ರೋಮಿಯೋ ಹಿಂದೆ ಬಿದ್ದ ಹುಸೇನ್ ಉಸ್ತಾರ ಮಗಳು, ಬಿಡುಗಡೆ ಮೇಲೆ ಕರಿನೆರಳು

ಮುಂಬೈ ಅಂದ್ರೆ ಅದು ಬಣ್ಣದ ಲೋಕದ ತವರು. ಇಲ್ಲಿ ಪ್ರತಿ ದಿನವೂ ಹೊಸ ಸಿನಿಮಾಗಳ ಸದ್ದು ಗದ್ದಲ ಜೋರಾಗಿ ಇರುತ್ತದೆ. ಆದರೆ ಈ ಬಾರಿಯ ಸದ್ದು ಅಬ್ಬರದ ಪ್ರಚಾರದ್ದಲ್ಲ, ಬದಲಿಗೆ ಕಾನೂನು ಕಚೇರಿಯಿಂದ ಬಂದಿರುವ ನೋಟಿಸ್‌ನಿಂದ ಈಗ ಒಂದು ದೊಡ್ಡ ಸಿನಿಮಾದ ಹಾದಿಗೆ ಈಗ ಕಂಟಕ ಎದುರಾಗಿದೆ.

ಹೌದು, ಬಾಲಿವುಡ್‌ನಲ್ಲಿ ಹಳೆಯ ಭೂಗತ ಲೋಕದ ಕಥೆಗಳನ್ನು ತೆರೆಯ ಮೇಲೆ ತರುವುದು ಹೊಸದೇನಲ್ಲ. ಆದರೆ ಪ್ರತಿ ಬಾರಿಯೂ ಇಂತಹ ಪ್ರಯತ್ನ ನಡೆದಾಗ ಒಂದಲ್ಲ ಒಂದು ವಿವಾದಗಳು ಬೆನ್ನು ಹತ್ತುತ್ತವೆ. ಈಗ ಅಂತಹದ್ದೇ ಒಂದು ಹಳೆಯ ಕಥೆಯ ಸುತ್ತ ಹೊಸ ಸಂಚಲನ ಸೃಷ್ಟಿಯಾಗಿದೆ. ಇದರಿಂದ ಚಿತ್ರತಂಡಕ್ಕೆ ದೊಡ್ಡ ತಲೆನೋವು ಶುರುವಾಗಿದೆ.

ಸಾಮಾನ್ಯವಾಗಿ ಸಿನಿಮಾಗಳು ಅದ್ದೂರಿಯಾಗಿ ಬಿಡುಗಡೆಯಾಗಲು ತಯಾರಾಗುತ್ತವೆ. ಆದರೆ ಈ ಸಿನಿಮಾ ಮಾತ್ರ ಈಗ ಕೋರ್ಟ್ ಮೆಟ್ಟಿಲೇರಿದೆ. ಚಿತ್ರದ ಪೋಸ್ಟರ್ ಗಳು ಮತ್ತು ಸುದ್ದಿಗಳು ಹೊರಬರುತ್ತಿದ್ದಂತೆಯೇ, ಎಲ್ಲೋ ಒಂದು ಕಡೆ ಅಸಮಾಧಾನದ ಕಿಡಿ ಹೊತ್ತಿಕೊಂಡಿತ್ತು. ಆ ಕಿಡಿ ಈಗ ಜ್ವಾಲೆಯಾಗಿ ಬದಲಾಗಿ ಸಿನಿಮಾ ಬಿಡುಗಡೆಯನ್ನೇ ಪ್ರಶ್ನೆ ಮಾಡುವಂತಿದೆ.

ಓ' ರೋಮಿಯೋ ಚಿತ್ರದ ಮೇಲೆ ಬಿತ್ತು ಕೆಂಗಣ್ಣು...

ಹೌದು, ಬಾಲಿವುಡ್‌ನ ಬಹುನಿರೀಕ್ಷಿತ ಸಿನಿಮಾಗಳಲ್ಲಿ ಒಂದಾದ ಓ' ರೋಮಿಯೋ' ಈಗ ಸಂಕಷ್ಟಕ್ಕೆ ಸಿಲುಕಿದೆ. ಚಿತ್ರದ ಶೀರ್ಷಿಕೆಯೇ ಹೇಳುವಂತೆ ಇದೊಂದು ಪ್ರೇಮಕಥೆಯೋ ಅಥವಾ ಆಕ್ಷನ್ ಸಿನಿಮಾವೋ ಎಂಬ ಕುತೂಹಲ ಎಲ್ಲರಲ್ಲಿತ್ತು. ಆದರೆ ಚಿತ್ರದ ಕಥೆಯ ಹಿಂದೆ ವಾಸ್ತವದ ನೆರಳು ಇದೆ ಎನ್ನುವ ವಿಚಾರವೇ ವಿವಾದಕ್ಕೆ ಮೂಲ ಕಾರಣ.

ಸಿನಿಮಾದಲ್ಲಿ ತೋರಿಸಲಾಗುವ ಕೆಲವು ದೃಶ್ಯಗಳು ಮತ್ತು ಪಾತ್ರಗಳು ಒಬ್ಬ ವ್ಯಕ್ತಿಯ ವೈಯಕ್ತಿಕ ಜೀವನಕ್ಕೆ ಸಂಬಂಧಪಟ್ಟಿವೆ ಎಂಬ ಆಕ್ಷೇಪ ಕೇಳಿಬಂದಿದೆ. ಇದರಿಂದಾಗಿ ಬಾಲಿವುಡ್ ಬಿಟೌನ್ನಲ್ಲಿ ಈ ಚಿತ್ರದ ಬಗ್ಗೆ ಭಾರಿ ಚರ್ಚೆಗಳು ನಡೆಯುತ್ತಿವೆ.

