ಲೋಕಸಭಾ ಚುನಾವಣೆಯಲ್ಲಿ ಕರೀನಾ ಸ್ಪರ್ಧೆಗೆ ಕಾಂಗ್ರೆಸ್ ನಾಯಕರ ಪಟ್ಟು.!

ಕರೀನಾ ಯಾಕೆ.?

ಕರೀನಾ ಕಪೂರ್ ಪತಿ ಬಾಲಿವುಡ್ ನಟ ಸೈಫ್ ಅಲಿ ಖಾನ್ ಮೂಲತಃ ಭೋಪಾಲ್ ದವರು. ನಟಿ ಕರೀನಾ ಕೂಡ ಆಗಾಗ ಭೋಪಾಲ್ ಗೆ ಭೇಟಿ ನೀಡುತ್ತಲಿರುತ್ತಾರೆ. ಹೀಗಾಗಿ, ಕರೀನಾ ಭೋಪಾಲ್ ಕ್ಷೇತ್ರದಿಂದ ಸ್ಪರ್ಧಿಸುವುದು ಸೂಕ್ತ ಎಂಬುದು ಕಾಂಗ್ರೆಸ್ ನಾಯಕರ ಲೆಕ್ಕಾಚಾರ. ಅಲ್ಲದೇ, ಕರೀನಾ ಮಾವ ಅಂದ್ರೆ ಸೈಫ್ ಅಲಿ ಖಾನ್ ತಂದೆ ಮನ್ಸೂರ್ ಅಲಿ ಖಾನ್ ಪಟೌಡಿ 1991 ರಲ್ಲಿ ಭೋಪಾಲ್ ಕ್ಷೇತ್ರದಿಂದ ಚುನಾವಣೆಯಲ್ಲಿ ಸ್ಪರ್ಧಿಸಿ ಸೋತಿದ್ದರು. ಈ ಬಾರಿ ಶತಾಯಗತಾಯ ಕರೀನಾ ರನ್ನ ಗೆಲ್ಲಿಸಲು ಕಾಂಗ್ರೆಸ್ ನಾಯಕರು ಸಜ್ಜಾಗಿದ್ದಾರಂತೆ.

ಕರೀನಾಗೆ ಟಿಕೆಟ್ ಕೊಡಿ.!

ಭೋಪಾಲ್ ಕ್ಷೇತ್ರದಿಂದ ಕರೀನಾ ಕಪೂರ್ ಖಾನ್ ಗೆ ಟಿಕೆಟ್ ಕೊಡಿ ಎಂದು ಮುಖ್ಯಮಂತ್ರಿ ಕಮಲ್ ನಾಥ್ ಬಳಿ ಮನವಿ ಮಾಡಲು ಕಾರ್ಪೊರೇಟರ್ ಗುಡ್ಡು ಚೌಹಾನ್ ಅಪಾಯಿಟ್ಮೆಂಟ್ ಪಡೆದಿದ್ದಾರಂತೆ.

ಯುವಕರ ವೋಟ್ ಬ್ಯಾಂಕ್

ಕರೀನಾ ಕಪೂರ್ ಎಲೆಕ್ಷನ್ ಗೆ ನಿಂತರೆ, ಯುವ ಸಮೂಹದ ಮತದಾನ ಪ್ರಮಾಣ ಹೆಚ್ಚಾಗುತ್ತದೆ ಎಂಬ ನಂಬಿಕೆ ಕಾಂಗ್ರೆಸ್ ನಾಯಕರಲ್ಲಿದೆ. ಹೀಗಾಗಿ, ಕರೀನಾ ಪರ ಕಾಂಗ್ರೆಸ್ ನಾಯಕರು ವಾಲಿದ್ದಾರೆ.

ಬಿಜೆಪಿ ಲೇವಡಿ

ಈ ಸುದ್ದಿ ಜಗಜಾಹ್ಹೀರಾಗುತ್ತಿದ್ದಂತೆಯೇ, ಕಾಂಗ್ರೆಸ್ ಪಕ್ಷದಲ್ಲಿ ಸೂಕ್ತ ನಾಯಕರಿಲ್ಲ. ಹೀಗಾಗಿ, ಅಭಿನೇತ್ರಿಯರ ಹಿಂದೆ ಬಿದ್ದಿದ್ದಾರೆ ಎಂದು ಬಿಜೆಪಿ ಲೇವಡಿ ಮಾಡಿದೆ.

ಸಿನಿಮಾಗಳಲ್ಲಿ ಕರೀನಾ

ಕರೀನಾ ಕಪೂರ್ ಖಾನ್ ಕೈಯಲ್ಲಿ ಸದ್ಯಕ್ಕೆ ಅಕ್ಷಯ್ ಕುಮಾರ್ ಮತ್ತು ಕರಣ್ ಜೋಹರ್ ಚಿತ್ರಗಳಿವೆ. ಬಣ್ಣದ ಬದುಕಿನಿಂದ ಗ್ಯಾಪ್ ಪಡೆದು ರಾಜಕೀಯಕ್ಕೆ ಕರೀನಾ ಧುಮುಕುತ್ತಾರಾ.? ಈ ಬಗ್ಗೆ ಕರೀನಾ ಇನ್ನೂ ಪ್ರತಿಕ್ರಿಯೆ ಕೊಟ್ಟಿಲ್ಲ.