'ಪದ್ಮಾವತಿ' ಚಿತ್ರಕ್ಕೆ ದೀಪಿಕಾಗೆ ಸಿಗುವ ಸಂಭಾವನೆ ಎಷ್ಟು.?

ಬಾಲಿವುಡ್ ಸಿನಿಮಾ ರಂಗದಲ್ಲಿ ಗುಳಿಕೆನ್ನೆ ಬೆಡಗಿ ದೀಪಿಕಾ ಪಡುಕೋಣೆ ಅಂದ್ರೆ ಬಾಕ್ಸಾಫೀಸ್ ರಾಣಿ ಅಂತಾನೇ ಸಿನಿ ಪಂಡಿತರ ಲೆಕ್ಕಾಚಾರ. ದೀಪಿಕಾ ಮುಟ್ಟಿದ್ದೆಲ್ಲಾ ಚಿನ್ನ ಆಗುತ್ತೆ ಅನ್ನೋ ಮಾತಿಗೂ, ಡಿಪ್ಪಿ ನಟಿಸಿದ ಸಿನಿಮಾ ಎಲ್ಲಾ ಸೂಪರ್ ಹಿಟ್ ಆಗೋದಕ್ಕೂ ಸರಿ ಹೋಗುತ್ತೆ.

ಅಂದಹಾಗೆ ದೀಪಿಕಾ ಅವರ ಸಂಭಾವನೆ ವಿಚಾರದ ಬಗ್ಗೆ ಬಿಟೌನ್ ನಲ್ಲಿ ಆಗಾಗ ಭಾರಿ ಚರ್ಚೆಗಳಾಗುತ್ತಿರುತ್ತದೆ. ಇಲ್ಲಿಯವರೆಗೆ ಸುಮಾರು ಹಿಟ್ ಸಿನಿಮಾಗಳನ್ನು ಕೊಟ್ಟಿರುವ ದೀಪಿಕಾ ಪಡುಕೋಣೆ ಅವರು ಹಾಲಿವುಡ್ ನಲ್ಲಿ ಬೇರೆ ತಮ್ಮ ಝಲಕ್ ತೋರಿಸಿ ಬಂದಿದ್ದಾರೆ.['ಪದ್ಮಾವತಿ' ಜೊತೆ ಹಸಿಬಿಸಿಯಾಗಿ ಕಾಣಿಸಿಕೊಳ್ತಾರಾ ಶಾರುಖ್.?]

ಅಂದಮೇಲೆ ಗ್ಯಾರೆಂಟಿ ಸಂಭಾವನೆ ಬರೋಬ್ಬರಿ ಇದ್ದೇ ಇರುತ್ತೆ ಅಂತ ಸಾಮಾನ್ಯವಾಗಿ ಎಲ್ಲರೂ ಯೋಚನೆ ಮಾಡಿಯೇ ಇರುತ್ತಾರೆ. ಅದರಂತೆ ಇದೀಗ ದೀಪಿಕಾ ಅವರು ತಮ್ಮ ಮುಂದಿನ ಚಿತ್ರ 'ಪದ್ಮಾವತಿ'ಗೆ ಸಂಭಾವನೆ ಅಂತ ಕೋಟಿ ಕೋಟಿ ಹಣವನ್ನು ತಮ್ಮ ವ್ಯಾನಿಟಿ ಬ್ಯಾಗಿಗಿಳಿಸಿದ್ದಾರೆ.[ಬಾಲಿವುಡ್ ನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿ ಯಾರು?]

ಸಂಜಯ್ ಲೀಲಾ ಬನ್ಸಾಲಿ ಅವರು 'ಪದ್ಮಾವತಿ' ಚಿತ್ರಕ್ಕೆ ದೀಪಿಕಾ ಅವರಿಗೆ ನೀಡಿದ ಸಂಭಾವನೆ ಬರೋಬ್ಬರಿ 12.65 ಕೋಟಿ ರೂಪಾಯಿ. ಇವಾಗಂತೂ ದೀಪಿಕಾ ಅವರು ಬಾಲಿವುಡ್ ನ ರಾಣಿ ಅಂತ ಮತ್ತೆ ಪ್ರೂವ್ ಆಗಿದೆ.[ದೀಪಿಕಾ ಜೊತೆ ಮದುವೆ ಬಗ್ಗೆ ರಣವೀರ್ ಏನಂತಾರೆ.?]

'ರಾಮ್ ಲೀಲಾ' ಚಿತ್ರಕ್ಕೆ ದೀಪಿಕಾ ಪಡೆದುಕೊಂಡ ಸಂಭಾವನೆ 1 ಕೋಟಿ ರೂಪಾಯಿ, 2 ವರ್ಷದ ನಂತರ ಬಂದ 'ಬಾಜೀರಾವ್ ಮಸ್ತಾನಿ'ಗೆ 7 ಕೋಟಿ ರೂಪಾಯಿ, ಈ ಬಾರಿ 'ಪದ್ಮಾವತಿ'ಗೆ 12.65 ಕೋಟಿ ರೂಪಾಯಿ.[ಉಸ್ಸಪ್ಪಾ! 10 ನಿಮಿಷ ಕುಣಿಯಲು ಪ್ರಿಯಾಂಕ ಪಡೆದ ಸಂಭಾವನೆ ಇಷ್ಟಾ?]

ಈಗಾಗಲೇ ಬನ್ಸಾಲಿ ಅವರ ಜೊತೆ ಸಂಭಾವನೆ ವಿಚಾರದಲ್ಲಿ ಈ ಡೀಲ್ ನಡೆದಿದ್ದು, ಎಲ್ಲವನ್ನೂ ಬನ್ಸಾಲಿ ಅವರು ಫೈನಲ್ ಸೆಟ್ಲ್ ಮೆಂಟ್ ಮಾಡಿದ್ದಾರಂತೆ. ಅಂತೂ ಡಿಪ್ಪಿ ಸಂಭಾವನೆ ಎಷ್ಟು ಅಂತ ಪ್ರಶ್ನೆ ಮಾಡಿದವರಿಗೆ ಇದೀಗ ಉತ್ತರ ದೊರೆತಿರಬಹುದು.