ಹುಸೇನ್ ಉಸ್ತಾರ ಪುತ್ರಿ ಸನೋಬರ್ ಶೇಖ್ ಕಾನೂನು ಹೋರಾಟ

ಈ ವಿವಾದದ ಹಿಂದೆ ಇರುವುದು ಭೂಗತ ಲೋಕದ ಹಳೆಯ ವ್ಯಕ್ತಿತ್ವ ಹುಸೇನ್ ಉಸ್ತಾರ ಕುಟುಂಬ. ಹುಸೇನ್ ಉಸ್ತಾರ ಪುತ್ರಿ ಸನೋಬರ್ ಶೇಖ್ ಈ ಚಿತ್ರದ ನಿರ್ಮಾಪಕರ ವಿರುದ್ಧ ಅಧಿಕೃತವಾಗಿ ಪ್ರಕರಣ ದಾಖಲಿಸಿದ್ದಾರೆ. ತಮ್ಮ ತಂದೆಯ ಜೀವನದ ಘಟನೆಗಳನ್ನು ಸಿನಿಮಾದಲ್ಲಿ ಬಳಸಲಾಗಿದೆ ಎಂಬುದು ಅವರ ಪ್ರಮುಖ ದೂರು.

ಸನೋಬರ್ ಪ್ರಕಾರ, ಚಿತ್ರತಂಡವು ಅವರ ಕುಟುಂಬದ ಯಾವುದೇ ಅನುಮತಿ ಪಡೆದಿಲ್ಲ. ತಮ್ಮ ತಂದೆಯ ಚರಿತ್ರೆಯನ್ನು ಸತ್ಯಕ್ಕೆ ದೂರವಾಗಿ ಬಿಂಬಿಸಲಾಗುತ್ತಿದೆ ಎಂದು ಅವರು ಆರೋಪಿಸಿದ್ದಾರೆ. ಇದು ಕೇವಲ ಸಿನಿಮಾವಲ್ಲ, ನಮ್ಮ ಭಾವನೆಗಳ ಮೇಲೆ ಆಗುತ್ತಿರುವ ದಾಳಿ ಎಂದು ಅವರು ತಮ್ಮ ಆಕ್ರೋಶ ಹೊರಹಾಕಿದ್ದಾರೆ.

ಸಿನಿಮಾ ಬಿಡುಗಡೆಗೆ ತಡೆ ಕೋರಿ ಕೋರ್ಟ್‌ಗೆ ಅರ್ಜಿ...

ಸನೋಬರ್ ಶೇಖ್ ಕೇವಲ ದೂರು ನೀಡಿ ಸುಮ್ಮನಾಗಿಲ್ಲ, ಅವರು ಈ ಚಿತ್ರದ ಬಿಡುಗಡೆಗೆ ಕೂಡಲೇ ತಡೆ ನೀಡಬೇಕು ಎಂದು ಒತ್ತಾಯಿಸಿದ್ದಾರೆ. ಚಿತ್ರದಲ್ಲಿನ ವಿವಾದಾತ್ಮಕ ಅಂಶಗಳನ್ನು ತೆಗೆಯದಿದ್ದರೆ ಅಥವಾ ಕುಟುಂಬದ ಒಪ್ಪಿಗೆ ಪಡೆಯದಿದ್ದರೆ ಸಿನಿಮಾ ಪ್ರದರ್ಶನಕ್ಕೆ ಅವಕಾಶ ನೀಡಬಾರದು ಎಂದು ಅವರು ನ್ಯಾಯಾಲಯದಲ್ಲಿ ಮನವಿ ಮಾಡಿದ್ದಾರೆ.

ಅತಂತ್ರ ಸ್ಥಿತಿಯಲ್ಲಿ ಬಾಲಿವುಡ್ ಚಿತ್ರತಂಡ...

ಈ ಕಾನೂನು ಹೋರಾಟದಿಂದಾಗಿ ಓ' ರೋಮಿಯೋ ಚಿತ್ರತಂಡದ ಮುಂದಿನ ಹಾದಿ ಸುಗಮವಾಗಿಲ್ಲ. ಬಾಲಿವುಡ್‌ನಲ್ಲಿ ಇತ್ತೀಚಿನ ದಿನಗಳಲ್ಲಿ ಇಂತಹ 'ಬಯೋಪಿಕ್' ಮಾದರಿಯ ಸಿನಿಮಾಗಳು ಸಂಕಷ್ಟಕ್ಕೆ ಸಿಲುಕುವುದು ಸಾಮಾನ್ಯವಾಗಿದೆ.

ಸದ್ಯ ಸನೋಬರ್ ಶೇಖ್ ಅವರ ಈ ಅರ್ಜಿಯ ವಿಚಾರಣೆಯನ್ನು ಮುಂಬೈ ನ್ಯಾಯಾಲಯ ಫೆಬ್ರವರಿ 6ರಂದು ನಡೆಸಲಿದೆ. ಅಂದು ಚಿತ್ರದ ಬಿಡುಗಡೆಯ ಕುರಿತು ಸ್ಪಷ್ಟವಾದ ಚಿತ್ರಣ ಸಿಗುವ ಸಾಧ್ಯತೆ ಇದೆ. ಫೆಬ್ರವರಿ 13ರಂದು ಬಿಡುಗಡೆಗೆ ಸಿದ್ಧವಾದ ಈ ಚಿತ್ರ ಜೈದಿ ಅವರ ''ಮಾಫಿಯಾ ಕಿಂಗ್ಸ್ ಆಫ್ ಮುಂಬೈ'' ಪುಸ್ತಕದ ಮೇಲೆ ಆಧಾರಿತವಾಗಿದೆ.