗಿದೆ. ವಿದ್ಯಾರ್ಥಿಗಳ ಜೊತೆ ನಿಲ್ಲುವ ಧೈರ್ಯ ತೋರದವರಿಂದ ನಾವು ಯಾವುದೇ ಬಹಿಷ್ಕಾರವನ್ನು ಬಯಸುವುದಿಲ್ಲ'' ಎಂದು ಹೇಳಿದ್ದಾರೆ.

    ನಿರೀಕ್ಷೆಯಂತೆ ಚಪಾಕ್ ಸಿನಿಮಾ ತೆರೆಕಂಡಿದೆ. ಹಲವು ಕಡೆ ಉತ್ತಮ ಒಪನಿಂಗ್ ಸಿಕ್ಕಿದೆ. ಕೆಲವು ಕಡೆ ನಿರಸ ಪ್ರತಿಕ್ರಿಯೆಯೂ ವ್ಯಕ್ತವಾಗಿದೆ. ಜೆ ಎನ್ ಯು ವಿದ್ಯಾರ್ಥಿಗಳ ಪರ ದೀಪಿಕಾ ನಿಂತಿದ್ದು ಚಿತ್ರಕ್ಕೆ ಹಿನ್ನಡೆಯಾಗುವಂತೆ ಮಾಡಿದೆ ಎನ್ನುವುದು ವಾಸ್ತವ.

    English summary
    Congress Leader bought 920 Chapaak movie tickets for support Deepika padukone.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X