ಬೆಂಗಳೂರಿನಲ್ಲಿ ದೀಪಿಕಾ ಪಡುಕೋಣೆ ಮದುವೆ ಶಾಪಿಂಗ್.!

ಒಂದು ಕಡೆ ಅನಿಲ್ ಕಪೂರ್ ಪುತ್ರಿ ಸೋನಮ್ ಕಪೂರ್ ಮದುವೆ ತಯಾರಿ ನಡೆಯುತ್ತಿದ್ದರೇ, ಮತ್ತೊಂದೆಡೆ ಕರ್ನಾಟಕದ ಮಗಳು ದೀಪಿಕಾ ಪಡುಕೋಣೆಯ ವಿವಾಹದ ತಯಾರಿ ಜರುಗುತ್ತಿದೆ. ಬಾಲಿವುಡ್ ನಟ ರಣ್ವೀರ್ ಸಿಂಗ್ ಅವರ ಜೊತೆ ಪ್ರೀತಿಯಲ್ಲಿರುವ ದೀಪಿಕಾ ಸಪ್ತಪದಿ ತುಳಿಯಲು ನಿರ್ಧರಿಸಿದ್ದಾರೆ.

ಮೂಲತಃ ಬೆಂಗಳೂರಿನವರಾದ ದೀಪಿಕಾ ಪಡುಕೋಣೆ ಸದ್ಯ ತಾಯಿ ಮತ್ತು ತಂಗಿಯ ಜೊತೆ ಸೇರಿ ಸಿಲಿಕಾನ್ ಸಿಟಿಯಲ್ಲಿ ಮದುವೆಗಾಗಿ ಶಾಪಿಂಗ್ ಮಾಡ್ತಿದ್ದಾರಂತೆ.

ದೀಪಿಕಾ ಪಡುಕೋಣೆ ಮದುವೆಗಾಗಿ ಒಡವೆಗಳನ್ನ ಖರೀದಿಸುವಲ್ಲಿ ಎಲ್ಲರೂ ಬ್ಯುಸಿಯಾಗಿದ್ದು, ತಾಯಿ ಉಜ್ಜಲ ಪಡುಕೋಣೆ ಮತ್ತು ತಂಗಿ ಅನಿಶಾ ಪಡುಕೋಣೆ ಇಬ್ಬರು ದೀಪಿಕಾಗೆ ಸಾಥ್ ಕೊಡ್ತಿದ್ದಾರೆ.

ಈಗಾಗಲೇ ಎರಡು ಕುಟುಂಬದವರು ಮದುವೆ ದಿನಾಂಕವನ್ನ ನಿಗದಿ ಪಡಿಸಿದ್ದು, ದೀಪಿಕಾ ಕುಟುಂಬಸ್ಥರು, ಸಂಬಂಧಿಕರು ಮತ್ತು ಸ್ನೇಹಿತರಿಗಾಗಿ ವಿಶೇಷ ಪಾರ್ಟಿ ಹಮ್ಮಿಕೊಳ್ಳುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಕಳೆದ ಕೆಲದಿನಗಳ ಹಿಂದೆಯಷ್ಟೇ ರಣ್ವೀರ್ ಕುಟುಂಬ ಮತ್ತು ದೀಪಿಕಾ ಕುಟುಂಬದವರು ಮದುವೆ ಪ್ಲಾನ್ ಬಗ್ಗೆ ಚರ್ಚಿಸಿದ್ದಾರೆ. ಈಗಾಗಲೇ ಎಲ್ಲಾ ಯೋಜನೆಗಳು ರೂಪುಗೊಂಡಿದೆ. ಆದ್ರೆ, ದಿನಾಂಕ ಯಾವುದು ಎಂಬುದು ಸದ್ಯಕ್ಕೆ ಬಹಿರಂಗವಾಗಿಲ್ಲ.