ದಬಾಂಗ್ ಹೀನಾಯ ಪ್ರದರ್ಶನ: ಸೌತ್ ನಟನ ಮುಂದೆ ಮಂಕಾದ ಸಲ್ಲು-ಸುದೀಪ್!

'ಸಾಹೋ' ಚಿತ್ರದ ಮುಂದೆ ದಬಾಂಗ್ ಡಲ್ಲು

ಬಾಹುಬಲಿ ಖ್ಯಾತಿಯ ನಟ ಪ್ರಭಾಸ್ ನಟಿಸಿದ್ದ ಸಾಹೋ ಸಿನಿಮಾ ತೆಲುಗು ಮತ್ತು ಹಿಂದಿಯಲ್ಲಿ ಬಿಡುಗಡೆಯಾಗಿತ್ತು. ಪ್ರೇಕ್ಷಕರನ್ನು ನಿರಾಸೆ ಮಾಡಿದ ಸಾಹೋ ಸಿನಿಮಾ ಗಳಿಕೆಯಲ್ಲಿ ಹಿಂದೆ ಬಿದ್ದಿರಲಿಲ್ಲ. 350 ಕೋಟಿ ವೆಚ್ಚದಲ್ಲಿ ತಯಾರಾಗಿದ್ದ ಈ ಚಿತ್ರ 433 ಕೋಟಿವರೆಗೂ ಗಳಿಕೆ ಕಂಡಿತ್ತು. ಹಿಂದಿಯಲ್ಲಿ ಮಾತ್ರ 148 ಕೋಟಿ ಕಲೆಕ್ಷನ್ ಮಾಡಿತ್ತು. ಆದರೆ, ದಬಾಂಗ್ ಚಿತ್ರದ ಈ ಸಿನಿಮಾದ ದಾಖಲೆ ಬ್ರೇಕ್ ಮಾಡಲು ಕಷ್ಟಪಡುತ್ತಿದೆ.

ಸಲ್ಲು ಮಾರುಕಟ್ಟೆ ಕಮ್ಮಿ ಆಯ್ತಾ?

ತೆಲುಗು ನಟನ ಚಿತ್ರವೊಂದು ಹಿಂದಿ ಬಾಕ್ಸ್ ಆಫೀಸ್ ನಲ್ಲಿ ಸಾಧಿಸಿದಷ್ಟು ಅಧಿಪತ್ಯ ಸಲ್ಮಾನ್ ಖಾನ್ ಸಿನಿಮಾದಿಂದ ಯಾಕೆ ಆಗಿಲ್ಲ ಎನ್ನುವುದು ಈಗ ಚರ್ಚೆಗೆ ಕಾರಣವಾಗಿದೆ. ಸಲ್ಲು ಸಿನಿಮಾ ಚೆನ್ನಾಗಿದ್ದರೂ ಚೆನ್ನಾಗಿರಲಿಲ್ಲ ಅಂದರೂ 150 ಕೋಟಿ ಬಿಸಿನೆಸ್ ಸುಲಭವಾಗಿ ಆಗಬೇಕಿತ್ತು ಎಂಬ ಮಾತಿದೆ. ಆದರೆ, ಇದು ಯಾಕೆ ಸಾಧ್ಯವಾಗಲಿಲ್ಲ ಎನ್ನುವುದು ಈಗ ಬಿಟೌನ್ ಇಂಡಸ್ಟ್ರಿಯನ್ನು ಕಾಡುತ್ತಿದೆ.

ಬಾಹುಬಲಿ ಶಕ್ತಿ ಪ್ರಭಾಸ್ ಮೇಲಿತ್ತು

ಬಾಹುಬಲಿ ಸಿನಿಮಾದ ಸಕ್ಸಸ್ ಪ್ರಭಾಸ್ ಗೆ ಶಕ್ತಿ ತುಂಬಿತ್ತು. ಬಾಹುಬಲಿ ಸಿನಿಮಾವನ್ನ ಮೆಚ್ಚಿಕೊಂಡಿದ್ದ ಹಿಂದಿ ಪ್ರೇಕ್ಷಕರು, ಸಾಹೋ ಸಿನಿಮಾದಲ್ಲೂ ನಿರೀಕ್ಷೆ ಮಾಡಿದ್ದರು. ಹಾಗಾಗಿ, ಸಾಹೋ ಚಿತ್ರಕ್ಕೆ ಬಾಲಿವುಡ್ನಲ್ಲಿ ಒಳ್ಳೆಯ ಓಪನಿಂಗ್ ಪಡೆಯುವಂತೆ ಮಾಡಿತು. ಇದರ ಪರಿಣಾಮ ಸಾಹೋ ಗಳಿಕೆಯೂ ಹಿಂದಿಯಲ್ಲಿ ಉತ್ತಮವಾಗಿತ್ತು.

ಪೌರತ್ವ ಕಾಯಿದೆ ಪ್ರತಿಭಟನೆ ಬಿಸಿ

ಸಲ್ಮಾನ್ ಖಾನ್ ದಬಾಂಗ್ 3 ಸಿನಿಮಾ ತೆರೆಕಂಡ ವೇಳೆ ದೇಶದಲ್ಲಿ ಪೌರತ್ವ ಕಾಯಿದೆ ವಿರೋಧಿಸಿ ಪ್ರತಿಭಟನೆ ನಡೆಯುತ್ತಿತ್ತು. ದೊಡ್ಡ ಮಟ್ಟದಲ್ಲಿ ಈ ಪ್ರತಿಭಟನೆ ನಡೆದ ಕಾರಣ, ದಬಾಂಗ್ ಚಿತ್ರಕ್ಕೆ ಆರಂಭಿಕ ಹಿನ್ನಡೆ ಆಯಿತು. ಅಷ್ಟೊರಳಗೆ ಸಿನಿಮಾ ಬಗ್ಗೆ ನೆಗಿಟೀವ್ ಟಾಕ್ ಹೆಚ್ಚಾಗಿದ್ದರಂತೆ ಕಲೆಕ್ಷನ್ ಮೇಲೂ ಪರಿಣಾಮ ಬೀರಿತು.

ದಾಖಲೆ ಬ್ರೇಕ್ ಆಗುತ್ತೆ!

ಹಿಂದಿ ಅವತರಣಿಕೆಯಲ್ಲಿ ಸಾಹೋ ಸಿನಿಮಾದ ಒಟ್ಟಾರೆ ಗಳಿಕೆ 148 ಕೋಟಿ. ದಬಾಂಗ್ ಒಟ್ಟಾರೆ ಗಳಿಕೆ 147 ಕೋಟಿ. ಹಾಗಾಗಿ, ಸಾಹೋ ಸಿನಿಮಾದ ಗಳಿಕೆಯ ದಾಖಲೆ ಬ್ರೇಕ್ ಮಾಡುತ್ತೆ. ಅದಕ್ಕಾಗಿ ದಬಾಂಗ್ ತೆಗೆದುಕೊಂಡ ಕಾಲಾವಕಾಶ ಮಾತ್ರ ನಿರಾಸೆ ತಂದಿದೆ.